Dt 31:9 - Chuj San Sebastian Bible

⁹ 'Ix stz'ib'n can Moisés smasnil jun tzo'n̈ ley tic, xya'n can 'a eb' ya'mal 'och sti eb' 'anma 'a Dios, atn eb' yin̈tl can Leví; eb' yi'mal b'ey scaxail strato Jehová. Xya'n pax 'a eb' yichmtac wincal chon̈ab'.

Chuj San Mateo Bible

⁹ Ix stz'ib'an juntzan̈ tic vin̈aj Moisés chi', ix yac'ancan vin̈ d'a yol sc'ab' eb' sacerdote yin̈tilal Leví tz'ic'anb'at scaxail strato Jehová yed' d'a masanil eb' vin̈ yichamtac vinaquil chon̈ab' Israel.

Dt 31:9 Iomraidhean Croise

A Ch'an̈ B'ab'el Libro Yic Yab'ixal Eb' Rey 8:3

Ax yic xjaw smasnil eb' yichmtac wincal chon̈ab', yet' eb' ya'mal 'och sti eb' 'anma 'a Dios, xyi'n cot eb' te scaxail strato Jehová,

A Ch'an̈ Schab'il Libro Yic Yab'ixal Eb' Rey 17:37

An̈jtona', tzeyiclj pax smasnil in checnb'il, in ley, in cuynb'il to tz'ib'b'il can wuj 'ayex; palta man̈ eyal e b'a 'a jun tzo'n̈ comn dios.

1 Cr 15:2

Xlajw cha, 'ix yaln David chi 'ixtic: A eb' man̈ levitaoc, matz tac' yi'n cot eb' te scaxa Dios, palta cojn eb' levita smoj yi'n cot te', yujto a eb' sic'b'il 'el yuj Jehová, yic tzyi'n cot eb' te caxa cha, cojn eb' tztac' ya'n servil Jehová 'a smasnil tiempo, xchi.

Nehemías 8:2

A win Esdras cha, ya'mal 'och sti eb' 'anma yaj win 'a Dios. 'Ix yi'n cot win ch'an̈ ley 'a sat eb' 'anma yamn yaj cha, 'a b'ab'l c'u yic yucl 'uj. Ata syam sb'a smasnil eb' winac, smasnil eb' 'ix 'ix, yet' smasnil eb' 'unn tzax nachj 'el yu'uj.

Nehemías 8:3

'Ix chaj 'el yich yawtn ch'an̈ ley chi 'a sat eb' chon̈ab', 'a sq'uin̈b'ial masnto x'och chimc'ual, atn 'a plas 'a sti puerta 'aj tz'elt eb' 'ix 'ix cuchj a cha. Smasnil eb' chon̈ab', smaclj eb' yab' yawtx ch'an̈ un̈ cha, eb' winac, eb' 'ix 'ix yet' smasnil eb' 'unn tzax nachj 'el yu'uj.

Ex 24:4

Xlajw cha, stz'ib'n Moisés smasnil tas 'ix yal Jehová. Ax 'a junx c'u, 'ix seb' q'ue wa'an, sb'on jun yet'l xajmb'al 'a yich lum witz cha, sayn lajchwe q'uen q'ue'en. A eb' q'uen q'uen cha, tzch'ox lajchw macn̈ eb' yin̈tl Israel.

Dn 9:13

Smasnil jun tzo'n̈ yailal tz'ib'b'il can 'a ch'an̈ libro yuj Moisés, 'ix jaw 'a quib'n̈ on̈. Mamin Jehová ach qui Diosal, ma'on̈ 'och tza'n o'oj. Axn̈ej 'a spatquil maysch'olnilal on̈ 'atcn on̈, man̈x 'ic qui yiclj a paxti'.

Os 4:6

'Oj in satl jun in chon̈b' tic, yujto man̈x in nanoc jac yu'uj. Ax xo ax ya'mal 'och sti eb' 'anma eyaj 'ayin, yel xo man̈x in nanoc jac eyu'uj. Yuj cha, 'oj ex wi'l 'a eyopiso, yujto 'ix 'at satc'ojlal in cuynb'il eyu'uj, yuj cha, man̈x 'oj in na cot eb' eyin̈tl b'aq'uin̈.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Malaquías 4:4

Nac cot in checnb'il wa'jnac can 'a in checb' Moisés yic 'ayc' 'a sjolm lum witz Sinaí. A jun tzo'n̈ ley yet' jun tzo'n̈ checnb'il cha, smoj wal to tzeyiclj e masnil ax israel ex tic.

Nm 33:2

A Moisés 'ipn stz'ib'n can sb'i jun tzo'n̈ lugar 'aj xlaj b'ey cot eb' cha. Jab'jnal x'aj eb' sb'eyi, yujto 'ixta xyutj Jehová yalni, atn sb'i jun tzo'n̈ lugar tic 'aj xlaj 'ec' eb'.

Nm 4:15

A yic tzlajw e pichn smasnil jun tzo'n̈ tas caw niwn yel'ch tic, yic wach'x yaji, tztac' xo sjaw eb' yin̈tl Coat, yic tzyi'n 'at eb' smasnil. Palta a smasnil jun tzo'n̈ wic yaj tic, matz tac' syamn eb' yet' sc'ab', sec wach' matz cham eb' yu'uj. Smasnil jun tzo'n̈ syamc'ab'il Mantiado cha, a eb' yin̈tl Coat yowlal a eb' tz'i'n 'ati.

Nm 4:5

A yic tz'atx eb' chon̈ab', ach xo Aarón yet' eb' onnal, ax tzeyij 'el eb' te cortina 'aych smacloc jun Lugar to cojn in 'ay wico'. Tzlajw cha, tze lan̈n scaxail in trato yet' te'.

Nm 4:6

Ax 'a yib'an̈, ata tzeyac' q'ue junc tz'um caw lab'mtac, sec a tzq'ue smacloc, ax 'a yib'n̈ jun tz'um cha, tzeyac' q'ue junc q'uic'mucnac nip. Tzlajw cha, tzeya'n 'och sb'achnub'al, sec wach' yijx b'eyoc.

Mr 12:19

—Mamin, a win Moisés tz'ib'jnac can 'ixtic: Q'uinloc 'ay junc mach tzchami, tzcan yistzil, palta may junc yunnal. To 'ixta', ax junc yu'tac, yowlal a tz'i'n can pax 'ix 'ix cha, sec wach' toto tz'alj yunnal win yet' 'ix, 'icha to yunnal win xcham cha. 'Ixta yaj yaln can Moisés.

Lc 20:28

Ach qui Cuymal on̈, a win Moisés tz'ib'jnac can 'ixtic: Q'uinloc 'ay junc winc tzchami, tzcan yistzil, palta may junc yunnal tz'elcni. To 'ixta', ax junc yu'tac, yowlal a tz'i'n can pax 'ix 'ix cha, sec wach' ax yic tz'alj yunnal junc win cha, 'icha to yunnal win xcham cha. 'Ixta yaj yaln can win Moisés.

Jn 1:17

A Moisés ya'jnac can sley Dios 'ayn̈ec. Palta a Jesucristo tzch'oxn swach'c'ojlal Dios 'ayn̈ec. Tzya'n pax jun cuynb'il caw yel.

Jn 1:45

Ax Felipe chi xit' saync 'ec' Natanael. Yic 'ix 'ilchj yu'uj, 'ix yaln 'a 'ixtic: —'Ay jun x'ilchj cuj on̈. Atn jun tz'ib'b'il can yab'xil yuj Moisés 'a Ch'an̈ Un̈ yic ley, tz'ib'b'il can pax yuj eb' schecb' Dios pecti'. Atn Jesús yunnal José, 'aj chon̈b' Nazaret, xchi.

Jn 5:46

Octom xeya'ch e c'ojl 'a tas stz'ib'jnac can Moisés cha. Toto 'ixta', xeya'ch e c'ojl 'ayin, yujto a tz'ib'jnac can wab'xil.

Dt 10:8

Atn 'a jun tiempoal cha, ata si'jnac can 'el Jehová eb' yin̈tl Leví, sec a eb' tzb'achn b'ey te scaxail trato. A eb' x'och yac' servil Jehová, ax 'a sb'i, ata tzyal eb' wach' paxti 'a quib'n̈ qui masnil, 'icha ton yaj ticnec.

Dt 17:18

A yic tz'och jun rey chi 'a yopiso, 'oj yac' 'eltoc scopiail jun tzo'n̈ cuynb'il tic, ata tz'elt 'a jun b'ab'l copia 'aycn 'a yol sc'ab' eb' ya'mal 'och sti eb' 'anma 'a Dios, atn eb' yin̈tl Leví.

Dt 31:28

'Awtjec cot smasnil eb' yichmtac wincal chon̈ab', yet' eb' yajl yajch 'a junjn 'in̈tal 'a e cal, to tzwalcn yab' eb' jun tzo'n̈ tic, tzwa'cn 'och satcha'an̈ yet' lum lum tic testigoal 'ayex.

Dt 33:10

Tzyac' eb' cuyxoc a ley 'a scal eb' yit chon̈ab', atn eb' yin̈tl Jacob, ax yaln pax eb' 'a scal eb' yit israelal. A eb' tz'a'n tz'a incienso 'a ojltac, ax ya'n pax tz'a eb' no xajmb'al to tz'a smasnil 'a yib'n̈ yet'l xajmb'al.

Josué 3:3

'Ix laj yalnc eb' 'ixtc 'a eb' 'anma cha: A yic tzeyiln yi'n 'ec' eb' levita ya'mal 'och qui ti 'a Dios, te scaxail strato Jehová 'a yojl a Jordán tic, ax xo, tzex 'och tza'n e masnil yuj te'.

Josué 6:12

Ax 'a yic junx c'u cha, 'ix seb' q'ue wan Josué, 'ix sb'achn pax eb' ya'mal 'och sti eb' 'anma chi te caxa cha.