Dt 27:25 - Chuj San Sebastian Bible

²⁵ Catb'tzaxc cab' eb' tzchan tumin, yic tzmiln junc 'anma may jac smul, xchi eb' levita. 'Ixta cab' tz'aji, 'oj xchic eb' chon̈ab'.

Chuj San Mateo Bible

²⁵ Catab'il mach schaan tumin yic smac'ancham junoc anima malaj smul, xcham eb'. Axo masanil eb' chon̈ab' chi' tz'alani: Ujocab'i, xcham eb'.

Dt 27:25 Iomraidhean Croise

Salmos 15:5

Eb' tzya' stumn majnil, palta matz c'an eb' yune stumn cha. Eb' matz ya'ch sb'a schan q'uen c'ultac tumn 'a junc mach yic tzyixtn junc may smul. A eb' tzb'eylb'an jun tzo'n̈ tic, caw may b'a'n̈ 'oj 'em eb'.

Lv 19:16

Man̈ ex alwoc peclal 'a scal 'anma'. An Jehová in, an tzwala. Man̈ locnoc ex tzeyala yic tzma'x cham junc eyit 'anma'il.

Mt 26:15

'ix yaln 'a ewin 'ixtic: —Toto 'oj wa'ch Jesús 'a yol e c'ab', ¿jantc tzin e tojo? xchi 'a ewinac. Yuj cha, xya'n ewin 30 q'uen tumn plata 'a 'a.

A Tas Sc'ulejnac Eb' Schecab' Jesús Hechos 1:18

Palta schaj win tumn 'a spatquil jun maysch'olnil 'ix sb'o'o. Sman win jun slum yet' q'uen tumn cha. Xlajwn̈ej cha, xpilch'j cot n̈ojnjoc winac. Xn̈i'chj 'elt yol sc'ojol.

Dt 10:17

yujto a Jehová qui Diosalec, 'ec'b'al 'a yib'n̈ jun tzo'n̈ xo tzalx 'och diosal. A yajl yaj 'a yib'n̈ eb' yajal. Cojxn tztac' yalni, caw 'ay spoder, 'ay pax smay, may 'aj tzjel snab'en 'a yib'n̈ junc tas, may 'aj tzchon̈ sb'a yuj tas tzsiyx 'a 'a.

Dt 16:19

Man̈ ya'ch sb'a eb' 'a man̈ nab'enal, man̈ chucchcoc cab' yilx eb' 'anma 'a sat eb'. Matz chaj eb' q'uen c'ultac tumn 'a junc mach, yujto a jun tumn chi tzjun 'el snab'en eb' 'ay snab'en cha, a pax q'uen tumn chi tzjeln 'el spaxti eb' 'anma tojl snab'en.

Jueces 9:24

sec 'ixta tz'aj schan spac yuj 70 eb' yu'tac sma'jnac chamoc, atn eb' yunnal Gedeón. Ax eb' 'aj Siquem, 'ix schaj eb' spac yico', yujto xya'ch sb'a eb' yet' Abimelec yic sma'n cham eb' yu'tac cha.