Dt 32:37 - Chuj San Sebastian Bible

³⁷ 'Oj yal Jehová 'a eb' chon̈b' 'ixtic: ¿'Ajtil 'ay jun tzo'n̈ e diosal, jun tzo'n̈ e colmal tzeya'ch yipc e c'ojl cha,

Chuj San Mateo Bible

³⁷ Ichato chi' ol sc'anb'an Jehová d'a eb' ajc'ol chi': ¿B'ajtil ay e diosal ticnaic, juntzan̈ tzex colani, aton juntzan̈ tzeyac'och yipoc e c'ool,

Dt 32:37 Iomraidhean Croise

A Ch'an̈ Schab'l Libro Samuel 22:3

Ach in Diosal, ach 'aych 'och yipc in c'ojol, a 'aych tzin col in b'a, in tan̈mal aji, in colmal ach, caw wal 'ay ep. Oj wali, yuj cha, matz in yamchj yuj eb' 'ajc'ojl yajch 'ayin. Ach in a col 'a mach xnib'n in satn 'eli.

A Ch'an̈ Schab'il Libro Yic Yab'ixal Eb' Rey 3:13

Xlajw cha, 'ix yaln Eliseo 'ixtc 'a win sreyl Israel: —¿Tas waln wic et'oc? Ata cab' tzach 'at a c'anb'c 'a eb' schecb' scomn diosal a mam a nun sayjnac, xchi Eliseo cha. —Ma'ay, yujto a Jehová on̈ yamb'tzan an̈ 'oxwn̈ reyn̈ tic on̈, yic tzon̈ ya'n 'och 'a yol sc'ab' eb' moabita, xchi 'a 'a.

Ex 34:15

Yuj cha, may wal junc trato tztac' e b'on yet' eb' 'anma cajn 'a sat lum lum cha. A yic tzlaj ya'noc 'ejm sb'a eb' 'a sdiosal cha, yic tzlaj ya'nc eb' xajmb'al chi 'a 'a, toq'ue tzex yawtj eb' yic tze c'uxn jun tzo'n̈ xajmb'al chi yet' eb', caw man̈ e cha'.

Is 31:9

Yuj wal jun xiwlal cha, ax s'at win rey yet' eb' scapitan̈il eb' soldado 'eloc, ax yactn can eb' sbandera. A Jehová a tzaln jun tic, atn jun 'ay yic jun yet'l xajmb'al 'aych sc'a'l 'a tzaln Sión, a sc'a'l yowl sc'ojol, caw tzn̈ilchj 'a Jerusalén, yic tzya'n 'och yailal 'a eb' 'ajc'ojl yajch 'a 'a.

Jeremías 11:12

'Ixta to b'i'an, a eb' et chon̈b' 'aj Judá, yet' eb' cajn 'a Jerusalén, 'oj 'at eb' sc'an cob' scolwal sdiosal, atn jun tzo'n̈ 'aj tzyac' tz'a eb' incienso, palta ma'oj stac' scolx 'el eb' yuj jun tzo'n̈ chi 'a scal syailal 'oj jawc cha.

Jeremías 2:28

Ex 'aj Judá, ¿'ajtil 'ay jun tzo'n̈ e diosal e b'ojnac? ¡'Icha wal sb'isl e chon̈ab', 'ixta wal sb'isl eb' e diosal chi e b'ojnac! ¡Jaw cab' eb' quilnoc, ax quilni, toto 'oj stac' ex scoln eb', yic 'oj c'och stiempoal sjaw yailal 'a eyib'an̈!

Jeremías 37:19

A jun tzo'n̈ xyalch sb'a schecb'oc Dios, eb' 'ix alni to ma'oj jawc win sreyl Babilonia wul yac' owl yet' jun chon̈b' tic, toc 'ix a'ch eb' 'a preso.

Jueces 10:14

'Ixquec, 'at c'anc scolwal eb' comn dios chi xeya'ch yipc e c'ojl cha. A cab' eb' tzex coln 'elt 'a scal e cusc'ojlal, xchi 'a eb'.