Dt 3:11 - Chuj San Sebastian Bible

¹¹ (Cojxn win Og chi yin̈tl eb' 'anma niwc stel 'aycn 'a jun lugar cha. A scaxail b'ob'il, q'uenn̈ej smasnil, chan̈e metro yoc, jab'xoj man̈toc chab' metro sat, checl to yaj jun chi 'a chon̈b' Rabá 'a yol slugar eb' amonita.)

Chuj San Mateo Bible

¹¹ (Axon̈ej vin̈aj rey Og yin̈tilal eb' anima chan̈ steel aycan d'a jun lugar chi'. A scaxail vin̈ yic smuquil, nab'a q'ueen. Chan̈e' val metro steel, quenxon̈ej man̈ chab'oc metro sat, chequelto d'a chon̈ab' Rabá d'a yol yic eb' amonita.)

Dt 3:11 Iomraidhean Croise

Gn 14:5

Ax 'a yic junx ab'il cha, a Quedorlaomer yet' eb' 'oxwn̈ rey 'aych yet'oc, 'ix jaw eb' 'a yol yic Astarot Karnaim. Ata 'ix 'ajx ganar ewin refaíta yuj eb'. 'Ix 'ajx ganar pax ewin zuzita yuj eb' 'a yol yic Ham, ax ewin emita 'ix 'a'n ganar eb' 'a Save-quiriataim.

Gn 6:15

'Ixtc 'oj otc a b'on te': 135 metro tzotj spac'b'il, nan̈l yoxlschawinc metro tzotj sat, nan̈l schan̈lajn̈il metro tzotj ste'il.

A Ch'an̈ Schab'l Libro Samuel 11:1

Ax 'a junx ab'il cha, yic stiempoal s'at eb' rey 'a owal, 'ix schecn 'at David win Joab syajlil eb' soldado, yet' pax smasnil eb' soldado israel. 'Ix schecn win eb' yac' owl 'a Amón. 'Ix lajw can 'el eb' amonita chi yuj eb', 'ix yoyn sb'a eb' 'a chon̈b' Rabá. Palta ax win rey David, 'ix can win 'a Jerusalén.

A Ch'an̈ Schab'l Libro Samuel 12:26

Ya' sb'a cha, ax Joab 'ix yac' owl yet' eb' amonita cajn 'a chon̈b' Rabá. A yic wan xo yoch 'a yol chon̈b' cha,

Jeremías 49:2

Palta an Jehová in, an tzwala: 'Ay wal jun c'u 'oj jawoc, caw 'oj 'ab'xoc yel 'aw yic owl 'a chon̈b' Rabá, atn sniwquil chon̈b' eb' amonita. Jun b'uln̈ 'oj 'ajcn chan̈ sma'x 'ejm lan̈chjoc. Smasnil jun tzo'n̈ yaldeail, 'oj tz'a yuj c'ac'. An Jehová in, an tzwala, to 'ixta 'oj yutc eb' israel yi'n can pax 'ec' slum jun 'ejm xo.

Ez 21:20

Tza'n 'och yechl junc b'e chi 'aj 'oj b'ey win sreyl Babilonia chi yet' yespada cha. Jun b'e chi tzc'och 'a chon̈b' Rabá 'a yol yic eb' amonita, ax junx tzc'och 'a Jerusalén 'a yol yic Judá, jun caw wach' yajch smuroal.

Ez 25:5

A chon̈b' Rabá, swalab' e no cameyo xoj 'oj 'ajoc, ax chon̈b' Amón, swalab' calnelu 'oj 'ajoc, sec 'oj eyojcoc 'eli, to an Jehová in, an 'ixta tzex wutej.

Am 1:14

Yuj cha, 'oj wac' n̈usxoc tz'a smuroal chon̈b' Rabá, ax jun c'ac' chi 'oj satnc 'el scuartel eb'. Caw 'oj 'el yaw eb' yuj owal. A jun owl cha, 'icha wal junc niwquil 'ic', 'ixta 'oj 'aj sjawi.

Am 2:9

An Jehová in, an tzwala, to in satjnac 'el eb' amorreo, yuj wa'n slum eb' 'ayex. Wach'xam niwc stel eb' 'icha te c'ute', wach'xam tzatz eb' 'icha te jiy, palta 'oj in satl eb' 'a jun 'ejmn̈ej.

Dt 2:11

Wal yel a eb' 'anma 'a jun lugar cha, niwcn̈ej stel eb', caw 'ay smay eb', yuj cha emita sb'i eb' yuj eb' moabita.

Dt 2:20

(An̈jtona jun lum cha, yic pax eb' 'anma niwc stel chi lum 'a pecti', yujto 'e'nc cajn eb' ta', atn eb' chi zamzumita sb'i yuj eb' amonita 'a pecti'.

Josué 12:4

Ax win schab'l cha, atn win Og, win sreyl Basán, cojxn jun winc chi cann̈c can 'a scal eb' yin̈tl Refa, ata 'e'nc cajn win 'a Astarot yet' 'a chon̈b' Edrei.

Josué 13:12

Xyique'ej pax eb' lum 'aj tzyac' win Og yajlil 'a Basán, win ya'jnac yajlil 'a Astarot yet' 'a Edrei. Cojxn win tic cann̈c can 'a scal eb' yin̈tl Refa. 'Emnc chawn̈ eb' rey tic yet' eb' 'anma 'a yol schon̈b' yuj Moisés 'a owal.

Apoc 21:17

Xlajw cha, 'ix yechtan smuroal cha. 144 codos*f5* 'ix 'el'chi. A jun yechtab' jun ángel chi tzc'anlb'ej, 'icha yechtab' 'anma'.

A Ch'an̈ B'ab'el Libro Samuel 17:4

'Ix 'elt jun win soldado yajl 'a'm owl 'a scal eb' filisteo cha, Goliat sb'i winac. Ata cajn 'a chon̈b' Gat, 'aym 'oxe'oc metro stel winac.