Dt 32:20 - Chuj San Sebastian Bible

²⁰ 'Ix yaln Jehová 'ixtic: ¡'Oj wel ch'umn 'a eb' 'anma cha! ¡'Oj wila' tas 'oj yutc sb'a eb'! ¡Wal yel a jun tzo'n̈ 'anma tic, caw maysch'olnil eb', matz tac' xon wa'n 'och eb' yipc in c'ojol!

Chuj San Mateo Bible

²⁰ Ix yalan Jehová icha tic: Man̈xo ol in b'at q'uelan d'a eb', ol vila' tas ol yutoc sb'a eb'. Val yel a juntzan̈ anima tic te malaj svach'il eb', max yal-laj vac'anoch eb' yipoc in c'ool.

Dt 32:20 Iomraidhean Croise

A Ch'an̈ Schab'il Libro Yic Yab'ixal Eb' Rey 17:18

Yuj wal cha, caw 'ix cot yowl sc'ojl Jehová 'a chon̈b' Israel, 'ix yi'n 'el eb' 'a yojltac, palta cojxn̈ej jun 'in̈tal eb' 'ix cani, atn eb' yin̈tl Judá.

A Ch'an̈ Schab'il Libro Yic Yab'ixal Eb' Rey 17:20

Yuj cha, smasnil eb' yin̈tl Israel 'ix patquilx can 'el eb' yuj Jehová, 'ix 'och eb' 'a cusc'ojlal yu'uj, x'ajx 'och eb' 'a yol sc'ab' eb' chuc chon̈b'al yic tz'ixtx eb' yuj eb', masnto 'ix 'el eb' 'a yojltac.

A Ch'an̈ Schab'il Libro Yic Yab'ixal Eb' Rey 17:23

Yuj cha, 'ix yi'n 'el Jehová eb' israel chi 'a yojltac, 'icha wal 'ix yutj yaln eb' schecab'. Yuj cha, 'ix 'ijx can 'at eb' israel 'a chon̈b' Asiria; ata xcan eb' ta'.

2 Cr 20:20

Ax 'a sq'uin̈b'il 'a junx c'u, caw 'ix seb' q'ue wan eb', 'ix 'at eb' 'a sb'el cusltac lum 'a yol yic Tecoa. Ya' sb'a wan yel eb', 'ix 'och wan lin̈n Josafat, xyaln 'a eb' 'ixtic: 'Ab'c ex 'aj Judá yet' ex 'aj Jerusalén: Ca'c 'och qui c'ojl 'a Jehová qui Diosalec, sec wach' may tas 'oj qui'nec. Tzca'nec pax 'och eb' schecb' Dios yipc qui c'ojol, sec wach' 'oj quel'chec 'a smasnil, xchi 'a eb'.

Job 13:24

¿Tas yuj tza c'ub'j 'el a b'a 'ayin? ¿Tas yuj 'icha junc 'ajc'ojol, 'ixta tzin otej?

Job 34:29

Toto a Dios may tas tzyala, ¿mach wal junc tztac' ya'n 'och 'a yib'an̈? Q'uinloc pax tzcub'j 'el sb'a Dios 'a eb', ¿mach wal junc 'oj stac' yilni? A Dios lajnn̈ej yel'ch yopiso 'a yib'n̈ junjn nacion̈ yet' 'a yib'n̈ junjn 'anma'.

Is 30:9

A eb' in chon̈b' tic, caw 'e'nc eb' 'a yib'an̈, 'a'm 'es eb', matz nib'j eb' yab' in paxti an Jehová in tic.

Is 64:7

Toc 'ayt mach xnachj yaln sb'a 'ayach, mto sc'ann a colwal. Yuj am cha, 'ix a c'ub'n 'el a sat 'ayn̈ on̈, on̈ actn can qui ch'ocj on̈, yic tzon̈ satn 'el qui mul chi 'on̈.

Jeremías 18:17

'Icha wal sactzicnacl tzyutj 'ic' tzcot 'a 'aj tzq'uel c'u yutz'n 'at jun tzo'n̈oc tas, 'ixta 'oj wutc wa'n 'at eb' israel tic 'elc 'a yojltac eb' 'ajc'ojl yajch 'a eb'. A yic 'oj c'och sc'ul sjaw syailal eb', man̈x 'oj woch q'ueln 'a eb', xchi Dios.

Jeremías 5:31

Cojn 'es tzyal-l eb' tzcob' yalch sb'a in checb'oc. Ax eb' ya'mal 'och sti eb' 'anma 'ayin, tzyac' eb' yajlil 'icha tas tznib'ej. Ax jun in chon̈b' tic, wach' tzyab' 'ixta'. Palta ¿tas wal 'oj yutc sb'a eb', yic 'oj jawc jun slajb' tiempoal? xchi Dios.

Os 9:12

Toto 'ayt 'aj 'oj cob' q'uib' eb' 'unn chi jun, palta an xo 'oj wi'cc sq'uinl eb' 'a eb'. Man̈x 'a xon junc 'oj wactc cani. 'Oltac wal jun tzo'n̈ eb' 'anma cha, yic 'oj wi'nc 'el in b'a 'a stz'ey eb'.

Mt 17:17

Yuj cha, 'ix yaln Jesús 'ixtic: —Ax tic, caw matz eya'ch e c'ojl 'a Dios, caw pit ex. 'In 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijec cot win 'unn chi 'ayin, xchi.

Mr 9:19

Yuj cha, 'ix yaln Jesús 'ixtic: 'A... ax tic, caw matz eya'ch e c'ojl 'a Dios, 'in 'ayx tiempo 'ayn 'ec' eyet'oc. ¿B'a'n̈to wal 'oj nachjc 'el eyu'uj? Caw tzwab' syal eyu'uj. 'At 'ijc cot jun 'unn chi 'ayin, xchi.

Lc 18:8

An tzwal 'ayex, caw 'oj sb'oyaj eb' muc'uc. Palta an 'Ochnc in 'Anmal tic, a yic 'oj in jaw pax jun 'ejm xo, ¿tom 'an̈ja 'ay 'anma 'a yolyib'n̈q'uinl tic caw 'aych sc'ojl 'a Dios? xchi Jesús 'a eb'.

Dt 31:29

Yujto wojcxoni to a yic 'oj in chami, 'oj e juw 'eli, ax eyi'n 'el e b'a 'a jun b'e 'ix in ch'oxcn 'ayex. Wojc paxi, to 'oj jawc yailal 'a eyib'n̈ b'aq'uin̈, yujto 'oj e tzuntzc cot yowl sc'ojl Jehová yuj e maysch'olnilal yuj pax jun tzo'n̈ comn dios 'oj e b'o', xchi Moisés.

Dt 32:5

Ex wit chon̈ab', caw may e ch'olnil, tenmtac ex, x'och e mul 'a Dios, caw man̈ e mojc tzex 'och yunnaloc.

Dt 9:23

A yic 'ayn̈ec 'ec' 'a Cades-barnea, ata yaljnac 'ayn̈ec to tzon̈ 'at qui cha lum lum cha, atn lum 'oj yac' eyico'oc. Atnta e tenjnac tas yaljnac Jehová qui Diosalec, yujto ma'ix eya'ch xon yipc e c'ojol.

2 Ts 3:2

Tze c'an 'a Dios cuj on̈, sec 'oj qui colchj 'el 'a yol sc'ab' eb' maysch'olnil snab'en on̈, eb' tu tzyutj snab'en 'ayn̈ on̈. Yujto man̈ smasnilc 'anma tz'a'n 'och 'a sc'ojol.

A Ch'an̈ Carta D'a Eb' Hebreo 11:6

Toto matz ca'c 'och Dios 'a qui c'ojol, toxn matz tac' stzalj quet'ec. Yujto a eb' tzjaw 'a Dios, yowlal tzya'ch eb' 'a sc'ojol, to 'ay Dios cha. Tzya'n pax 'och eb' 'a sc'ojol, chajtlto a tz'a'n spac 'a eb' tznib'j c'och sb'a 'a 'a.

Josué 23:10

A junc on̈ec tic, tztac' s'at 'elc junc mil eb' cu'uj, yujto a Jehová a tz'a'n owl cujec, 'icha wal yaj ya'n can sti'.