Dt 3:20 - Chuj San Sebastian Bible

²⁰ Colwjan̈c yet' eb' quit israelal tic, masnto 'oj yi'cn eb' slum tzyac' Jehová, atn lum 'ay 'a stojlal 'aj tz'em c'u 'a sc'axpil 'ec' a Jordán. At yic 'oj ya'nc Jehová junc'ojlal 'a eb', 'icha 'ix yutj ya'n 'ayx ax tic, 'ixta to b'i'an, tzex meltzj paxt 'a lum eyic 'ix wa'cn tic, xin chi 'a eb'.

Chuj San Mateo Bible

²⁰ Colvajan̈ec yed' eb' quetisraelal, masanto ol yic'can lum luum eb' ol yac' Jehová, aton d'a sc'axepalec' a' Jordán tic. Aton val yic ol yac'an sjunc'olal Jehová d'a eb', icha ix yutej yac'an d'ayex tic, ichato chi' ol yal e paxta d'a e lum ix vac' tic, xin chi d'a eb'.

Dt 3:20 Iomraidhean Croise

Nm 32:18

An̈ tic, matz on̈ meltzj 'a catut muc'uc, ya' sb'a to mantzac 'ochcn eb' quit chon̈b' 'a sat slum cha. Masnto tz'ochcn eb', 'ixta to b'i'an, tzon̈ meltzj 'a catut on̈.

Nm 32:22

'Ixtnta 'oj eyutc eyi'n can 'ec' lum lum chi yuj Jehová. A yic tox xlajw 'el eb' 'anma chi 'a sat lu'um, tztac' xo e meltzj paxta, yujto tzeyiclj tas 'aj tzeyac' e ti 'a Jehová yet' 'a eb' quit chon̈b' tic. 'Ixta to b'i'an, ax eyica'an lum lum tic yuj Jehová.

Dt 12:9

Wal yel, mantzac ex c'och 'a jun lugar 'aj man̈x 'a tas 'oj e na', atn jun 'oj yac' Jehová eyico'oc.

Dt 3:21

A 'a Josué, ata xwal jun checnb'il tic 'ixtic: 'Ix el wal si'mb'il tas 'ix yutj Jehová qui Diosalec chawn̈ eb' rey cha. 'Icha wal x'aj eb' cha, 'ixta pax 'oj 'aj jun tzo'n̈ xo eb' rey 'a jun tzo'n̈ xo lugar 'aj 'oj e c'ochi.

Josué 1:15

masnto 'oj yac' Jehová jun slum eb' 'aj 'oj can cajn cha, 'icha 'ix yutj ya'n eyic ax tic. At yic tzyique'ej eb' lum lum chi yuj Jehová qui Diosalec, 'ixta to b'i'an, tzex meltzj paxt 'a lum eyic 'ay 'a stojlal 'aj tzq'uel c'u 'a a Jordán tic yic tzeyica'an can lum 'a jun 'ejmn̈ej, atn lum xya'cn Moisés 'ayex, win schecb' Jehová, xchi Josué.

Josué 22:2

Xyaln 'a eb' 'ixtic: Ax tic, xeyiclj e b'on smasnil tas yaljnac can Moisés win schecb' Jehová, xeyiclni pax smasnil tas xwal 'ayex.

Josué 22:4

A ticnec, a Jehová xyac' 'el'choc sti ya'jnac cani, a eb' quit chon̈b'ec smasnil 'ayx sjunc'ojlal eb'. Yuj cha, a ticnec meltzjan̈ec, paxn̈ec 'a eyet'l 'a 'aj 'aycn e macl lum ya'jnac can Moisés 'ayx 'a stojlal 'aj tzq'uel c'u 'a sc'axpil 'ec' a Jordán.

Josué 22:8

xyaln 'a eb' 'ixtic: A ticnec meltzjan̈c 'a 'aj 'aycn eyet'ul. Meltzjan̈c yet' e ricoal, atn no cajb'en noc', q'uen oro, q'uen plata, q'uen bronce, yet' q'uen hierro, til wal pax pichul, atn jun tzo'n̈ xeyijcan 'ec' 'a eb' 'ajc'ojol. Pojc 'ec' jun tzo'n̈ chi 'a e cal yet' eb' eyit chon̈b' 'aycn ta', xchi 'a eb'.

Josué 22:9

'Ixtn tic xyutj eb' yin̈tl Rubén, eb' yin̈tl Gad, yet' pax spaclxo eb' yin̈tl Manasés, spojn can 'el sb'a eb' 'a scal eb' yit israelal 'a chon̈b' Silo 'a yol yic Canaán. 'Ix meltzj eb' 'a 'aj 'aycn smacl lum 'a yol yic Galaad, 'icha yaj yaln can Jehová 'a Moisés.