Dt 28:21 - Chuj San Sebastian Bible

²¹ A Jehová 'oj 'a'nc cot junc niwquil yailal 'a eyib'an̈, a 'oj e satn 'el 'a sat lum lum 'aj 'oj e c'och cajn cha.

Chuj San Mateo Bible

²¹ A Jehová ol ac'ancot juntzan̈ ilya te ov d'a eyib'an̈, masanto ol ex satel d'a sat lum luum b'aj ol ex cajnaj chi'.

Dt 28:21 Iomraidhean Croise

A Ch'an̈ Schab'l Libro Samuel 24:15

Yuj cha, 'ix ya'n cot Jehová jun yab'il 'a yib'n chon̈b' Israel, 'a jun sq'uin̈b'il cha, masnto 'ix tz'acw sc'ul 'icha 'ix 'aj yalxi, 'ix schaj cot 'a Dan 'a stojlal norte masnto 'a Beerseba 'a stojlal sur, 70 mil 'anma 'ix chami.

A Ch'an̈ B'ab'el Libro Yic Yab'ixal Eb' Rey 8:37

Toq'ue 'ay 'aj 'oj tacjoc 'el cawb'en yuj cuaresma, mto yuj tz'a'ab', mto yuj no c'ulub', mto yuj jun tzo'n̈ocx no noc', yuj cha tzjaw wejl 'a yib'n̈ qui chon̈b' tic on̈. Toq'ue 'oj jawc oynjoc eb' 'ajc'ojl 'a qui chon̈ab', ax sjaw tzann̈j yailal tzon̈ satn 'eli, to 'ixta', tzab' wal slesl eb' wit chon̈b' oj smoj q'ue sc'ab' yaln sb'a 'aych 'a stojlal jun atut tic, toto 'oj sna sb'a eb' yet' smasnil sc'ojol.

Ex 5:3

'Ix yaln pax eb' 'ixtc 'a winac: —A qui Diosal an̈ israel on̈ tic on̈, 'ix sch'ox sb'a 'ayn̈ on̈, yuj cha, to tzon̈ a chaj 'at 'a lum cusltac lum chi 'on̈, yic tz'at ca'nc qui xajmb'al 'a Jehová qui Diosal on̈, 'oxe c'u ste'nb'il jun lugar cha. Toto matz on̈ 'at on̈, axta laj x'aji, on̈ chamt yuj junc yab'il on̈, mto 'oj qui xicx cham yet' q'uen espada on̈, xchi eb' 'a win rey cha.

Jeremías 15:2

Toto tzc'anb'j eb' 'ayach 'ajtil tz'at eb' cha, tzaln 'a eb' to an tzwal 'ixtic: A eb' to 'aych 'a yib'n̈ to a yab'il tzmilni, 'at cab' eb' chamnc 'a scal yab'il cha. Ax eb' to a owl tzmilni, 'at cab' eb' chamnc 'a owal. A eb' to a wejl tzmilni, 'at cab' eb' chamnc 'a 'aj 'ay wejl cha. Ax pax eb' to 'aych 'a yib'n̈ to 'oj yamchjoc 'at 'icha presoal, 'at cab' eb' 'icha presoal chi 'a chuc chon̈b'al, xchi Dios, xa chi 'a eb'.

Jeremías 16:4

'Oj cham eb' yuj tzann̈j yab'ilal, may mach 'oj 'oc' yuj eb', man̈x 'a mach 'oj mucnc eb'. T'ocquixtac 'oj 'ajcn sniwnal eb' 'a sat lum 'icha tzyac' stza no noc'. A owal yet' wejel, a 'oj milnc eb'. 'Oj chixc sniwnal eb' yuj no 'usej, yet' yuj no calte'al noc', xchi 'ayin.

Jeremías 24:10

'Oj wa' cot owal, wejel, yet' yab'il 'a scal eb'. Man̈x 'a junc eb' 'oj can 'a sat lum lum 'ix wac' 'a eb', yet' 'a eb' smam yichm eb', xchi Dios.

Lv 26:25

'Oj wa' cot owl 'a e cal eyailaloc, sec a tz'a'n spac in trato matz eyiclj cha. 'Oj laj cob' 'at e col e b'a 'a yol e chon̈ab', palta 'oj wac' cot yab'il 'a e cal, ax eyamchj yuj eb' 'ajc'ojl cha.

Am 4:10

Wa'jnac cot jun tzo'n̈ yailal 'a eyib'an̈, 'icha wal wutjnac wa'n cot yailal 'a Egipto. 'Ix wac' milxoc cham eb' eyunnal 'a scal owal, ax eb' 'ajc'ojl yajch 'ayx cha, a eb' 'ix 'i'n can e chej. Til wal 'aj 'e'nc sjab' eb' chamnc 'a e camplamento. Palta man̈ yujoc cha, ex meltzj paxt 'ayin.

Zacarías 14:12

Palta ax jun tzo'n̈ nacion̈ 'oj yac' owl yet' Jerusalén, a Jehová a 'oj 'a'nc 'och syailal eb' si'mb'il. A eb' 'anma cha, 'ayc' eb' wal 'a spitznal ax sc'a schib'jal eb', 'oj c'a yol sat eb' 'a yol sb'aquil yet' yac' eb' 'a yol sti'.

Nm 14:12

A ticnec b'i'an, 'oj wa' cot junc niwquil yab'il 'a yib'n̈ jun tzo'n̈ 'anma tic, ax scham eb' yu'uj. Palta a 'ayach, ata 'oj 'el jun chon̈b' caw niwquil, caw wal jelnto 'a yib'n̈ eb' tic, xchi Dios.

Nm 25:9

'Ay 24 mil eb' 'anma 'ix chamcn yuj jun yailal cha.

Mt 26:7

A yic wocn 'ejm Jesús swa'i, 'ix c'och jun 'ix 'a 'a, yet' 'ix jun q'uen limita b'onc 'a q'uen alabastro sb'i. B'ut'n q'uen yet' jun su'q'ui sjab' caw chan̈ stojol. 'Ix stob'n q'ue 'ix jun chi 'a sjolm Jesús.