Dt 32:3 - Chuj San Sebastian Bible

³ 'Oj walcn 'eli, to niwn yel'ch Jehová; 'ijec chan̈ sb'i qui Diosalec.

Chuj San Mateo Bible

³ Svalcaneli to nivan yelc'och Jehová. Iq'uecchaan̈ sb'i co Diosal.

Dt 32:3 Iomraidhean Croise

1 Cr 17:19

Mamin Jehová, yuj a chamc'ojlal 'ayin, a tzyal 'ixta tz'el 'a a c'ojl a'n smasnil jun tzo'n̈ 'opiso satjub'tac yilx tic 'ayin, yic tzcheclj 'eli, to caw niwn el'chi.

1 Cr 29:10

Yuj cha, 'ix yaln rey David wach' paxti 'a Jehová 'a sat smasnil eb' chon̈b' cha, 'ix yaln 'ixtic: Mamin Jehová, qui Diosal ach yet' qui mam 'ichm Israel on̈, alx cab' wach' paxti 'aych 'a smasnil tiempo.

1 Cr 29:11

Ec yaj jun tzo'n̈ tic, caw niwn el'chi, caw 'ay a poder, tzictzni elxi, ach 'ay ec smasnil tas, rey ach paxi, yujto a smasnil tas 'ay 'a satcha'an̈ yet' 'a sat lum tic, ec yaji. Mamin Jehová, ach yajl ach 'a yib'n̈ smasnil.

1 Cr 29:13

Yuj cha, a ticnec, ach qui Diosal on̈, tzcal yuj diosal 'ayach, tzcaln pax qui wach' paxti 'a a b'i to wach' yochi.

Salmos 150:2

B'itn coyc yuj satjub'tacl yilx tas b'ob'il yu'uj. B'itn coyc 'a 'a, yujto may b'a'n̈ tzlajw sb'inaxi.

Ex 20:24

B'oc junc yet'l e xajmb'al; lum tzeya'ch 'a 'a, junc to wicn̈ej tz'aji. Ata 'oj eyac' tz'a no calnelu, mto no wacx tzeyac' xajmb'al-l 'ayin. Ata 'oj eyac' tz'a ofrenda yic junc'ojlal. A 'ajtil 'oj wala' to tzeyal e b'a 'ayin, ata 'oj in jawi, ax wa'n yaxilal 'a eyib'an̈.

Ex 33:19

'Ix ta'w Dios 'a 'a: —Smasnil in wach'c'ojlal 'oj in ch'ox 'ayach, ax wal 'a ojltac ata 'oj walcn in b'i an Jehová in tic. 'Oj wac' in wach'c'ojlal 'a eb' 'aj tzyal in c'ojl tzwac'a, an̈jtona', 'oj 'o'ch pax in c'ojl 'a eb' 'aj tzyaln̈j in c'ojol.

Ex 6:3

An in ch'oxjnac in b'a 'a Abraham, 'a Isaac yet' 'a Jacob, Dios in, tztac' wuj smasnil. Cojn to ma'ix wac' yojcoc 'el eb' in b'i tic: TO AN JEHOVÁ IN.

Jeremías 10:6

Mamin Jehová, may xon wal junc mach lajn et'oc; yujto ach tic, cojxn ach niwn el'chi, caw b'inab'il a b'i, tzta'n̈j oj smasnil.

Jeremías 23:6

A 'a yol stiempoal yic 'oj ya'nc reyl cha, caw 'oj colchjoc can 'el eb' 'aj Judá, yet' pax eb' 'aj Israel, man̈x 'a tas 'oj sna eb'. Atn jun b'i tic 'oj 'ajxoc sb'ioc: A Jehová Tzon̈ B'onyajec 'A Stojlal, 'ixta 'oj sb'ioc, xchi.

Mt 1:23

'Ay jun cob's 'ix, mant 'a xon junc winc tzyi'aj, palta 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel, xchi. (Emanuel tzyal 'el'chi, 'ayc' Dios quet'oc).

Jn 17:26

An xwac' yojcoc 'el eb' tas yaj a nab'en. 'Oj in wach' 'a'c yojcoc 'el eb', sec wach' 'icha tzin otj in a chamc'ojlani, 'ixta tzotj a chamc'ojlan pax eb', ax woch cajn 'a eb' 'a jun 'ejmn̈ej, xchi Jesús 'a qui Mam Dios.

Jn 17:6

A eb' xa sic' 'elt 'a yolyib'n̈q'uinl tic, xa'n eb' 'ayin, xin ch'ox 'a eb' tas yaj a nab'en. A eb' xac' 'ayn cha, toxn ec xon eb'. Tzlaj syiclc eb' a paxti'.

Ef 1:19

Tzin c'ann pax 'a 'a, sec 'oj eyojcoc 'eli, to caw niwn yel'ch spoder, tztac' yuj smasnil. Atn jun chi 'aych 'ayn̈ec, yujto tzca'c 'och qui c'ojl 'a 'a. Sch'oxjnac, to caw niwn spoder si'mb'il,

Dt 3:24

Mamin Jehová, a ticnec xa chaj 'el yich a ch'oxni to niwn el'chi yet' a jelnal 'a 'ayn a checb' in tic. May junc xo Dios 'a satcha'an̈ mto 'a sat lum tic 'ay sjelnal sb'on junc tas satjub'tac yilx 'icha tas tza b'o tic.

Dt 5:24

Yel ton wal b'i'an, a Jehová sch'ox sb'a yet' stzictznial, yet' pax spoder. 'Ix cab' pax wal spaxtin 'elt 'a scal c'ac'. A ticnec, 'ix cojquej 'eli to tztac' spaxtin Dios yet' eb' 'anma', may pax eb' xcham yu'uj.

Apoc 15:3

'Ix sb'itnan eb' sb'it Moisés, atn jun schecb' Dios. 'Ix sb'itnan pax eb' sb'it jun tzcuch Calnelu. Xchi jun b'it chi 'ixtic: Mamin, ach qui Diosal, smasnil tas tztac' o'oj. Caw niwn yel'ch jantcn̈ej tas xa b'o'o, xcaw sat qui c'ojl quiln on̈. Caw yel, tojln̈ej a b'eyb'al, sReyl ach junjn nacion̈.