Dt 32:39 - Chuj San Sebastian Bible

³⁹ An tic, cojn in ton Dios in, may junc xo dios 'icha 'in tic. An tzwac' cham junc mach, an pax tztac' wa'n sq'uinal. An tzwac' lajwc eb' 'anma', an pax tzwan̈tj eb'. ¡May junc mach tztac' scoln 'el sb'a 'a yol in c'ab'!

Chuj San Mateo Bible

³⁹ Naeccoti to a inn̈ej Dios in. Malaj junocxo dios d'a vichan̈. A in svac'cham anima, a in pax svac'xi pitzvoc eb'. A in svac' echnaj eb' anima, svan̈tanpax eb'. Malaj mach syal scolan sb'a d'a yol in c'ab'.

Dt 32:39 Iomraidhean Croise

A Ch'an̈ Schab'il Libro Yic Yab'ixal Eb' Rey 20:5

Meltzjan̈, 'at al 'a Ezequías syajlil in chon̈ab', to an Jehová in, e Diosal in yet' e mam 'ichm David, an tzwal 'ixtic: Tox 'ix wab' a lesal, 'ix wil yelt yal a sat oq'ui, yuj cha, 'oj wac' b'oxc a c'ojol, ax chab'ej tzach 'at 'a watut an Jehová 'in tic.

A Ch'an̈ Schab'il Libro Yic Yab'ixal Eb' Rey 5:7

Yajn̈j wal cha, 'ix yawtn win sreyl chon̈b' Israel ch'an̈ carta cha, 'ix tzilnjat spichul, 'ix yaln 'ixtic: —¿Tom an Dios in jun? ¿tom an tzwac' schamlil 'anma', yet' pax stzatzil, yuj cha, tzchecn cot win jun winc tic 'ayin, yic tzwi'n 'el lepra 'a 'a? Tzcham eyilni, tecn wan sayn eb' tas tznib'j tzin yutej, xchi win rey cha.

Nehemías 9:6

Xlajw cha, xyaln pax eb' 'ixtic: Ach tic, cojxn̈ej ach Jehová ach. Ach a b'ojnac satchan̈ to satjub'tac yilxi, yet' smasnil c'anal; ach 'ix a b'o lum lu'um yet' pax a mar yet' smasnil tas 'ay 'a 'a. Ach ton wal tzac' sq'uinl smasnil tas. Yuj wal cha, tz'och eb' ángel 'emmquilal 'ayach.

Job 10:13

Palta a ticnec tznachj 'el wu'uj, to 'ay tas c'ultac nab'il 'oj 'a in patic.

Job 10:7

Wach'xam ojtac to may in mul, palta toc 'ay mach tztac' in scoln 'el 'a yol a c'ab'.

Job 5:18

Toto a tz'a'n lajwc junc mach, a pax tz'an̈tni; toto a tz'a'n 'och syailal junc mach, a pax tz'a'n b'oxc sc'ojol.

Salmos 102:27

Ach tic Mamin, an̈j 'ijnoc achn̈ej, may xon wal b'a'n̈ 'ay slajb' a q'uinal.

Salmos 102:28

A eb' cunnal an̈ a checb' on̈ tic on̈, 'oj a tan̈wc eb' b'aq'uin̈. Yuj a colwal 'a eb', yuj cha, may tas 'oj 'i'nc eb' 'a ojltac.

Salmos 18:31

May junc xo Dios, cojxn ach Mamin Jehová. ¿Tom 'ay junc comn dios tztac' on̈ scoln 'icha ach tic?

Salmos 50:22

Toto tzin 'at satc'ojlal eyu'uj, wach' cab' tz'aj snachj 'el eyu'uj, to choc' 'oj ex wutc cani. Man̈x 'a mach 'oj e coln 'el 'ayin.

Salmos 51:8

'Ac' tzaljoc in c'ojol, 'ac' jawc in tzaljc'ojlal jun 'ejm xo, wach'xam tox in a b'eyc'ojlej si'mb'il.

Salmos 68:20

A qui Diosalec, atn qui Colmalec paxi. A Jehová Cajlilec tic, tztac' on̈ scolnec 'el 'a yol sc'ab' chamel.

Salmos 86:10

Yujto cojn ach Dios ach; caw niwn el'chi, tza b'on tas caw satjub'tac yilxi.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Ex 4:7

'Ix yaln pax Dios jun 'ejm xo: —'A'x 'och a c'ab' chi 'a sn̈i a c'ojol, xchi. 'Ix ya'n pax 'och Moisés sc'ab' 'a sn̈i sc'ojl cha, ax yic 'ix yi'n pax 'elt sc'ab', caw wal wach'x yilx sniwnal chi 'icha xoni.

Ec 3:3

'Ay yorail smilx 'anma', 'ay pax yorail yan̈txi. 'Ay yorail sma'x 'ejm junc tas, 'ay pax yorail sb'ox cha'an̈.

Is 19:22

Yujto 'oj ya'ch Jehová syailal eb' 'aj Egipto, yuj cha, 'oj laj meltzj eb' 'a 'a, ax yo'ch sc'ojl 'a eb', 'oj b'ox can sc'ojl eb' yu'uj.

Is 30:26

A yoc 'uj, lajn 'oj 'aj 'icha yowl yoc c'u, ax yoc c'u, uc 'ejm 'oj 'aj yowb' sacq'uinlal, 'icha wal sacq'uinlal uque'oc c'u to yamn yaji, 'ixta wal 'oj 'aj jun c'u cha. Atn wal 'a yic jun c'ul cha, ata 'oj yan̈tc Jehová eb' schon̈ab', ax spichn tas lajwnac 'a eb' yu'uj.

Is 41:4

¿Mach 'ix 'a'n sb'o jun tzo'n̈ tic? ¿Mach 'ix nalb'an smasnil tas 'ix uj 'a yictax pecti'? An ton Jehová in, an b'ojnac, cojn in ton Dios in, b'ab'l waj 'a smasnil, slajb' in paxi.

Is 43:10

A Jehová a tzaln pax 'ixtic: Ax israel ex tic in testigo ex, in checb' ex, sic'b'ilx 'el wu'uj, sec wach' tzin eyojquej 'eli, tzin eya'n 'och yipc e c'ojol, nachj cab' pax 'el eyu'uj, to cojn in toni. May junc xo dios b'ab'l 'e'nc wu'uj, may pax junc xo tza'n 'oj jawoc.

Is 43:12

An waljnac to 'oj ex in colo', ax ticnec 'elnc c'och jun cha. In testigo eyaji, to an xwac' 'el'choc, man̈oc junc comn dios aljnac.

Is 43:13

A 'a yictax pecti', Dios in xoni. May junc mach tztac' scoln 'el sb'a 'a yol in c'ab', may junc mach tztac' sjun 'el tas tzin b'o'o, xchi Dios.

Is 45:18

Mamin Jehová, ach b'ojnac satcha'an̈ yet' lum lum tic, wach' otjnac can 'a yet'ul, caw ach b'ojnac. Man̈toc sictac 'ajnc cani, palta to xcajxi. Ach aljnac can 'ixtic: Cojn in ton Jehová in, may junc xo.

Is 45:22

Jantcn̈ej ex cajn ex 'a 'aj tzlajw c'och sti lum lu'um, cotn̈ec 'ayin, 'oj ex in colo', cojn in ton Dios in, may junc xo.

Is 45:5

Cojn in ton Jehová in, may junc xo. May junc xo Dios, Cojxn In Toni. An 'oj wac' ep, wach'xam man̈ in ojcoc.

Is 46:4

'Ixtan̈ej 'oj in b'o eyet'oc, wach'xam 'ichmexx 'anma', mto sacx xil e jolom, palta 'oj ex wi'n̈j b'eyoc. An b'ojnac ex, yuj cha, 'aynn̈ej 'och eyet'oc, 'oj ex in coln̈ej.

Is 48:12

A Dios tzaln 'ixtic: Ex israel yin̈tl can Jacob, 'ab'c wal tas 'oj wala', to an si'jnacx can 'eli: Cojn in ton Dios in, an b'ab'l waj 'a smasnil tas, slajb' in paxi.

Ez 37:12

Yuj cha, al yab' eb' in chon̈ab', to an Jehová in, an tzwal 'a eb' 'ixtic: Ex in chon̈ab', 'icha to mucb'ilx 'a scal jun tzo'n̈ xo nacion̈, palta an 'oj ex in col 'elt 'a 'aj 'ayx 'ec' cha. 'Oj lajwc cha, ax ex wi'n pax meltzjoc 'a e chon̈ab'.

Ez 37:3

Yuj cha, xyaln Jehová 'ayn 'ixtic: Ach 'anma', ¿tzam stac' spitzw pax jun tzo'n̈ b'ac tic jun 'ejm xo? xchi 'ayin. In ta'w 'ixtc 'a 'a: Mamin Jehová, ach Wajlil, cojn ach ojtac, xin chi.

Os 5:14

'Icha wal smacwj junc no león, 'ixta 'oj wutc in macwj 'a eb' yin̈tl Efraín yet' 'a eb' 'aj Judá. 'Oj in ch'iychtoc can eb', 'oj lajwc cha, ax in 'ati. An 'oj 'ec' in lem chan̈ eb', toc 'ayt mach 'oj stac' scoln eb' 'a yol in c'ab'.

Os 6:1

'Oj cob' yal eb' 'anma chi 'ixtic: Cotn̈ec e masnil, meltzj coyc pax 'a Jehová. A 'on̈ cotc ch'iychtanec 'ati, palta 'oj ya'x b'oxc qui c'ojlec, on̈ ya'c lajwoc, palta a pax 'oj can̈tnec.

Miqueas 5:8

Lajn wal 'oj 'aj eb' yin̈tl Jacob chi 'a scal nan̈loc nacion̈ 'icha junc no león 'ay 'a scal no calte'al noc', mto 'icha junc no león tz'och 'a scal jun b'ulc no calnelu. A yic tzc'och no', tzyamn cot no e no calnelu cha, tzcotc ch'iychtan 'at no'. Man̈x 'a junc mach tztac' scoln e no'.

Jn 8:24

Yuj cha, xwaln 'ayex to a 'a scal e mul 'oj e chami. Toto matz eya'ch 'a e c'ojol, to an ton 'icha xwala, toto 'ixta', a 'a scal e mul chi 'oj e chami, xchi.

Dt 32:12

An̈j Jehová 'ix on̈ 'i'n b'ey an̈ schon̈b' on̈c tic, may junc xo comn dios 'ix colwj quet'ec.

Dt 4:35

'Ix sch'ox quil jun tzo'n cha, sec tzcojquejec 'eli to may junc xo Dios, palta cojn ton Jehová.

Dt 7:9

A ticnec, tzeyojquej 'eli to a Jehová qui Diosalec, to cojni. A eb' 'ay schamc'ojlal 'a 'a, tzyac' 'el'choc strato yet' eb'. A eb' tzyiclni schecnb'il, tz'o'ch sc'ojl 'a eb', yet' 'a yin̈tl eb' b'aq'uin̈.

A Ch'an̈ Carta D'a Eb' Hebreo 1:12

'Oj a chulb'ec'n 'icha junc nip. 'Oj a jelmtoc 'icha tzyac' junc 'anma tzjel-l yichm pichul. Palta ach xo, ajn̈j aj 'a smasnil tiempo. Ax a q'uinal, may b'a'n̈ 'oj lajwc 'eq'ui, xchi 'a Ch'an̈ U'un̈.

Apoc 1:11

'Ix yaln 'ayn 'ixtic: [—An ton tic, b'ab'l waj 'a smasnil, slajb' in paxi. 'Icha chab' letra A yet' Zeta, 'ixta 'in.] A tas wan elni, tza tz'ib'j can 'a junc libro. Tza'n 'at 'a eb' creyente 'a uque iglesia ['a yol yic Asia,] atn 'a Éfeso, 'a Esmirna, 'a Pérgamo, 'a Tiatira, 'a Sardis, 'a Filadelfia yet' 'a Laodicea, xchi 'ayin.

Apoc 2:8

'Ix yaln pax 'ayn 'ixtic: 'Ixtc tzotj a tz'ib'n 'at 'a jun in checb' 'ayc' 'a iglesia 'a Esmirna: A jun b'ab'l yaji, slajb' paxi, atn jun xchami, palta xpitzw paxi, a tzaln 'ayx 'ixtic:

A Ch'an̈ B'ab'el Libro Samuel 2:6

Mamin Jehová 'aj q'uinl ach, ach tzej 'ec' qui q'uinl on̈, tza'n paxi. Tztac' tzon̈ 'a'cn 'ejm 'a yol sjul-l eb' chamnc 'anma', tzon̈ a coln pax q'ueta.