Dt 28:50 - Chuj San Sebastian Bible

⁵⁰ A jun tzo'n̈ 'anma cha, caw ow eb', may yel'ch eb' 'ichmtac winc 'a sat eb', matz 'o'ch pax sc'ojl eb' 'a eb' 'unin.

Chuj San Mateo Bible

⁵⁰ Te oval anima eb'. Malaj yelc'och eb' icham anima yed' eb' unin d'a eb'.

Dt 28:50 Iomraidhean Croise

2 Cr 36:17

Xlajw cha, xchecx cot win rey yet' eb' soldado 'aj Babilonia yuj Jehová, yic tzya'n owl yet' eb' 'aj Judá cha. A yic 'ix 'ajx ganar eb', 'ix milx cham eb' quelm yet' espada a yol yamq'uil yatut Dios. Man̈x 'a jac sniwnc'ojlal 'a eb' quelem, 'a eb' cob'es, yet' 'a eb' 'ichmtac 'anma man̈x 'a yip. Xya'ch Jehová smasnil eb' 'a yol sc'ab' jun rey cha.

Pr 7:13

A jun 'ix cha, yajn̈ej x'och la'njoc 'a jun quelm cha, stz'ub'n 'elt 'ix sti winac, caw may jac sq'uixwc'ojlal. Yajn̈ej 'ix yaln 'ix 'a win 'ixtic:

Ec 8:1

Caw wach' yic win jeln snab'en yujto tzyojquej 'el tas 'ay 'a yolyib'n̈q'uinl tic. A sjeln nab'enal cha, a tz'a'n tzaljoc chan̈ sat, wach'xam to tu yilx sat cha.

Is 33:19

Man̈x b'a'n̈ 'oj eyil jun tzo'n̈ eb' b'an̈quintac chi 'a e cal, atn eb' chuc til tzyala, may mach tz'ab'n tas tzyal eb'.

Is 47:6

A yic 'ay cot wowl 'a eb' in chon̈ab', 'ix wa'ch eb' 'a yol a c'ab' sec tz'ixtx eb' o'oj. Ma'ix 'o'ch a c'ojl 'a eb', ax eb' 'ichmtac 'anma', caw wal ya x'ec' eb' o'oj.

Jeremías 21:7

'Oj lajwc cha, ach xo Sedequías, 'oj ach wac' 'a yol sc'ab' win Nabucodonosor yet' jun tzo'n̈ xo eb' 'ajc'ojl yajch 'ayach. 'Oj ach wa'cn 'och 'a yol sc'ab' win yet' eb' a checab', eb' a soldado, yet' eb' 'anma 'oj cant 'a jun chon̈b' tic yic 'oj lajwc 'ec' yab'il, owal, yet' wejel. Man̈x 'oj 'ajxoc niwnc'ojlal 'ayex. An Jehová in, an tzwala, to caw tojl xoj 'oj e xicx cham yet' q'uen espada.

Dn 7:7

Ax no schan̈l xwil 'a in waych cha, caw yel xo tu yilx no'. 'Ay xo smay yilx 'ochi, caw wal 'ay yip. Caw niwc ye no', nab'a hierro. Choc' tz'aj smasnil tas yu'uj, tzb'u'n can 'ejmi, ax jantc to tzcan yuj cha, c'uxn tzte'cn 'ejm yet' yoc. Caw chuc yilx no 'a yib'n̈ jun tzo'n̈ xo no xin b'ab'l 'ilj cha, 'ay lajn̈e sch'a'ac.

Dn 8:23

A yic wan slajw c'och stiempoal ya'n jun tzo'n̈ nacion̈ chi yajlil, 'oj niwtjoc smaysch'olnilal eb' 'a sat Dios. 'Ay junx rey 'oj yac' yajlil, ch'an sc'ojlani, caw jeln 'a tas maysch'olnil.

Os 13:16

A eb' 'aj Samaria, 'oj jawc pax yailal 'a yib'n̈ eb', yujto tenmtac tzyutj sb'a eb' 'ayin. 'Oj milxoc cham eb' yet' q'uen espada. A yunnal eb', 'oj ma'xoc 'ejm eb' 'a sat lu'um, sec tzcham eb'. A eb' 'ix 'ix yet'x yune', 'oj tecxoc 'elt yol sc'ojl eb' 'ix, xchi Dios.

Lc 19:44

C'uxn 'oj smac' 'ejm lan̈chjoc eb' jun chon̈b' tic 'a sat lu'um. Ax smilx cham eb' 'anma yuj eb'. A q'uen q'uen tusb'il 'och 'a jun tzo'n̈ n̈a 'a jun chon̈b' tic, toxn man̈x 'a junc 'oj can 'a yib'n̈ yit q'uenal cha. 'Ixta 'oj 'ajcni, yujto a 'a jun tiempoal tic, 'ix snib'j Dios tzch'ox swach'c'ojlal 'ayex, palta matz nachj 'el eyu'uj, xchi Jesús.

Dt 28:51

'Oj schi eb' yune smasnil e cajb'en noc', ax sc'uxn eb' sb'al sat e lu'um, masnto 'oj e lajw 'el yuj eb'. Man̈x 'a e trigo 'oj yactc can eb', e yal uva, yet' eyaceite. Man̈x 'a pax e cotc wacax, e cotc calnelu mto e chiwo 'oj can yuj eb'. Yuj cha, 'oj e cham yuj wejel.