Dt 28:31 - Chuj San Sebastian Bible

³¹ Caw q'ueln ex wal 'ochi, ax smiln eb' 'ajc'ojl chi e wacax, palta ma'oj e chi jac schib'jal no cha. 'Oj 'ijxoc 'ec' e b'uru, palta man̈x 'oj 'ajxoc meltzjoc no'. 'Oj smacb't eb' e calnelu, palta man̈x 'a mach 'oj stac' scoln 'el e no eyet'oc.

Chuj San Mateo Bible

³¹ D'a val eyichan̈ ol smilcham noc' e vacax eb' ajc'ool, palta man̈ ol e chi' jab'oc schib'ejal noc'. D'a eyichan̈ ol yic'b'at noc' e b'uru eb', man̈xo ol yac' meltzaj noc' eb' d'ayex. Ol yic'b'at noc' e calnel eb', man̈xalaj mach ol yal scolancan noc' d'a eb'.

Dt 28:31 Iomraidhean Croise

Job 20:28

A yic 'oj jawc yowl sc'ojl Dios 'a yib'n̈ eb', ata 'oj lajw can 'ejm smasnil sricoal eb' cha.

Is 62:8

Yuj cha, yet' wal spoder Jehová xya'n can sti 'ixtic: Man̈x 'a wal b'a'n̈ 'oj wac' swa eb' 'ajc'ojl e trigo, ax wa'n yuc' eb' chuc chon̈b'al eyal uva tzeyij 'a e munljel.

Jeremías 5:17

'Oj sc'ux 'ejm eb' sat smasnil eyawb'en, yet' tas tze c'uxu. 'Oj smil eb' eyunnal yet' eb' eyisil. 'Oj schi 'ejm eb' e no e calnelu yet' e no e wacax. 'Oj slo 'ejm eb' sat eyuva yet' e higo. Ax syamc'ab' eb' yic owal, a 'oj yac' eb' ma'nc 'ejm lan̈chjoc e chon̈b' 'aych smuroal, jun to 'aych yipc e c'ojol, xchi Dios.

Dt 28:30

'Oj eyac' e ti cob' e nupn yet' junc 'ix 'ix, palta chucx win 'oj way yet' 'ix. 'Oj cob' e b'o eyatut, palta ma'oj e caja'. 'Oj cob' e b'o e munljel, palta ma'oj e c'ux sat eyawb'en cha.

Dt 28:32

Caw q'ueln ex 'ochi, ax yajx eb' eyunnal yet' eb' eyisl 'a yol sc'ab' eb' chuc chon̈b'al. 'Oj e c'unb' e macn sjaw eb' 'a junjn c'u, palta man̈x 'oj stac' eyu'uj.

Jueces 6:1

A eb' israel caw man̈ wach'c tas 'ix sb'o eb' 'a sat Jehová, yuj cha, 'ix 'ajx 'och eb' 'a yol sc'ab' eb' madianita 'a uque ab'il yuj Jehová.

Jueces 6:4

Sb'o eb' scamplamento 'a sat slum eb' israel cha, tzsatn 'el eb' tas 'awb'il yuj eb', masnto tzc'och 'a smon̈jonal chon̈b' Gaza. Man̈x 'a jac tzc'ux eb' israel chi tzyactj can eb'. Man̈x 'a pax no calnelu, no wacax, mto no b'uru xyactj can eb'.