Dt 32:25 - Chuj San Sebastian Bible

²⁵ A 'a yol caye, 'oj laj can t'ocn yunnal eb' scham yuj q'uen espada. Caw xiwc'ojlaln̈ej ya'jc eb' 'a yol yatut. 'Oj cham ewin quelmtac winac, yet' eb' 'ix cob'stac 'ix, eb' 'ichmtac 'anma', yet' pax eb' 'unn tzat chuwi.

Chuj San Mateo Bible

²⁵ Ol laj cham yuninal eb' d'a yoltac calle yuj q'uen espada. Xivc'olalxon̈ej ol ajec' eb' d'a spat. Ol cham eb' quelemtac, eb' ix cob'estac, eb' icham anima yed' eb' unin tzato chuni.

Dt 32:25 Iomraidhean Croise

A Ch'an̈ Schab'il Libro Yic Yab'ixal Eb' Rey 7:5

A yic 'ix 'em nummoc sq'uic'b'i, 'ix q'ue wan eb', 'ix 'at eb' 'a scamplamento eb' sirio cha. Ax yic 'ix c'och eb', 'ix yiln eb' man̈x 'a junc mach 'ayq'ui.

2 Cr 36:17

Xlajw cha, xchecx cot win rey yet' eb' soldado 'aj Babilonia yuj Jehová, yic tzya'n owl yet' eb' 'aj Judá cha. A yic 'ix 'ajx ganar eb', 'ix milx cham eb' quelm yet' espada a yol yamq'uil yatut Dios. Man̈x 'a jac sniwnc'ojlal 'a eb' quelem, 'a eb' cob'es, yet' 'a eb' 'ichmtac 'anma man̈x 'a yip. Xya'ch Jehová smasnil eb' 'a yol sc'ab' jun rey cha.

Is 30:16

A eyico', to 'ix eyal 'ixtic: Ma'ay, yel xo wach' quiquec, to a 'a yib'n̈ chej 'oj qui 'ati, yic tzqui colnec qui b'a, xe chi. Yel ton tzeyala, 'oj e 'at 'elc cha. 'Ix eyaln pax 'ixtic: 'Oj cochc 'a yol caruaje to caw jeln sb'eyi, xe chi. Yel ton tzeyala, palta yel xo jeln sb'ey eb' 'ajc'ojl chi 'oj e pechn b'eyc'oc cha.

Jeremías 44:7

Yuj cha, an Jehová in, tztac' wuj smasnil, e Diosal in, an tzwala: ¿Tas yuj tzeyij cot jun niwquil yailal chi 'a eyib'n̈ ticnec? ¿Tas yuj tzcham smasnil 'anma 'a yol yic Judá eyuj ticnec? Tzcham eb' winac, eb' 'ix 'ix, eb' 'unin, an̈jtona yet' eb' tzat 'alji, tzyal 'el'chi, man̈x 'a junc mach 'oj can 'a spitznal.

Jeremías 44:8

¿Tas yuj tzin e tzuntzej, yuj eya'n incienso xajmb'al-l 'a e diosal, yet' 'a jun tzo'n̈ xo sdiosal Egipto tic, atn jun 'aj ex jaw cajn tic? Yuj wal jun tzo'n̈ tic, ax e lajw 'eli. 'Oj jawc catb' 'a eyib'an̈, 'oj e b'uchx yuj smasnil eb' nacion̈ 'ay 'a yolyib'n̈q'uinl tic.

Jeremías 9:21

A chamel, tox 'ix 'och 'a yol catutec, tox 'ix c'och 'a yol despacho. Tzlaj cham eb' 'unn 'a yoltc caye, ax eb' quelmtac, tzlaj cham eb' 'a yol chon̈ab'.

Lm 1:20

Mamin Jehová, 'ilt on̈ cot yet' qui yailal tic on̈, a wal tzcutj cab'n on̈, 'ijn wal tzn̈i'chj sn̈i qui c'ojl cab'n syail. Caw wal tzcab' syal yet' qui pixn on̈, yic tzqui nan cot qui mul xlaj 'ochi. A 'a spatc 'el chon̈ab', til wal eb' tzcham yuj owal, 'ixta 'a yol 'oxt chon̈b' tic, til pax mach tzchami.

Lm 4:4

A eb' 'unn tzat chuwi, caw wal 'ay stacn̈til eb', tzcan tzayn yac' eb' 'a yol sjom. Tzcob' sc'an eb' tas tzc'uxu, palta may mach tz'a'n 'a eb'.

Ez 7:15

A 'a sti 'el chon̈ab', owl 'ay ta', ax 'a yol chon̈ab', ata 'ay yab'il yet' wejel. A eb' 'anma 'aycn 'el 'a sti 'el chon̈ab', 'oj cham eb' yuj owal, ax eb' 'aycn 'a yol chon̈ab', a wejel yet' yab'il 'oj milnc eb'.

Os 11:6

'Oj checljoc scopnj q'uen espada 'a yol schon̈b' eb', yuj owal ax laj stelw can 'ejm scuartel eb'. 'Oj lajwc 'ejm eb' yuj tas nab'il yuj eb' 'a mun yol yico'.

Os 9:12

Toto 'ayt 'aj 'oj cob' q'uib' eb' 'unn chi jun, palta an xo 'oj wi'cc sq'uinl eb' 'a eb'. Man̈x 'a xon junc 'oj wactc cani. 'Oltac wal jun tzo'n̈ eb' 'anma cha, yic 'oj wi'nc 'el in b'a 'a stz'ey eb'.

Os 9:16

A eb' 'aj chon̈b' Efraín, lajwnacx eb', lajn eb' 'icha junc te te tacn̈ xo sch'an̈lyib', man̈xtzac satni. Wach'xam 'ayt cob' yunnal eb' tzlaj 'alji, palta an xo 'oj in mil cham yunnal eb' chamc'ojlb'il yu'uj, xchi Dios.

Lv 26:25

'Oj wa' cot owl 'a e cal eyailaloc, sec a tz'a'n spac in trato matz eyiclj cha. 'Oj laj cob' 'at e col e b'a 'a yol e chon̈ab', palta 'oj wac' cot yab'il 'a e cal, ax eyamchj yuj eb' 'ajc'ojl cha.

Miqueas 6:14

'Oj e wa cob'i', palta ma'oj e b'ut'ji, caw 'oj 'ochn̈j e wejel. 'Oj e molb'tzoc cob' tastc 'ayex, palta ma'oj colwjoc jac 'ayex. Toto 'ayt wal jacx tztac' ex scoln jun, ax 'a scal owl chi 'oj wach' 'ec' 'ayex.

2 Co 7:5

Yic on̈ jaw 'a Macedonia tic on̈, ma'ix 'ilj xon jac qui niwnal tic on̈, yujto caw oynn̈ej 'och yailal 'ayn̈ on̈, owln̈ej x'ajx 'och 'a quib'n̈ on̈. 'ay pax qui xiwc'ojlal on̈.