Dt 30:16 - Chuj San Sebastian Bible

¹⁶ Yuj cha, tzwalcn 'ayx ticnec to tze chamc'ojlej Jehová qui Diosalec, tzex 'och tza'n yu'uj, tzeyiclni schecnb'il, yet' scuynb'il. Toto 'ixta', wach' 'oj eyaj e b'ey 'a swach'il. Caw 'oj niwtjoc e b'isul, ax ya'n Jehová syaxilal 'a eyib'n̈ 'a sat lum lum 'oj eyico'oc cha.

Chuj San Mateo Bible

¹⁶ Tato tze c'anab'ajej masanil tas svalcan tic d'ayex, tze xajanan Jehová co Diosal, tzex ochn̈ej tzac'an yuuj, tze c'anab'ajan schecnab'il yed' sc'ayb'ub'al, vach' ol ex ajoc, tzijtum ol aj sb'isul eyuninal. Ichato chi' ol yac'an syaxil Jehová co Diosal d'a eyib'an̈ d'a sat lum luum b'aj van eyoch tic yic tze macb'enej.

Dt 30:16 Iomraidhean Croise

A Ch'an̈ B'ab'el Libro Yic Yab'ixal Eb' Rey 3:3

Caw wal tzchamc'ojlej Salomón Jehová, tzyiclni ley alb'il can yuj David 'a 'a, atn smam. Locn pax tz'at yac' xajmb'al yet' incienso 'a jolmctac witz,

Pr 3:1

Ach wunnal, man̈ ac' sat a c'ojl 'a jun tzo'n̈ in cuynb'il tic, molcn jun tzo'n̈ in checnb'il tic 'a a nab'en,

Is 1:19

Toto tze chaj eyab'i', 'oj e c'ux wal tas wach' tz'el-l 'a sat lum lum tic;

Jn 14:21

A eb' 'aych snab'en 'a jun tzo'n̈ in checnb'il, tzyiclni paxi, atn eb' chi 'ay schamc'ojlal 'ayin. A eb' 'ay schamc'ojlal 'ayin, ax in Mam 'oj chamc'ojlanc eb'. An̈jtona 'in, 'oj in chamc'ojloc pax eb'. Ax in ch'oxn in b'a 'a eb' 'a 'esal, schi Jesús 'a eb'.

1 Co 7:19

Toxn̈ej chab'il jun yechl circuncisión chi cujec, toxn̈ej ma'ay, mayn̈ej yel'chi. Palta 'ay junx caw niwn yel'chi, to tzqui b'eylb'ejec 'icha tznib'j Dios.

Dt 30:17

Palta toto tzeyij 'el e nab'en 'a 'a, matz e chaj eyab' smasnil jun tzo'n̈ tic, tzyal e c'ojl tzex 'och tza'n yuj jun tzo'n̈ comn dios, yic tzeyaln e b'a 'a 'a, tzex 'em cumn pax 'a yojltac eb',

Dt 30:19

Wal 'a jun c'u tic, tzwa'n can 'och satcha'an̈ yet' lum lum tic testigoal to 'ix wa'cn e si'loc tas tze nib'ej, ¿am q'uinal, mto a chamel? ¿am yaxilal, mto a catab'? Palta a cab' e q'uinl tze si'cn 'eli, sec wach' 'oj eyaj e b'ey yet' eb' eyin̈tl 'a eyojltac b'aq'uin̈.

Dt 30:6

'Oj ya'ch Jehová qui Diosalec yechl strato 'a e nab'en yet' 'a snab'en eb' eyin̈til, sec 'oj e chamc'ojloc Jehová yet' smasnil e c'ojol yet' smasnil e nab'en. Toto 'ixta', 'oj najtxb'oc e q'uinal.

Dt 32:47

Man̈ comn paxti'oc jun tzo'n̈ tic, palta a jun ley tic, to 'ay e q'uinl yu'uj. Toto tzeyiclj smasnil, toto 'ixta', caw najtl 'oj eyec' 'a sat lum lum 'ay 'a sc'axpil 'ec' a Jordán cha, lum 'oj 'ajxoc eyico'oc, xchi.

Dt 4:1

'Ix yaln pax Moisés 'ixtc 'a eb' yit israelal cha: A ticnec ex wit chon̈ab', chajec eyab' jun tzo'n̈ ley yet' jun tzo'n̈ checnb'il tzwac' 'ayx tic, sec 'oj e b'eylb'oc, ax eyiclni yic 'oj e c'och cajn 'a sat lum lum 'oj yac' Jehová 'ayex, atn qui Diosalec yet' eb' qui mam quichmec.

Dt 5:33

A wal tas 'ix sch'ox Jehová qui Diosal 'ayn̈ec, atn chi yowlal tze b'eylb'ej, sec wach' 'oj 'ec' eyu'uj, najtl 'oj e caj lum lum chi 'oj yac' eyico'oc cha, xchi Moisés.

Dt 6:5

Chamc'ojlejc Jehová qui Diosalec yet' smasnil e c'ojol, yet' smasnil e nab'en yet' smasnil eyip.

Josué 23:11

Caw tze tan̈wj e b'a, tze chamc'ojlan Jehová qui Diosalec.