Dt 28:63 - Chuj San Sebastian Bible

⁶³ A Jehová caw 'ay stzaljc'ojlal yic tzya'n niwtjoc qui b'islec; 'ixta pax 'oj tzaljoc 'a jun tiempoal cha yic 'oj e lajw pax 'eli. Caw man̈x 'a yel'ch 'oj eyaj e satl 'a sat lum lum 'aj jab'xoj e c'och cajn cha.

Chuj San Mateo Bible

⁶³ Icha ix aj stzalaj sc'ol sch'oxan svach'c'olal d'ayon̈, ix yac'an q'uib' co b'isul, icha pax chi' ol aj stzalaj sc'ol yuj e sateli. Elan̈chamel ol aj ex yic'anxiel d'a lum luum b'aj toxo ol ex cajnaj tic.

Dt 28:63 Iomraidhean Croise

Gn 6:7

Caw wal tztac in c'ojl yuj eb' 'anma xin b'o tic. Yuj cha, 'oj in satl eb' 'a sat lum lum tic, yet' no cajb'en noc', no calte'al noc', no tzjuc sb'a 'a sat lu'um, yet' pax no ch'ic, xchi.

Salmos 119:68

Caw wach' a nab'en Mamin, wach' tas tza b'o'o; cuyn 'a jun tzo'n̈ a checnb'il tic.

Pr 1:26

Ax 'oj 'ajoc ton̈j 'oj in tzewj 'ayex, yic 'oj jawc yailal 'a eyib'an̈. Ton̈j 'oj in b'uchwj pax 'ayex yic 'oj e chaml yuj xiwlal.

Pr 2:22

Ax eb' tu sb'eyb'al, yet' eb' 'ixtm 'anma', 'oj 'ijxoc 'el eb' 'a sat lum lum tic, 'icha tzyac' junc te te tzto'x q'ueta.

Is 1:24

Yuj cha, an Jehová in tztac' wuj smasnil, Syajlil in chon̈b' Israel, an tzwal 'ixtic: Ax xo 'ajc'ojl eyajch 'ayin. Wal in b'on yaj in b'a eyet' tic, 'oj in pac in b'a 'ayex.

Is 6:11

Yuj cha, xin c'anb'n 'a 'a: ¿Jantc to wal tiempo 'oj wal-l jun tzo'n̈ tic Mamin? xin chi. 'Ix ta'w 'ayn 'ixtic: Masnto 'oj lajwc can 'ejm jun tzo'n̈ chon̈b' tic, yic man̈x 'a mach cajn 'ec' 'a 'a; yic man̈x 'a junc 'anma tzcan 'a yol yatut, yic 'oj can lum lum tic 'a sictaquil.

Is 62:5

Yujto 'icha junc win quelm tznupn yet' junc 'ix cob'es, 'ixta 'oj ex yutc Dios, 'oj 'och eyajloc, ax ya'n tzaljoc sc'ojl eyet'oc, 'icha stzalj junc win quelm yet' yistzil, 'ixta 'oj eyaji.

Jeremías 18:7

Q'uinloc an tic, tzin nalb'ej in satn 'el junc nacion̈, mto tzin nalb'ej wi'n 'el junc mach 'a yopiso,

Jeremías 24:6

'Oj in tan̈wcn̈ej eb', ax wi'n meltzjoc paxt eb' 'a jun nacion̈ tic. A 'a tic 'oj wac' q'ue'choc eb', man̈x 'oj in satl eb'. 'Icha wal to 'oj wawc can 'ejm eb', man̈x 'oj in toc' chan̈ eb' jun 'ejm xo.

Jeremías 31:28

An Jehová in, an tzwala to an wa'jnac wip in to'n q'ueta, xin ma'n 'ejmi, 'ix lan̈chj 'ejm wu'uj, xin satn 'eli, xwixtn 'eli. Palta a yic 'oj jawc jun c'ul cha, an 'oj wa'x wip wawn 'ejm jun 'ejm xo, ax in b'on pax cha'an̈.

Jeremías 31:40

Smasnil lum pan̈n 'aj tzmucx eb' chamnc 'anma', yet' 'a 'aj tzjulx 'el stan̈il c'ac', yet' smasnil span̈nil yib'n̈ q'ue sti a a tzcuch Cedrón, masnto 'a junx schicn 'a 'aj 'ay jun puerta 'aj tz'och e no chej, 'a stojlal 'aj tzq'uel c'u, a jun cha, wic 'oj 'ajcni. A smasnil jun tzo'n̈ tic, man̈x 'a b'a'n̈ 'oj satli, man̈x 'a pax b'a'n̈ 'oj lajwc 'eli, xchi Dios.

Jeremías 32:41

Yet' wal in tzaljc'ojlal, ax in b'on tas wach' 'a eb'. Yet' smasnil in c'ojol, 'a caw syelal, ax wa'n 'aj cajn eb' 'a jun nacion̈ tic, xchi Dios.

Jeremías 42:10

Toto tzchaj e c'ojl tzex can cajn 'a jun lum tic, caw 'oj ex wac' q'ue'choc yet' tas 'ay 'ayex. Man̈x 'oj ex in satli, caw wal ya 'ix wab'i, yujto 'ix wa' cot jun niwquil yailal chi 'a eyib'an̈.

Jeremías 42:2

'Ix yaln eb' 'ixtic: —'Ay wal jun tas 'oj qui c'an 'aych on̈, comnoc matz a tenc' 'ayn̈ on̈: Tewan̈ 'a Jehová qui Diosalec cuj jaywn̈ on̈ canc can tic. A 'a yic yaln̈taxi, caw niwn qui b'eyi, palta ax ticnec, cojxn wal jaywn̈ on̈ canc can tic.

Jeremías 45:4

Palta 'iltnab'an, an Jehová 'in, wan in satn 'el tas in b'ojnac, wan in to'n q'uet tas wawjnac. 'Ixta wal tas 'oj in b'o 'a smasnil nacion̈ tic.

Lm 2:9

A jun chon̈b' cha, man̈x 'a spuertail, wecchjnacx yijl 'aychi. Choc' x'ajcn smasnil, toxn̈ej tzicn can 'at 'a sat lu'um. Ax win rey yet' smasnil eb' 'ay yopiso yet' winac, scal eb' chuc chon̈b'al 'aj 'ayx 'ec' eb'; ata' man̈x 'a sley Dios 'a sat eb' 'anma cha. Ax eb' schecb' Jehová, man̈x 'a xon tas tz'ajx yojcoc 'el eb' yu'uj.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Ez 5:13

'Ixta wal 'oj wutc wa'n cot yowl in c'ojl 'a yib'n̈ eb'; 'ixta to b'i'an, ax sb'o in c'ojol. 'Oj yojcoc 'el eb', to yet' sc'a'l in c'ojl an Jehová in tic, 'ix waln jun tzo'n̈ paxti tic.

Dn 7:8

Ya' sb'a wanto wiln jun tzo'n̈ sch'ac cha, ax xwilni xpac' q'uel junx yune sch'ac 'a scal jun tzo'n̈ xo cha. A yic xq'ueli, 'ix 'ec' stenn̈c 'el 'oxe sb'ab'l ch'ac cha. Sch'ocxoj jun chi xcan 'a yet'l 'oxe cha. A jun sch'ac cha, 'ay yol sat, 'ay sti 'icha 'anma', caw tzb'an̈ sb'a yet' tas tzyala.

Am 5:3

Ex wit israelal, 'ixtc wal yaln Jehová Dios: Toto 'ay junc e chon̈b' tz'a'n 'at junc mil winc 'a owal, cojxn junc ciente eb' 'oj meltzjoc. Ax junc chon̈b' cojn junc ciente tzya'ti, to 'ixta', cojxn lajn̈wan̈ 'oj meltzjoc.

Miqueas 7:18

Mamin Jehová, may junc xo Dios lajn et'oc, yujto ach tic, ach tzac' niwnc'ojlal smul jaywn̈ xo eb' a chon̈b' tic xcani, tz'atcn satc'ojlal stenmtacl eb' o'oj. Man̈ 'ayc 'ec' yowl a c'ojl 'a smasnil tiempo, yujto tz'el 'a a c'ojl a ch'oxn pax a chamc'ojlal.

Sofonías 3:17

A Jehová e Diosal, a 'ayc' eyet'oc. A spoder tzex colni. Caw 'oj tzaljoc eyet'oc. Yuj schamc'ojlal 'ayex, yuj cha man̈x 'a tas 'oj e na'. A yuj stzaljc'ojlal cha, ax e b'itn cha'an̈, 'oj schioc.

Lc 15:32

Palta a ticnec, smoj xwa'ch jun q'uin̈ tic, sec tzon̈ tzaljec. Yujto a jun o'tac tic, 'icha to chamnc xo, palta ax ticnec, 'icha to xpitzw paxi. Satnc ton 'ati, palta xjapx 'ayin, xchi smam win chi 'a 'a, xchi Jesús.

Dt 30:9

'Oj eyoch ricoal yuj Jehová Dios, ax ya'n syaxil 'a yib'n̈ smasnil tas 'oj e b'o', 'a yib'n̈ eyunnal, 'a yib'n̈ e cajb'en noc', yet' 'a yib'n̈ smasnil e munljel. 'Oj tzaljoc Jehová yuj tas wach' tze b'o'o, 'icha yutjnac stzalj yet' eb' qui mam quichmec.

Dt 4:27

A Jehová 'oj e sactzicn can 'at 'a scal jun tzo'n̈ xo nacion̈, jaywn̈xoj ex 'oj e can ta'.

Dt 7:22

Jab'jnal 'oj yi'l Jehová jun tzo'n̈ nacion̈ chi 'a eyojltac. Man̈ jun 'ejmocn̈ej tze satl eb', to ma'ay, 'ay smay sniwtj no calte'al noc' 'a e cal, ax ex schin no'.