Dt 30:5 - Chuj San Sebastian Bible

⁵ A 'oj eyi'n paxt jun 'ejm xo 'a sat lum lum 'aj 'e'nc cajn eb' qui mam quichmec, ax e cajn pax lum jun 'ejm xo. Caw 'oj eyoch ricoal, 'ec'b'al xo 'oj 'aj e b'isl 'a yib'n̈ eb' qui mam quichmec cha.

Chuj San Mateo Bible

⁵ Ol ex smolb'anpax b'aj ec'nac cajan eb' co mam quicham. Ata' ol ex ajxoc. Ec'b'al nivan ol aj e b'eyumal yed' e b'isul yuj Jehová chi' d'a yichan̈ eb' co mam quicham chi'.

Dt 30:5 Iomraidhean Croise

Salmos 119:68

Caw wach' a nab'en Mamin, wach' tas tza b'o'o; cuyn 'a jun tzo'n̈ a checnb'il tic.

Jeremías 29:14

'Oj in ch'oxn̈j in b'a 'ayex. An Jehová in, an tzwala to 'oj in jel tas 'aych 'a eyib'an̈, ax ex wi'n cot 'a smasnil nacion̈, yet' 'a smasnil 'ajtil sactzicnac eyajcn 'at wu'uj. 'Oj ex in molb'tzoc paxta, ax e jab'x 'a 'aj 'ayx 'eq'ui, yic eyijx 'ati.

Jeremías 30:3

Yujto 'ay jun c'u 'oj jawoc, 'oj in jel tas 'aych 'a yib'n̈ in chon̈b' Israel yet' 'a Judá. An Jehová in, an tzwala to 'oj wi'x meltzjoc eb' chon̈b' 'a lum lum wa'jnac yico'oc eb' e mam e yicham, xchi Dios.

Jeremías 33:9

A Jerusalén tic, caw 'oj tzaljc in c'ojl yu'uj, 'oj wac' junc'ojlal 'a 'a. A wal yic 'oj yab'nc smasnil eb' nacion̈ yuj tas niwn yel'ch 'oj in b'o 'a 'a, caw 'oj yal eb' wach' paxti 'ayin, ax in sb'inan eb' si'mb'il. Palta caw 'oj satcn sc'ojl eb', 'oj 'ib'xoc eb' yuj xiwlal, yic 'oj yilnc eb', xchi Dios.

Ez 36:11

An 'oj ex wac' niwtjoc yet' e cajb'en noc', til wal 'oj 'aj sb'isl 'anma'. Caw niwn 'anma 'oj cajnc junjn chon̈b' cha, yel xo wach' 'oj eyaj 'a 'icha 'a yictax yalan̈. Ax in eyojcan 'eli to an Jehová in.

Ez 36:37

An Jehová Yajl in, an tzwal 'ixtic: A tas 'oj e c'an 'ayin, 'oj wa'x 'ayex, ax wa'n niwtjoc e b'isl 'icha no calnelu.

Nm 10:29

'Ay jun c'u 'ix yal Moisés 'ixtc 'a jun sb'alch ajun yet'oc, atn Hobab yunnal Raguel win 'aj Madián: —An̈ tic on̈, tzon̈ 'at 'a jun lugar 'aj xyac' Jehová sti ya'n 'ayn̈ on̈. Con̈ quet' on̈, wach' 'oj ach cutc 'ach quilni, yujto 'ix yac' Jehová sti on̈ sya'iln an̈ israel on̈ tic, xchi.

Dt 13:17

Ax xo tic, man̈ eyi'cn jac eyic 'a jun tzo'n̈ tz'ajx lajwc cha, sec ma'oj cot yowl Jehová 'a eyib'n̈ yuj jun tzo'n̈ cha. Yujto caw 'ay schamc'ojlal 'ayex, yuj cha, 'oj yac' q'uib' e b'isl 'a yol e chon̈ab', 'icha wal yaj yaln can 'a eb' qui mam quichmec.

Dt 7:13

'Oj ex schamc'ojloc, ax ya'n syaxilal 'a eyib'an̈, 'oj yac' pax q'uib' e b'isul. 'Oj yac' syaxilal 'a yib'n̈ eb' eyunnal, 'a yib'n̈ e trigo, 'a yib'n̈ eyal uva, eyaceite, e wacax, e calnelu 'oj e caj 'a sat lum lum 'aj ya'jnac sti ya'n 'a eb' qui mam quichmec.