Dt 29:7 - Chuj San Sebastian Bible

⁷ A yic on̈ jawc 'a jun lugar tic, 'ix 'elt win Sehón sreyl chon̈b' Hesbón yac' owl quet'ec, yet' win Og sreyl chon̈b' Basán, palta xlajw 'el eb' cujec.

Chuj San Mateo Bible

⁷ Ayic ix on̈ javi d'a jun lugar tic, ix elta vin̈aj Sehón sreyal Hesbón yac' oval qued'oc yed' vin̈aj Og sreyal Basán, palta ix cac' ganar eb'.

Dt 29:7 Iomraidhean Croise

Dt 2:17

a yic cha, 'ix yal Jehová 'ayn 'ixtic:

Dt 2:24

'Ix yaln Jehová 'ixtc 'ayin: 'Ixquec paxi, c'axwan̈c 'ec' 'a sch'olnil sti a Arnón. Atn wal ta 'oj wac' win Sihón win amorreo 'a yol e c'ab', atn win sreyl chon̈b' Hesbón. 'Ochn̈ec 'a yol slugar win cha, tzeya'n owl yet'oc, tzeyi'n can 'ec' slum win cha.

Dt 2:33

Ax Jehová qui Diosalec, a 'ix 'a'n win 'a yol qui c'ab'ec, sec tzqui satc 'el win yet' eb' yunnal yet' pax smasnil eb' schon̈ab'.

Dt 3:12

'Ix yaln pax Moisés 'ixtic: A lum lum xquijec 'ec' 'a eb' 'anma 'a jun tiempoal cha, 'ix wa'cn lum 'a eb' yin̈tl Rubén yet' 'a eb' yin̈tl Gad. Smasnil lum 'ay 'a yol yic Aroer, yet' lum 'ay 'a sti a Arnón, masnto tzq'ue'ch 'a spacl lum stzalnil Galaad, 'ix can lum 'a eb', yet' jun tzo'n̈ chon̈b' cha.

Dt 3:13

Ax jab'x lum Galaad cha, smasnil lum Basán, 'a 'aj ya'jnac win Og yajlil, yet' smasnil lum Argob, checl yaj 'a sat eb' 'anma', to yic eb' niwc stel lu'um. A lum chi xwac' 'a spacl eb' yin̈tl Manasés.