Dt 32:22 - Chuj San Sebastian Bible

²² A wal yowl in c'ojol, 'ix n̈ilchjchan̈ 'icha junc c'ac' tz'at 'a yol lu'um. Smasnil tas 'ay 'a sat lum lum tic, tz'a smasnil yet' lu'um, caw wal tzxexni yilx sn̈ilchj c'ac' 'a yich lum niwc witz.

Chuj San Mateo Bible

²² Ix te cot val yoval in c'ool, icha sq'ue n̈iln̈on yoc te' c'ac'. Masanil tas ay d'a yich lum luum stz'acanb'at yuuj, scha sc'ac'al luum masanto sc'och d'a yich nivac vitz.

Dt 32:22 Iomraidhean Croise

Salmos 144:5

Mamin, jacw cab' satcha'an̈, tzlajw cha, tzach 'emta. 'Emn̈ wul 'a eb' lum jolmctac witz, ax sq'ue wan stab'l eb' lum o'oj.

Salmos 21:9

A yic 'oj a ch'oxn a b'a 'a scal eb', ax a satn can 'el eb', ata tza'ch eb' 'a junc jorna 'aych sc'aq'uil. Yuj yowl sc'ojl Jehová 'oj a satl eb' 'icha tz'aj stz'a junc tas yuj c'ac'.

Salmos 46:2

Yuj cha, wach'xam tzicb'tan̈x lum lum tic, mto tzpax 'ejm jun tzo'n̈ witz tic 'a yich a mar,

Salmos 83:14

'Icha s'at c'ac' 'a waymtac, c'uxn tzn̈us lum tzalctac, 'ixta cab' s'atcn eb'.

Salmos 86:13

Yujto yel xo wal niwn a chamc'ojlal 'ayin, yuj cha, ma'in a chaj 'ejm 'a yol sjul-l eb' chamnac.

Salmos 97:3

'Ay jun c'ac' b'ab'l s'at yu'uj, a tzn̈usn smasnil eb' 'ajc'ojol.

Is 24:6

Yuj wal cha, 'ix cotcn catb' 'a yib'n̈ lum lum tic, ax eb' cajn 'a sat lu'um, wan yab'n eb' syail, wan yemt sb'isl eb', jaywn̈ xoj eb' 'ayq'ui.

Is 30:33

Pectix b'ob'il jun yet'l eb' 'aj Asiria chi yet' sreyl 'aj 'oj tz'a sniwnal eb', caw lewn sat, xab' pax yich, b'ut'n yet' c'atzitz. A Jehová a 'oj 'a'nc 'och sc'a'l yet' spaxti', 'oj n̈ilchjoc 'icha wal azufre.

Is 54:10

An Jehová in, caw yel tz'o'ch in c'ojl 'ayach. Wach'xam 'oj jelmjoc eb' lum niwc witz tic 'a yet'ul, ax scot eb' lum tzaln c'acpil, palta a 'in chamc'ojlal 'ayach, may b'a'n̈ tzjelmji, may pax b'a'n̈ 'oj in ju in trato b'ob'il wuj et'oc, yuj cha, 'ay junc'ojlal 'a qui cal, xchi Dios.

Jeremías 15:14

'Oj ex wa'ch mosoal 'a eb' 'ajc'ojl cha, atn 'a jun chon̈b' mant eyojcoc xoni. Yujto a yowl in c'ojol, lajn wal 'icha junc te c'ac', caw 'oj e lajw 'ejm yu'uj, xchi Dios.

Jeremías 17:4

Yowlal 'oj eyactc can jun lum tic, atn lum wa'jnac e macl lumoc. 'Oj ex wa'cn 'och schecb'oc eb' 'ajc'ojl yajch 'ayex, atn eb' cajn 'a lum lum man̈ 'ojcab'ilc eyu'uj. Tox 'ix jaw yowl in c'ojl 'a eyib'an̈, lajn wal 'icha junc niwquil c'ac' may xon b'a'n̈ tztupi, xchi Dios.

Jeremías 4:4

Ex 'aj Judá yet' ex 'aj Jerusalén, yicljec in trato. 'A'c 'och wal 'a e c'ojl eyiclni yechl in trato cha. 'Ojquejec 'eli to an ton Jehová in. Ax to laj x'aji yuj e mul cha, ax wa'n cot yowl in c'ojl 'a eyib'n̈ 'icha te c'ac' caw ow sn̈ilchji, man̈x 'a mach tztac' sma'n tupoc.

Lm 2:2

C'uxn 'ix satl Cajlilec smasnil eb' lum chon̈b' 'aj cajn eb' yin̈tl Jacob. Yuj yowl sc'ojl cha, caw wal yajn̈ej 'ix ya'n lan̈chjoc 'ejm smuroal chon̈b' Judá; 'ix yi'n can 'ejm jun nacion̈ tic 'a sat lu'um, yet' eb' 'aych cob' yajlil 'a 'a.

Lm 2:3

A yic xcot yowl sc'ojl cha, caw yajn̈ej 'ix satn 'el smasnil eb' soldado chon̈b' Israel. Man̈x 'ic colwj yet'oc yic xjaw eb' 'ajc'ojl 'a 'a. 'Ix ya'ch yowl sc'ojl 'a yib'n̈ eb' yin̈tl Jacob, lajn wal jun yowl sc'ojl chi 'icha tzyac' junc c'ac' tz'a smasnil tas yu'uj.

Lm 2:4

A Cajlilec lajn xyutj sb'a 'icha junc 'ajc'ojol, 'ix yij chan̈ sc'ab' yet' sjul-lab', xyi'n 'at 'a spatic; lajn wal xyutj sb'a 'icha junc milm 'anma'. 'Ix smiln cham smasnil eb' 'anma xajn cu'uj. 'Icha wal c'ac', 'ixta xyutj ya'n cot yowl sc'ojl 'a yib'n̈ eb' cajn 'a Sión.

Lm 4:11

'Ix ya' cot Jehová yowl sc'ojl 'a yib'n̈ chon̈b' Sión, xyac' 'el'choc 'icha tas nab'il yu'uj. 'Ix ya'ch sc'a'l jun chon̈b' tic, masnto xlajw stz'a 'ejm smuroal yich.

Ez 19:12

Palta 'ix to'x chan̈ te yuj yowl sc'ojl Dios. 'Ix sma'n wecchjoc sb'a te yem 'a sat lu'um. Ax jun 'ic' xcot 'a stojlal 'aj tzq'uel c'u, a 'ix ma'n tacjoc, 'ix pucl te sat. A eb' te sc'ab' cha, 'ix tacj eb' te', xlajw cha, 'ix 'ajx tz'a eb' te'.

Ez 22:21

'Oj wec eyam e b'a, ax wa'n 'och eyailal, 'oj ex wac' 'ulb'xoc, 'icha tz'aj yoch sc'a'l junc tas, 'ixta 'oj ex wutc yet' yowl in c'ojol.

Ez 36:5

Yuj cha, yet' wal yowl in c'ojol, tzwaln 'ixtc 'a yib'n̈ chon̈b' Edom yet' 'a yib'n̈ jun tzo'n̈ xo nacion̈, yujto caw xcob' tzaljoc jun tzo'n̈ nacion̈ chi smacn 'ec' lum in lum tic yico'oc, yuj schichnc'ojlal eb' xyi'n can 'ec' eb' lu'um, xchi Dios.

Ez 38:19

Yuj cha, ax wa'n cot jun niwquil quixcab' 'a in chon̈b' cha.

Lv 26:20

Nab'an̈ej 'oj eyixtc e b'a e munlji, yujto a lum lum cha, man̈x 'a xon jac tas 'oj yac' lu'um, yet' pax smasnil te 'awb'ente', may xon sat te 'oj yac'a'.

Am 5:6

Ex wit israelal, meltzjan̈c 'a Jehová, sec ma'oj e chami. Toto ma'ay, 'oj ya' cot c'ac' 'a yib'n̈ smasnil qui macb'enec. May junc dios 'a Bet-el 'oj stac' ya'n tupoc.

Am 7:4

'Ix sch'oxn pax Jehová Dios junx tic 'ayin: 'Ix wilni to c'ac' 'ix sc'anlb'ej yic xya'n 'och yailal, caw tzxexni 'icha stzac'ac', 'ix tup chan̈ a niwquil mar yu'uj, xtacj pax chan̈ lum lum tic.

Miqueas 1:4

'Oj 'ulb'xoc 'ejm eb' lum witz chi 'a yaln̈ yoc 'icha tz'aj yulb'x no chab'ic', 'oj b'ey 'ejm lu'um, ax sb'ey lum 'a eb' lum niwc ch'oln 'icha c'acap.

Habacuc 3:10

A yic xa ch'oxn a b'a, caw x'ib'x chan̈ eb' lum niwc witz yuj xiwlal. 'Ix cot yaxn̈ab' 'a satcha'an̈, ax a mar, til wal sc'an̈ chan̈ a', yic xq'ue wan chel-loc a 'a cha'an̈.

Sofonías 1:18

A wal 'a jun c'u yic 'oj ya'nc Jehová yowl sc'ojl cha, caw ma'oj colchjoc 'el eb' 'anma yuj q'uen oro, mto yuj q'uen plata, yujto yuj yowl sc'ojl cha, 'oj satl smasnil nacion̈. Wal 'a yajn̈ej ax slajw 'el smasnil 'anma 'a yolyib'n̈q'uinl tic, 'icha tz'aj junc tas satl yuj c'ac'.

Sofonías 3:8

Yuj cha, tan̈wjec sjaw jun c'ual yic 'oj in jaw wul in ch'oxl spaltail eb' maysch'olnil sb'eyb'al. An Jehová in, an tzwala: Tox 'ix in na'a, to 'oj wec syam sb'a smasnil nacion̈ yet' smacb'en, ax wa'n cot yowl in c'ojl 'a yib'n̈ eb'. Smasnil yolyib'n̈q'uinal, c'uxn 'oj lajwc yuj sc'a'l yowl in c'ojol.

Nm 16:33

Pitznto eb' 'ix 'atcn eb' 'a yich lu'um, yet' pax smasnil tas 'ay 'a junjn eb'. 'Ixtnta 'ix 'aj eb' satcn 'el 'a scal eb' yit israelal cha.

Nm 16:35

An̈jtona', 'ix ya' cot Jehová jun c'ac' 'a yib'n̈ eb' 250 'ix c'och 'a yojltac Jehová yet' stz'ab'c'ac', jun tzo'n̈ 'ay 'ejm incienso 'a yojol.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Mt 18:9

Toto yuj junc yol e sat tzjuw 'el e nab'en, yel xo wach' tzeyij 'elta, tze juln 'eli, sec ma'oj juwc 'el e nab'en yuj 'a jun 'ejmn̈ej. Yujto wach'xam cojn jun yol e sat, toto 'oj e cha e q'uinl 'a jun 'ejmn̈ej, caw wach' eyico'. Palta wach'xam tz'acn yol e sat, toto 'oj e 'atcn 'a scal c'ac' 'a infierno, toto 'ixta', caw maysch'olnil eyico'.

Mt 23:33

Ax tic, caw 'ixtm 'anma 'ex, lajn ex 'icha no chan, an̈jtona', 'ixta pax eb' e mam eyicham. ¿Tom 'oj stac' e coln 'el e b'a 'a jun niwn yailal 'a infierno?

Dt 29:20

A Jehová man̈x 'oj yac' niwnc'ojlal, palta tojl xoj ya'n cot yowl sc'ojl 'a yib'n̈ jun 'anma cha. A smasnil yowl sc'ojl Dios alb'il can 'a yojl ch'an̈ un̈ tic, a 'oj jawc 'a yib'an̈, ax satn 'el yin̈tl jun 'anma chi 'a sat lum lum cha.

2 Ts 1:8

Ata 'oj yac' syailal eb' matz 'ojcan 'el Dios, eb' matz yiclni wach' 'ab'x yic Cajlil Jesucristo.

A Ch'an̈ Carta D'a Eb' Hebreo 12:29

yujto a qui Diosalec, lajn 'icha junc c'ac', caw tzlajw stz'a smasnil tas yu'uj.