Dt 28:1 - Chuj San Sebastian Bible

¹ Toto caw yel, yiclum 'oj eyutc e b'a 'a Jehová qui Diosalec, ax e b'eylb'an smasnil jun tzo'n̈ schecnb'il tzwalcn 'ayx tic, toto 'ixta', caw niwn 'oj eyaj 'el'ch yuj 'a yib'n̈ jun tzo'n̈ xo nacion̈ 'a yolyib'n̈q'uinl tic.

Chuj San Mateo Bible

¹ Tato yel tze c'anab'ajej masanil schecnab'il Jehová co Diosal svalcan tic d'ayex, te nivan ol aj eyelc'och yuj Jehová chi' d'a yichan̈ juntzan̈xo nación d'a yolyib'an̈q'uinal tic.

Dt 28:1 Iomraidhean Croise

1 Cr 14:2

Yuj cha, 'ix nachj 'el yuj David chajtlto a Jehová 'ix 'a'n 'och reyl 'a yib'n̈ chon̈b' Israel. Caw 'ix 'ijx chan̈ yopiso yujto 'ay schamc'ojlal Jehová 'a schon̈ab'.

Salmos 106:3

Caw wach' yic eb' to yiclum tzyutj sb'a 'a 'a, eb' to a stojlal tzb'o 'a smasnil tiempo.

Salmos 111:10

Toto tzqui nib'jec to jeln tzon̈ 'ajec, yowlal tzqui yicljec tas syal Jehová. Smasnil eb' tzcuyn schecnb'il, jeln tz'aj 'el'ch eb'. Smasnil cab' tiempo tzalx wach' paxti 'a 'a.

Salmos 119:128

Tzin b'eylb'ej jun tzo'n̈ a checnb'il tic, ax smasnil b'eyb'al to man̈ yeloc, xin yajcn 'el eb'.

Salmos 119:6

Toto 'ixta', matz in q'uixwi yic tzin nan cot smasnil a checnb'il cha.

Salmos 148:14

A 'ix 'a'n qui jelnal an̈ schon̈b' on̈c tic, sec tzon̈ b'inaxec an̈ yiclum on̈c tic, yujto an̈ yin̈tl on̈c Israel tic, an̈ on̈ yijec 'ochch 'a stz'ey. ¡Alx cab' wach' paxti 'a Jehová!

Salmos 91:14

Yaljnac can Jehová 'ayn̈ec 'ixtic: An 'oj ex in colcn 'elt 'a yol sc'ab' smasnil tas 'ay smay, yujto tzin e chamc'ojlej, eyojquin pax si'mb'il.

Ex 15:26

'Ix yaln Jehová 'a eb' 'ixtic: Toto tzeyiclj tas 'oj wal an Jehová e Diosal in tic, ax eyiclni tas 'oj yal in checnb'il yet' smasnil in ley, toto 'ixta', ma'oj wa' cot yab'il 'a eyib'an̈, 'icha 'ix wutj wa'n cot 'a yib'n̈ eb' 'aj Egipto, yujto an Jehová in tic, an 'oj ex wan̈toc, xchi 'a Moisés.

Ex 23:22

Palta toto 'oj eyiclc tas 'oj yala', ax eyiclni smasnil tas 'ix wal 'ayex, toto 'ixta', 'oj woch 'ajc'ojlal 'a mach 'ajc'ojl 'oj 'ajch 'ayex, 'oj woch lin̈n 'a yojltac mach 'oj cob' ste'wtzoc sb'a 'a eyojltac.

Ex 23:25

Cojn 'ayn Jehová e Diosal in tic, an̈j 'ayn tzeyal e b'a. Toto 'ixta', 'oj wac' in yaxilal 'a yib'n̈ tas tze c'uxu, yet' 'a yib'n̈ tas tze yuq'uej. 'Oj wi'l smasnil yab'il 'a e cal.

Is 1:19

Toto tze chaj eyab'i', 'oj e c'ux wal tas wach' tz'el-l 'a sat lum lum tic;

Is 3:10

Al yab' eb' 'anma wach' snab'en, to caw wach' yic eb', yujto 'oj tzaljoc eb' yiln 'och spac tas tzb'o'o.

Jeremías 11:4

Atn jun in trato in b'ojnac yet' eb' e mam eyicham, yic 'ix wi'n 'elt eb' 'a Egipto. A jun nacion̈ cha, lajn yaj 'a eb' 'icha junc jorna 'aj tzn̈usx 'elt q'uen hierro. 'Ix waln 'a eb' 'ixtic: Yicljec 'ayin, b'oc smasnil tas tzwal 'ayex. To 'ixta', 'oj eyoch in chon̈b'oc, an xo, 'oj woch e Diosaloc, xin chi 'a eb'.

Jeremías 12:16

Yujto a jun tzo'n̈ chon̈b' cha, a xcuyn eb' in chon̈ab' yic tzlocn eb' sb'i jun comn dios tzcuch Baal 'a junc tas tzyala. Ax ticnec, yet' 'a yojltac, 'oj stac' yaj cajn eb' 'a scal eb' in chon̈ab', toto caw yel 'oj syiclc eb' scuynb'il eb' in chon̈b' tic, ax slocn eb' in b'i 'a tas 'oj yala'.

Jeremías 17:24

An Jehová in, an tzwala: Yicljec wal tas tzwala, man̈ eyi' cot eyictz 'a spuertail chon̈b' tic 'a sc'ul 'iljelal. May junc munljel tze b'o'o, yuj e ch'oxn 'eli to wic yaj jun sc'ul 'iljelal cha.

Lc 1:6

Caw tojl snab'en eb' schawn̈il 'a sat Dios. Caw yiclum eb' 'a jun tzo'n̈ schecnb'il Cajlil, yet' 'a jun tzo'n̈ xo sley, caw may spalta'il eb' 'a 'a.

Lc 11:28

Palta xyaln pax Jesús 'ixtic: —Yel xo wal 'ec'b'al swach'l yic eb' tz'ab'n tas tzyal Dios, tzyiclni pax eb', xchi.

Lc 9:48

Xyaln 'a eb' scuywum chi 'ixtic: —Tzann̈j mach tzchan junc 'unn 'icha jun tic, yujto wico', an ton tzin scha'aj. Man̈ cojnoc in tzin scha'a, tzchaj pax jun mach checjnacn coti. A mach yel xo tzyij 'ejm sb'a 'a e cal, atn jun chi yel xo wal niwn yel'chi, xchi 'a eb'.

Jn 15:14

Ax tic, toto tzeyiclj jun tzo'n̈ in checnb'il, to 'ixta', in wach'c'ojl ex.

Ro 2:7

'Ay eb' 'oj yac' sq'uinl 'a jun 'ejmn̈ej. Atn eb' te'n tzyutj sb'a sb'on jun tzo'n̈ wach'il, yujto tznib'j eb' tza'wni swach'l 'icha swach'l Dios. Tznib'j eb' to 'ay yel'ch eb' 'a sat, tznib'j pax eb' tzchaj sq'uinl 'a jun 'ejmn̈ej.

Gl 3:10

A eb' tzya'ch yipc sc'ojl syiclni ley yic Moisés, 'ay cot yowl sc'ojl Dios 'a yib'n̈ eb'. Yujto tzyal 'ixtc 'a Ch'an̈ U'un̈: Tzann̈j mach matz yiclnin̈ej smasnil tas tz'ib'b'il can 'a ley, 'ay cot yowl sc'ojl Dios 'a yib'n̈ eb', xchi.

Dt 11:13

Toto 'oj eyiclc smasnil jun tzo'n̈ checnb'il wan waln can 'ayx 'a jun c'u tic, tze chamc'ojlan Jehová qui Diosalec 'a smasnil e c'ojol, yet' smasnil e nab'en tzeya'n servil,

Dt 11:27

'Oj e cha yaxilal, toto 'oj eyiclc jun tzo'n̈ schecnb'il Jehová qui Diosalec cha, atn jun tzo'n̈ wan waln can 'ayx tic.

Dt 15:5

toto wach' 'oj eyutc eyiclni, mto e b'eylb'an jun tzo'n̈ schecnb'il Jehová wan waln can 'ayx tic.

Dt 26:18

An̈jtona ticnec, 'ix yal Jehová to an̈ israel on̈c tic, to yicn̈ej cajec, sic'b'iln̈ec 'el yu'uj, 'icha yutjnac yaln 'ayn̈ec, yuj cha, yowlal tzqui yicljec smasnil schecnb'il.

Dt 26:19

A 'oj eya'n 'och niwquil chon̈b'al. 'Oj e b'inax 'a swach'ilal. Niwn eyel'ch pax 'a sat jun tzo'n̈ xo nacion̈ b'ob'il yu'uj. 'Ixta wal 'oj eyaj 'icha yutjnac yalni, jun chon̈b' to yicn̈ej Jehová Dios yaji, xchi Moisés.

Dt 28:13

Toto tzeyiclj smasnil schecnb'il Jehová qui Diosalec, atn smasnil jun tzo'n̈ xwal 'ayx tic, to 'ixta', 'oj ex ya'cn 'a b'ab'el, man̈oc to 'a slajb' 'oj e cani; caw niwn 'oj eyaj 'el'ch 'a yib'n̈ jun tzo'n̈ xo nacion̈, may b'a'n̈ 'oj e can 'a yalan̈.