Dt 30:9 - Chuj San Sebastian Bible

⁹ 'Oj eyoch ricoal yuj Jehová Dios, ax ya'n syaxil 'a yib'n̈ smasnil tas 'oj e b'o', 'a yib'n̈ eyunnal, 'a yib'n̈ e cajb'en noc', yet' 'a yib'n̈ smasnil e munljel. 'Oj tzaljoc Jehová yuj tas wach' tze b'o'o, 'icha yutjnac stzalj yet' eb' qui mam quichmec.

Chuj San Mateo Bible

^9-10 Yuj chi', te b'eyum ol ex ajxoc yuj Jehová chi', ol yac'an svach'c'olal d'a yib'an̈ tastac tze c'ulej, d'a yib'an̈ eyuninal yed' noc' e molb'etzal noc' yed' d'a e munlajel. Tato tze c'anab'ajej masanil tas syal Jehová, masanil schecnab'il yed' c'ayb'ub'al tz'ib'ab'ilcan tic, tato d'a smasanil e c'ool yed' d'a smasanil e pensar tzeyac'och e b'a d'a yol sc'ab', ol tzalaj sc'ol yac'an svach'c'olal d'ayex, icha ajnac yac'an tzalajb'oc sc'ol yed' eb' co mam quicham.

Dt 30:9 Iomraidhean Croise

Is 62:4

Yuj cha, man̈x 'oj alxoc 'ayex to 'Actb'ilx Cani, man̈x 'oj alxc pax 'a e lu'um to Satnc Ex 'Eli, palta to 'oj 'ajxoc e b'ioc, to Nib'b'ilx Yuj Dios, ax yalx 'a e lu'um, to 'Ayx Yajal. Yujto ax tic, nib'b'ilx yuj Jehová, a Yajl yaj 'a yib'n̈ e lu'um.

Is 62:5

Yujto 'icha junc win quelm tznupn yet' junc 'ix cob'es, 'ixta 'oj ex yutc Dios, 'oj 'och eyajloc, ax ya'n tzaljoc sc'ojl eyet'oc, 'icha stzalj junc win quelm yet' yistzil, 'ixta 'oj eyaji.

Is 65:19

An̈jtona 'in, 'oj in tzalj pax yuj chon̈b' Jerusalén, 'oj in tzalj pax wiln 'och eb' in chon̈ab'. Man̈x 'a b'a'n̈ 'oj 'ab'xoc yel yaw 'anma yoc' 'a jun chon̈b' cha.

Jeremías 31:27

A Jehová, a tzaln 'ixtic: 'Ay jun c'ul 'oj jawoc, 'oj wac' niwtjoc sb'isl eb' 'anma', yet' no noc' 'a yol yic Israel yet' 'a yol yic Judá.

Jeremías 31:28

An Jehová in, an tzwala to an wa'jnac wip in to'n q'ueta, xin ma'n 'ejmi, 'ix lan̈chj 'ejm wu'uj, xin satn 'eli, xwixtn 'eli. Palta a yic 'oj jawc jun c'ul cha, an 'oj wa'x wip wawn 'ejm jun 'ejm xo, ax in b'on pax cha'an̈.

Jeremías 32:41

Yet' wal in tzaljc'ojlal, ax in b'on tas wach' 'a eb'. Yet' smasnil in c'ojol, 'a caw syelal, ax wa'n 'aj cajn eb' 'a jun nacion̈ tic, xchi Dios.

Jeremías 33:9

A Jerusalén tic, caw 'oj tzaljc in c'ojl yu'uj, 'oj wac' junc'ojlal 'a 'a. A wal yic 'oj yab'nc smasnil eb' nacion̈ yuj tas niwn yel'ch 'oj in b'o 'a 'a, caw 'oj yal eb' wach' paxti 'ayin, ax in sb'inan eb' si'mb'il. Palta caw 'oj satcn sc'ojl eb', 'oj 'ib'xoc eb' yuj xiwlal, yic 'oj yilnc eb', xchi Dios.

Lv 26:4

to 'ixta', 'oj wa' cot n̈ab' 'a 'icha stiempoal, ax syaxb' sat e lu'um. 'Oj yac' eyawb'en sat smasnil.

Lv 26:6

Caw tzaljc'ojlal 'oj e can 'a yol e chon̈ab'. Yelc'ojlal 'oj e wayi, may tas 'oj e xib'tni. 'Oj ex in col 'a no chiwjum noc' yet' 'a yol sc'ab' owal.

Sofonías 3:17

A Jehová e Diosal, a 'ayc' eyet'oc. A spoder tzex colni. Caw 'oj tzaljoc eyet'oc. Yuj schamc'ojlal 'ayex, yuj cha man̈x 'a tas 'oj e na'. A yuj stzaljc'ojlal cha, ax e b'itn cha'an̈, 'oj schioc.

Lc 15:32

Palta a ticnec, smoj xwa'ch jun q'uin̈ tic, sec tzon̈ tzaljec. Yujto a jun o'tac tic, 'icha to chamnc xo, palta ax ticnec, 'icha to xpitzw paxi. Satnc ton 'ati, palta xjapx 'ayin, xchi smam win chi 'a 'a, xchi Jesús.

Jn 15:11

Tzwalcn jun tzo'n̈ tic 'ayex, sec wach' 'icha tzin tzalji, 'ixta pax 'oj e tzalj jun xo, sec caw tz'acn 'oj 'ajcn e tzaljc'ojlal.

Dt 28:4

'Oj 'ajxoc yaxilal 'a yib'n̈ eb' eyunnal, 'a yib'n̈ smasnil eyawb'en, 'a yib'n̈ e cotc wacax, e cotc calnelu, e cotc chiwo yet' 'a yib'n̈ yune smasnil jun tzo'n̈ xo e cajb'en noc'.

Dt 28:63

A Jehová caw 'ay stzaljc'ojlal yic tzya'n niwtjoc qui b'islec; 'ixta pax 'oj tzaljoc 'a jun tiempoal cha yic 'oj e lajw pax 'eli. Caw man̈x 'a yel'ch 'oj eyaj e satl 'a sat lum lum 'aj jab'xoj e c'och cajn cha.

Dt 30:8

Ax xo tic tzex meltzj can pax 'a Jehová, tzeyiclni, tze b'eylb'an smasnil jun tzo'n̈ schecnb'il wan waln can 'ayx tic.

Dt 7:14

Yel xo wal wach' eyic 'a yib'n̈ jun tzo'n̈ xo chon̈ab'. 'Oj 'unewoc eb' 'ix 'ix smasnil, yet' pax eb' winac, 'ayn̈j yunnal eb'. An̈jtona', 'ixta pax no e cajb'en noc', 'oj 'unewoc e no smasnil.