Dt 28:41 - Chuj San Sebastian Bible

⁴¹ 'Ay eyunnal, ay eyisil, palta may eb' 'oj 'ochwan eyet'oc, yujto 'oj 'ijxoc 'at eb' 'icha presoal 'a junc xo nacion̈.

Chuj San Mateo Bible

⁴¹ Ay eyuninal, ay eyisil, palta man̈ ol ajlaj eb' eyed'oc, yujto ol ic'jocb'at eb' d'a juntzan̈xo nación.

Dt 28:41 Iomraidhean Croise

A Ch'an̈ Schab'il Libro Yic Yab'ixal Eb' Rey 24:14

'Ix ya'n win 'ijxoc 'at smasnil eb' cajn 'a Jerusalén, eb' 'aych yajlil, eb' soldado to caw wal jelan, eb' josmte' yet' eb' tenm q'ue'en. Lajn̈e mil eb' x'ijx 'at 'icha presoal yu'uj. Cojxn̈ej eb' meb'a xcan 'a jun nacion̈ cha.

2 Cr 28:8

An̈jtona', wach'xam yit chon̈b' sb'a eb' yet' eb' israel, palta a eb' israel, 'ix 'yij 'at eb' chab' ciente mil eb' 'aj Judá 'icha presoal 'a Samaria. Til wal eb' 'ix 'ix, eb' winc 'unin, yet' eb' 'ix 'unn xyij 'at eb', til to wal pax tas xyij 'at eb'.

Is 65:23

Man̈ ton̈joc 'oj munljoc eb' in chon̈ab', may pax yunnal eb' 'oj comn cham 'a to man̈oc sq'uinl tzc'ochi. Yujto wa'jnac in wach'c'ojlal 'a eb' smam yichm eb', ax eb' yin̈tl eb' tic, 'ixta pax 'oj wutc eb'.

Lm 1:18

A Jehová sb'o wal 'icha tas smoj sb'oni, yujto caw wal tenmtac xcutjec qui b'a 'a schecnb'il. E masnil ex chon̈ab', 'ab'c wal tas 'oj cal on̈, 'iltec wal nab'n yilx qui yailal on̈. A eb' qui quelmtac on̈, yet' eb' 'ix qui cob'stac on̈, tox 'ix 'ijx 'at eb' 'icha presoal.

Lm 1:5

A eb' 'ajc'ojl yajch 'a 'a, 'ix 'ajx ganar yuj eb', a eb' 'ajc'ojl cha, caw wal tzq'ue'ch eb'. A Jehová a 'ix 'a'n 'och syailal jun chon̈b' tic, yujto caw niwn maysch'olnil 'ix sb'o'o. A eb' 'anma cajn 'a 'a, tox 'ix 'ijx 'at eb' 'icha presoal yuj eb' 'ajc'ojl cha.

Dn 1:3

A yic 'ix jaw eb', 'ix yaln win rey chi 'a win Aspenaz, atn win syajlil eb' tzmunlj 'a sdespacho winac, to tzsic' 'elt win jaywn̈oc eb' quelmtac winc 'a scal eb' israel 'ix 'ijx cot 'icha presoal cha, eb' to yin̈tl can eb' rey, mto eb' niwc yopiso.

Miqueas 1:16

Joxc 'el xil e jolm yuj cusc'ojlal. Chact'irnac cab' tz'ajcn e jolm chi 'icha wal sjolm no xulem, atn yuj eb' eyunnal to caw wal 'ay e chamc'ojlal 'a 'a, yujto 'oj 'ijxoc 'at eb' 'icha presoal, xchi Dios.

Dt 28:32

Caw q'ueln ex 'ochi, ax yajx eb' eyunnal yet' eb' eyisl 'a yol sc'ab' eb' chuc chon̈b'al. 'Oj e c'unb' e macn sjaw eb' 'a junjn c'u, palta man̈x 'oj stac' eyu'uj.