Dt 31:12 - Chuj San Sebastian Bible

¹² Yowlal tzyam sb'a smasnil eb' chon̈b' tic, eb' winac, eb' 'ix 'ix, eb' 'unin, yet' eb' chuc chon̈b'al 'ayc' 'a yol e chon̈ab', sec tzyab' eb' yawtx jun ley tic. Tzcuyn eb', sec tzxiw eb' 'a Jehová Dios, tzb'eylb'an pax eb' smasnil tas tzyala.

Chuj San Mateo Bible

¹² Smolb'ej sb'a masanil anima, eb' vin̈ vinac, eb' ix ix yed' eb' cotac unin yed' eb' ch'oc chon̈ab'il ayec' d'a e cal. Tze molb'ej e b'a yuj eyab'ani yed' eyojtacanel masanil tas syal jun ley tic, yic vach' ay yelc'och Jehová co Diosal d'a yol e sat, yic tze c'anab'ajan tas syala'.

Dt 31:12 Iomraidhean Croise

Esdras 10:1

Ya' sb'a wan sleslwi Esdras, caw wal tz'oq'ui tzyaln smasnil jun tzo'n̈ tic, cumn 'ejm 'a sti yatut Dios, caw niwn eb' yit israelal 'ix 'och 'oyn 'a stz'ey, eb' winac, eb' 'ix 'ix, yet' eb' 'unin. Caw wal ji'jmtac yoc' eb' 'anma chi yet'oc.

Lv 9:5

'Ix yij cot eb' israel smasnil tas 'ix yal Moisés, 'ix c'och eb' yet' 'a yamq'uil Mantiado. Syamnsb'a smasnil eb' chon̈ab', x'och lin̈n eb' 'a yojltac Jehová.

Hageo 1:12

Yuj cha, a win Zorobabel cha, yet' Josué yet' pax smasnil eb' 'anma paxn̈cta 'a Babilonia, a yic xyab'n eb' spaxti Jehová Dios 'ix wal cha, yuj cha, caw 'ix xiw eb', syiclni eb'.

Jn 5:39

Yelc'ojlal tze cuy ton Ch'an̈ Un̈ tz'ib'b'il cani, yujto tze na'a, to ata 'oj 'ilchjoc e q'uinl 'a jun 'ejmn̈ej. Palta wach'xam tzyal Ch'an̈ Un̈ chi wab'xil,

Dt 29:29

'Ay jun tzo'n̈ tas man̈ cojcoc: A jun tzo'n̈ cha, yic Jehová qui Diosalec yaji; 'ay pax jun tzo'n̈ tas tz'ajx cojcoc 'eli, tz'ajx pax yojcoc 'el eb' cunnalec, sec tzqui yicljec 'a smasnil tiempo; atn smasnil checnb'il yet' jun ley tic.

Dt 29:9

Yuj cha, caw tzeyiclj jun strato tic, tze b'eylb'ani, sec wach' 'oj 'aj 'el'ch smasnil tas 'oj e b'o'.

Dt 31:13

An̈jtona', 'icha eb' eyunnal ax tic, man̈ yojcoc eb' jun ley tic; yowlal 'oj yab' eb', ax scuyn pax eb', sec wach' 'oj xiw eb' 'a Jehová qui Diosalec 'a smasnil tiempo. Atn 'a yic 'ayx xo 'ec' 'a sat lum lum 'oj eyico'oc cha, yic 'oj e c'axw 'ec' 'a a Jordán cha, xchi Moisés.

Dt 4:10

Nac cot jun c'u yic 'ayn̈ec 'ec' 'a yojltac Jehová qui Diosalec 'a lum yich witz Sinaí. Ata 'ix yal Jehová 'ayn 'ixtic: Yamb'tzej eb' 'anma tic, yujto 'oj wac' yojcoc 'el eb' in paxti'. Ax scuyn sb'a eb' yoch 'emmquilal 'ayin, sec 'ay wel'ch 'a sat eb' yic pitzn eb' 'a sat lum lum 'oj wac' 'a cha, ax scuyn can eb' yunnal, xchi.

Josué 8:33

Ax eb' israel chi smasnil, eb' chuc chon̈b'al cajn 'a scal eb', eb' yichm wincal chon̈ab', eb' yajl yaj 'a scal eb' soldado, yet' eb' yajl tzb'on yaj eb' 'anma', 'ix spoj eb' snan̈al; nan̈l eb' 'ix can 'a yich witz Gerizim, ax nan̈l xo eb' xcan 'a yich witz Ebal. 'Ix cot q'ueln eb' schac'ajil 'a eb' ya'mal 'och sti eb' 'anma 'a Dios, atn eb' yin̈tl can Leví, eb' 'et'jnac te scaxail strato Jehová. 'Ixta 'ix 'aj yel'ch tas yaljnac can Moisés, atn win schecb' Jehová yuj tas tz'aj yalx wach' paxti 'a yib'n̈ eb' israel.

Josué 8:35

C'uxn 'ix yawtj Josué jun tzo'n̈ ley chi 'a scal eb' yit chon̈b' cha; x'awtx yab' eb' 'ix 'ix, eb' 'unin yet' pax eb' chuc schon̈b' cajn 'a scal eb' cha.