Dt 28:54 - Chuj San Sebastian Bible

⁵⁴ An̈jtona pax win winc caw wach' snab'en, tu 'oj yutc win yiln 'och eb' yu'tac yet' 'a 'ix yistl win to caw chamc'ojlb'il yu'uj, yet' pax 'a eb' yunnal 'oj can to 'a yic jun tiempoal cha.

Dt 28:54 Iomraidhean Croise

A Ch'an̈ Schab'l Libro Samuel 12:3

Palta ax win meb'a cha, teb'il wal 'ay jun c'otn̈ scalnelu manb'il yu'uj. A win 'ix q'uib'tzan no 'a yune'al. A 'a scal eb' yunnal 'ix q'uib' chan̈ no'. A tas tzc'uxu, yet' tas tzyu'j winac, a chi sc'uxu, ax 'a sn̈i sc'ojl win smec' way no'. 'Icha wal junc yisil, 'ixta xyutj schamc'ojlani.

Salmos 103:13

'Icha wal yo'ch sc'ojl junc mamb'il 'a yunnal, 'ixta yo'ch sc'ojl Jehová 'a 'ayn̈ an̈ yiclum on̈c 'a 'a.

Pr 23:6

Man̈ ex wa 'a smexa eb' b'as, man̈ e nib'c 'och swach'il tas tzc'ux eb',

Pr 28:22

A mach tznib'j 'och sb'a ricoal 'a yajn̈ej, man̈ yojcoc toto 'oj jawc meb'a'il 'a yib'an̈.

Is 49:15

Palta ¿tom tzsat sc'ojl junc nunb'il 'a junc yune chamc'ojlb'il yu'uj? Wach'xam pax tzsat sc'ojl 'ix jun, palta an tic ma'oj e 'at satc'ojlal wu'uj.

Miqueas 7:5

Man̈ eya'ch 'a e c'ojl tas tzyal eb' cajn 'a e tz'ey, man̈ eya'ch junc e wach'c'ojl yipc e c'ojol. Tzcham wal e nan tas tzeyal yet' eyistzil.

Mt 11:8

¿Tas xit' eyiljnac jun? ¿Tom a junc winc caw wach' yaj yet' spichl xit' eyiljnac? 'In a eb' caw wach' yaj yet' spichl cha, a 'a yol yatut eb' rey 'ayc' eb'.

Mt 20:15

Yujto an 'ay waln wic wa'n in tumn 'icha tzin nib'ej. Matz tac' a chichn 'och 'ayin, yujto wach' tzwutj in b'a 'a junc xo mach, xchi winac. 'Ixta tzyal jun 'ab'x tic.

Dt 13:6

Q'uinloc 'ay junc mach tzex c'ultac 'i'n 'at eyac' 'ejm e b'a a jun tzo'n̈ tzalx 'och diosal, atn sdiosal eb' chon̈b' oyn 'och 'a sla'nil, mto 'a snajtil 'el sti lum e lum cha, atn jun tzo'n̈ man̈ yojcoc eb' qui mam qui nun 'a pecti', man̈ e cha eyab' 'a 'a. Wach'xam a junc eyu'tac, junc eyunnal, junc eyisil, mto eyistzil chamc'ojlb'il eyu'uj, mto junc e wach'c'ojl caw wach' eyaj yet'oc, man̈ 'o'ch e c'ojl 'a 'a, man̈ junn̈joc tzeyutj e nab'en yet'oc, man̈ e c'ub'c 'eli.

Dt 15:9

Man̈ e na jun man̈ nab'enal tic 'ixtic: Jab'xoj sjaw jun yucl ab'il yic tz'ajx niwnc'ojlal smasnil b'oc, xe chi ta, xe jut e sat 'a junc quit chon̈b' to meb'a cha, majt eyac' junc chi smajnoc. Toto ma'oj eyac'a', 'oj q'ue yaw 'a Jehová eyu'uj, ax yoch jun chi e muloc.

Dt 28:53

A yic oyn 'och eb' 'ajc'ojl yac' owl eyet' 'a e chon̈b' cha, ax xo, caw 'ay e wejel. Yuj wejl cha, ax e chin 'ejm eyunnal yet' eyisil, eb' xyac' Jehová qui Diosalec 'ayex.

Dt 28:55

'Ixta 'oj yutc sb'a, sec man̈ locnoc eb' 'oj chinc schib'jal eb' yunnal win chi yet'oc. Yujto man̈x 'a tas wach' sc'uxni yic 'ayc' eb' 'ajc'ojl yac' owl eyet' 'a yol e chon̈b' cha. Atn wal jun niwquil cusc'ojlal chi 'oj 'em 'a e cal yuj eb' 'ajc'ojl cha.