Dt 29:9 - Chuj San Sebastian Bible

⁹ Yuj cha, caw tzeyiclj jun strato tic, tze b'eylb'ani, sec wach' 'oj 'aj 'el'ch smasnil tas 'oj e b'o'.

Chuj San Mateo Bible

⁹ Yuj chi', c'anab'ajejec e b'eyb'alan jun trato tic, yic vach'n̈ej ol aj eyelc'och d'a masanil tastac ol e c'ulej.

Dt 29:9 Iomraidhean Croise

A Ch'an̈ B'ab'el Libro Yic Yab'ixal Eb' Rey 2:3

Yiclj schecnb'il Jehová qui Diosal, tza b'on 'icha tznib'ej, yet' tas tzyal sley, schecnb'il, yet' pax scuynb'il tz'ib'b'il can 'a ch'an un̈ yic Moisés. To 'ixta', caw wach' 'oj 'el'choc smasnil tas 'oj a b'o', toxn̈ej 'aj tzach 'ati,

2 Cr 20:13

Ax smasnil eb' 'aj Judá yet' yistzil, yunnal eb', yet' eb' 'unn caw cotc to, lin̈n 'ec' eb' 'a yojltac Jehová.

2 Cr 31:21

A smasnil jun tzo'n̈ sb'o'o yic sc'anx 'a yatut Dios, 'ix sb'o wal 'a smasnil sc'ojol yet' 'a 'emmquilal 'icha yaln ley yet' checnb'il. Yuj cha, caw wach' 'ix 'el'chi.

Salmos 25:10

Yuj a chamc'ojlal yet' yuj yeln̈j tas tzala, yuj cha, tze'n b'ey eb' tzyiclni a trato yet' a checnb'il.

Jeremías 50:5

'Oj sc'anb'c 'ec' eb' jun b'e tzc'och 'a Sión, axta 'oj 'at eb', ax yaln eb' 'ixtic: Meltzjcoyc 'a Jehová. Junxn̈ej tzon̈ 'ajc yet'oc, qui b'oc junc qui trato yet' 'a jun 'ejmn̈ej, man̈x 'a b'a'n̈ tz'at satc'ojlal cujec, 'oj schic eb'.

Lc 11:28

Palta xyaln pax Jesús 'ixtic: —Yel xo wal 'ec'b'al swach'l yic eb' tz'ab'n tas tzyal Dios, tzyiclni pax eb', xchi.

Dt 29:1

Atn jun tzo'n̈ paxti tic xyac' Jehová yal Moisés 'a eb' yit chon̈ab', yic 'ayc' eb' 'a yol smacb'en lum Moab; atn strato Dios chi sb'ojnac yet' eb' israel yic 'ayc' eb' 'a yich witz Sinaí.

Dt 29:10

A ticnec yamn cajc qui masnil 'a yojltac Jehová qui Diosalec: Ex yajl eyaj 'a junjn 'in̈tal, ex 'ichmtac winac, ex 'ay eyopiso, smasnil ex winac,

Dt 31:12

Yowlal tzyam sb'a smasnil eb' chon̈b' tic, eb' winac, eb' 'ix 'ix, eb' 'unin, yet' eb' chuc chon̈b'al 'ayc' 'a yol e chon̈ab', sec tzyab' eb' yawtx jun ley tic. Tzcuyn eb', sec tzxiw eb' 'a Jehová Dios, tzb'eylb'an pax eb' smasnil tas tzyala.

Dt 4:6

Yicljec, tze b'eylb'an jun tzo'n̈ checnb'il tic; yu'uj 'ay e jelnal, 'ay pax e nab'en 'a sat jun tzo'n̈ xo chon̈ab'. A yic 'oj yab'nc eb' eyab'xil, ax yaln eb' 'ixtic: Caw jelan, caw 'ay snab'en jun nacion̈al eb' 'anma tic, 'oj schic eb' eyu'uj.

Dt 5:3

Man̈ cojnoc yet' eb' qui mam quichmec sb'o jun strato tic, palta 'ix sb'o pax quet'ec an̈ec yamnon̈c tic.

Josué 1:7

A tas tzwal 'ayach, to tza te'wtzej a b'a, man̈ ach xiwoc, tza yiclni smasnil jun tzo'n̈ ley 'ix yalcn win in checb' Moisés 'ayach. Wach' tzotj a yiclni smasnil, sec wach'n̈j 'oj el'ch yet' tas 'oj a b'o'.

Josué 1:8

May cab' b'a'n̈ tzcan awtn ch'an̈ un̈ 'aj tz'ib'b'il can ley, sc'ual, yac'wlil a cuyn ch'an̈, sec wach' 'oj a yiclc tas tz'ib'b'il can 'a ch'an̈. Toto 'oj a yicloc, wach' 'oj 'el'choc smasnil tas 'oj a b'o'.

Josué 24:1

Xlajw cha, xya'n Josué syam sb'a smasnil eb' yit israelal 'a lum Siquem, xyawtn cot eb' yichmtac wincal chon̈ab', eb' yajl yaj 'a scal eb' chon̈ab' yet' pax eb' juez, 'ix c'och eb' 'a yojltac Dios.

Josué 8:35

C'uxn 'ix yawtj Josué jun tzo'n̈ ley chi 'a scal eb' yit chon̈b' cha; x'awtx yab' eb' 'ix 'ix, eb' 'unin yet' pax eb' chuc schon̈b' cajn 'a scal eb' cha.