Dt 29:25 - Chuj San Sebastian Bible

²⁵ Ax spacx 'a eb' 'ixtic: Yujto xyactj can eb' strato Jehová, atn sDiosal smam yichm eb', jun sb'ojnac strato yet' eb' yic yi'n 'elt eb' 'a Egipto.

Chuj San Mateo Bible

²⁵ Axo ol laj spacan juntzan̈xo eb': Icha chi' ix aj jun chon̈ab' chi', yujto ix yactejcan strato Jehová eb', aton trato sb'onac Jehová chi' yed' eb' smam yicham eb', ayic yic'jinaquelta eb' d'a Egipto.

Dt 29:25 Iomraidhean Croise

A Ch'an̈ B'ab'el Libro Yic Yab'ixal Eb' Rey 9:8

A jun n̈a 'ix 'ochcn wico'oc tic, wach'xam caw nib'jub'tac ticnec, palta caw jun b'uln̈ 'oj 'aj slan̈chj can 'ejmi. A smasnil eb' 'oj 'ec' 'a stz'ey, caw 'oj sat sc'ojl eb' yilni, ax stzetzn eb' yilx 'ochi, ax yaln eb' 'ixtc junjn 'a 'a: ¿Tas laj yuj 'ixtc xyutj Jehová jun chon̈b' tic yet' pax jun yatut tic? 'oj schic eb'.

A Ch'an̈ B'ab'el Libro Yic Yab'ixal Eb' Rey 9:9

Ax yaln pax eb' 'ixtic: Yujto 'ix yactj can eb' Jehová sDiosal, jun x'i'n 'elt eb' smam yichm eb' 'a lum Egipto, ax 'a jun tzo'n̈ comn dios 'ix yac' eb' 'emmquilal, 'ix ya'n servil pax eb'. Yuj wal jun tzo'n̈ cha, 'ix ya'n cot Jehová jun niwquil yailal tic 'a yib'n̈ eb', 'oj schic eb', xchi Dios.

A Ch'an̈ Schab'il Libro Yic Yab'ixal Eb' Rey 17:15

'Ix spatquilj can 'el eb' sley, yet' strato 'ix sb'o yet' eb' smam yichm eb', yet' schecnb'il y'ajnac 'a eb'. 'Ochnc pax tza'n eb' 'a spatquil jun tzo'n̈ comn dios to may jac yel'chi. A yuj jun tzo'n̈ cha, man̈x 'a jac yel'ch eb', cojxn stu b'eyb'al jun tzo'n̈ nacion̈ 'ay 'a stz'ey eb', a 'ix sb'eylb'ej eb', atn jun tzo'n̈ 'ay yowlal sb'eylb'an eb' yuj Jehová.

A Ch'an̈ Schab'il Libro Yic Yab'ixal Eb' Rey 17:9

C'ultacl 'ix sb'o tas man̈ wach'c 'a sat Jehová Dios, 'ix sb'on chan̈ eb' jun tzo'n̈ macsej 'a jolmctac witz 'a junjn niwc chon̈ab', yet' 'a yib'n̈ smuroal 'aj tztan̈wx chon̈b' cha.

A Ch'an̈ Schab'il Libro Yic Yab'ixal Eb' Rey 22:17

Yujn̈ej to in yactj can eb' in chon̈b' tic, 'ix sn̈usntz'a eb' incienso 'a jun tzo'n̈ comn dios, 'ix tzuntzj cot eb' yowl in c'ojol, yuj jun tzo'n̈ sdiosal eb' sb'ojnac; yuj wal cha, 'ix cot yowl in c'ojl 'a jun lugar tic, matz tup yowl in c'ojl cha.

2 Cr 36:13

An̈jtona', 'ix yac' tenmtacl sb'a 'a Nabucodonosor, atn jun 'aj 'ix yac' sti 'a sat Dios, to junxn̈ej tzyutj snab'en yet'oc. Jun 'eln̈ej 'ix yac' pitb'oc 'el snab'en, man̈xtoc 'ix yal sc'ojl xmeltzj 'a Jehová sDiosal chon̈b' Israel.

Salmos 106:36

xya'n servil eb' sdiosal eb' chuc chon̈b'al. Atn wal yuj jun tzo'n̈ cha, 'ix juw 'el eb'.

Is 47:6

A yic 'ay cot wowl 'a eb' in chon̈ab', 'ix wa'ch eb' 'a yol a c'ab' sec tz'ixtx eb' o'oj. Ma'ix 'o'ch a c'ojl 'a eb', ax eb' 'ichmtac 'anma', caw wal ya x'ec' eb' o'oj.

Is 65:11

Palta man̈ 'ichcta tzex 'aj ax tzeyij 'el e b'a 'ayn an Jehová in, atn ex tzeyac' sat e c'ojl 'a lum tzaln 'aj tz'och 'emmquilal, ex tzeyac' tas tzc'uxxi, yet' yal uva xajmb'al-l 'a jun tzo'n̈ comn dios, atn Gad yet' Meni, jun tzo'n̈ tznan 'el tas tzjaw 'a eyib'n̈ eyalni.

Jeremías 16:11

Tzach ta'w 'a eb' 'ixtic: A Jehová, a tzaln jun tic: A eb' e mam eyicham, in yactj can eb', ax 'a spatc jun tzo'n̈ comn dios 'ix 'och tza'n eb', xya'n eb' 'emmquilal 'a jun tzo'n̈ cha. In yactj can eb', ma'ix syiclj eb' jun tzo'n̈ cuynb'il 'ix wac' 'a 'a.

Jeremías 22:8

'Oj cot eb' 'anma 'a jun tzo'n̈ nacion̈, 'oj 'ec' eb' 'a stz'ey jun chon̈b' tic, ax laj yal-lanc eb' 'a junjn 'ixtic: ¿Tas laj yuj 'ixtc xyutj Jehová jun niwquil chon̈b' tic? 'oj xchic eb'.

Jeremías 22:9

Ax sta'w jun tzo'n̈ xo eb' chi 'ixtc 'a eb': Yujto xyactj can eb' jun strato 'ix sb'o yet' Jehová sDiosal, ax 'a jun tzo'n̈ xo comn dios 'aj 'ix yal sb'a eb', 'oj schic eb' 'a eb', xchi Dios.

Jeremías 31:32

An Jehová in, an tzwala to a wal jun in trato 'oj wac' yet' eb' cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a lum Egipto. A yic cha, 'icha to 'ochnc in quetzn 'a sc'ab' eb' yic wi'n 'elt eb'. Wach'xam lajn in 'icha junc winc yet' yistzil, 'ixta waj 'a eb', palta ma'ix syiclj eb' jun in trato cha.

Jeremías 44:3

yuj wal smaysch'olnilal eb' 'anma x'el sb'oni. 'Ix stzuntzj cot eb' yowl in c'ojol, yujto 'ix yac' 'ejm sb'a eb' 'a jun tzo'n̈ comn dios, 'ix ya'n eb' incienso xajmb'al-l 'a jun tzo'n̈ cha, atn jun tzo'n̈ comn dios 'aj may yaln eb' yico', an̈jtona ax tic, yet' eb' e mam eyicham, may xon eyaln eyic 'a jun tzo'n̈ cha.

Jeremías 50:7

Ax yic tzchan sb'a e no yet' junc 'ajc'ojl yajch 'a 'a, tzmilx cham e no yu'uj. 'Ixtnta pax yaj eb' in chon̈ab', tzyaln eb' 'ajc'ojl chi yuj eb' 'ixtic: An̈ tic, matz 'och jun tic qui muloc, yujto a eb' x'och smul 'a Jehová, atn jun tz'a'n tas tzc'ux eb', jun ya'jnac 'och eb' smam yichm eb' yipc sc'ojol, 'oj schic eb'.

Dt 29:26

'Ix laj ya'nc 'ejm sb'a eb' 'a jun tzo'n̈ comn dios, xlaj yaln sb'a eb' 'a 'a, jun tzo'n̈ man̈ yojcoc eb' 'a yic pecti', jun tzo'n̈ to man̈oc Jehová 'ix 'a'n 'a eb'.

A Ch'an̈ Carta D'a Eb' Hebreo 8:9

A wal jun in trato cha, caw man̈ lajnoc 'icha jun in b'ojnac yet' eb' smam yichm eb', yic wi'n 'elt eb' 'a Egipto. 'Icha to in quetz sc'ab' eb', yic wi'n 'elt eb'. Palta a eb' cha, ma'ix syiclj eb' jun in trato cha, yuj cha, wactn can eb' sch'ocoj.