Dt 27:15 - Chuj San Sebastian Bible

¹⁵ Catb'tzaxc cab' eb' tzb'on junc yechl comn dios yet' q'uen q'uen to tenb'il, b'ob'il yuj eb' tztac' sb'oni. Tzb'on can 'och eb' 'a yet'ul 'a 'aj c'ultac yaji. A wal jun tzo'n̈ cha, yajb'il 'el yuj Jehová, xchi eb' levita. Ax smasnil eb' chon̈ab', 'oj yal eb' 'ixtic: 'Ixta cab' tz'aji, 'oj xchic eb'.

Chuj San Mateo Bible

¹⁵ Catab'il mach sb'oan junoc yechel comon dios d'a te te', ma d'a q'uen q'ueen, syac'anoch d'a junoc lugar c'ub'eltac yic tz'och ejmelal d'ay. A juntzan̈ chi' yajb'ilel yuj Jehová, xcham eb'. Axo masanil eb' chon̈ab' chi' tz'alani: Ujocab'i, xcham eb'.

Dt 27:15 Iomraidhean Croise

Gn 31:19

Ya' sb'a a win Labán 'ayb't win 'a junx lugar sjox scalnelu, ax 'ix Raquel xyelc'n cot 'ix jun tzo'n̈ sdiosal smam 'a yol yatut.

Gn 31:34

Palta wal 'a yajn̈ej sc'ub'n 'el Raquel jun tzo'n̈ yechl chi 'a yaln̈ stz'um no cameyo, xlajw cha, x'em wocn 'a yib'an̈. X'ec' cob' win Labán say 'a yol smasnil smantiado eb', palta may tas x'ilchj yuj winac.

Gn 9:25

Yuj cha, xyaln Noé chi 'ixtic: Maysch'olnil cab' tz'ajcn 'el'ch ni Canaán tic, mosoal xoj cab' tz'ajcn 'och ni 'a eb' yu'tac tic, man̈ yico'oc sb'a na, xchi winac.

A Ch'an̈ Schab'il Libro Yic Yab'ixal Eb' Rey 17:19

Palta ma'ix syiclj pax eb' yin̈tl Judá chi schecnb'il Jehová sDiosal. A yic eb' to 'ix sb'eylb'ej eb' 'icha wal tas sb'eylb'ej eb' yit israelal eb' cha.

A Ch'an̈ Schab'il Libro Yic Yab'ixal Eb' Rey 23:13

'Ix ya'n pax win rey chi juwc jun tzo'n̈ macsej 'ay 'a jolmctac witz 'a stojlal 'aj tzq'uel c'u 'a Jerusalén, 'a spac'b'il lum tzaln olivo tzcan 'a qui wach' c'ab'. A jun tzo'n̈ cha, b'ob'il can yuj Salomón sreyl chon̈b' Israel, yic tz'och eb' 'emmquilal 'a jun tzo'n̈ comn dios caw yajb'entac: Atn Astarté sdiosal eb' 'aj Sidón, yet' Milcom sdiosal eb' amonita.

1 Cr 16:36

Alx cab' wach' paxti 'aych 'a smasnil tiempo Mamin Jehová, qui Diosal ach an̈ israel on̈ tic, xe chi, xchi David. 'Ix yaln smasnil eb' chon̈ab': ¡B'o cab' 'ixta'! xchi eb'. Xyaln eb' wach' paxti 'a Jehová.

2 Cr 33:2

Palta caw maysch'olnil x'el sb'on 'a sat Jehová, yujto 'ix sb'eylb'ej stu b'eyb'alil jun tzo'n̈ nacion̈ yijnac 'el Jehová yic mantzac c'och eb' israel 'a lu'um.

Ex 20:23

Man̈ e b'o junc e diosal to oro mto plata yic tzcob' eyaln e b'a 'a 'a, tzeyaln pax e b'a 'ayin.

Ex 20:4

Man̈ e b'o yechl junc tas e diosaloc: junc tas 'ay 'a satcha'an̈, junc tas 'ay 'a sat lum tic, mto junc tas 'ay 'a yojl eb' a mar.

Ex 34:17

May b'a'n̈ tze b'o junc q'uen q'uen e diosaloc, yic tzeyaln e b'a 'a 'a.

Is 44:13

'Oj quil pax tas tzyutj munljoc sb'a junc win josmte' tzb'on junc yechel: Tzyechtej win yet' junc yechtab', tzya'n 'och win yechl yet' lápiz, yet' pax compás. Tzlajw cha, tzyamn 'och win smunlj yet' stz'ucub'. 'Icha yilx junc 'anma wach' yilxi, 'ixta tzyutej. Tzlajw cha, tz'at 'ajxoc 'och 'a yojl junc yatutal.

Is 44:17

Ax yet' jacx te te chi tzcan cha, a yet' te tzb'o junc yechl sdiosal. Tzlajw cha, tz'em n̈ojn yaln sb'a 'a yojltac te'. Tzyamn 'och stew 'och 'a te 'ixtic: Coln 'eli, yujto in diosal ach, xchi win 'a te'.

Is 44:19

Matz cham wal snan junc cha, yuj cha, matz nachj yaln 'ixtic: A yet' sc'axpil jun te tic 'ix wa'ch in c'ac', 'ix uyb' 'elt woch 'a 'a. Xin b'oln pax 'elt in chib'j 'a 'a, xlajw cha, in wa'i. ¿Tom smoj wal tzin b'o junc yechl comn dios yajb'il 'el yet' jab'x sobrail jun te tic? ¿Tom smoj tzin 'em cumn waln in b'a 'a jab'x yib'te tic? tom xchi.

Jeremías 11:3

Tzal 'a eb' to an Jehová sDiosal in eb', an tzwala to catb'tzab'il eb' matz yiclni tas tzyal jun in trato tic.

Jeremías 11:5

Toto ax tic, 'oj eyiclc tas tzwal 'ayex, to 'ixta', 'oj wac' 'el'choc in ti wa'jnac 'a eb' e mam eyicham, yic tzwa'n jun e lu'um, atn lum caw 'ay syaxil sat 'aj 'ayx 'ec' ticnec, xchi Jehová, xa chi 'a eb', xchi 'ayin. Yuj cha, in ta'w 'ixtc 'a 'a: B'o cab' 'ixta Mamin Jehová, xin chi.

Jeremías 23:24

May xon junc lugar 'aj wach' e c'ub'n 'el e b'a 'a in sat. An tic, 'aynn̈ej 'ec' 'a satcha'an̈ yet' 'a sat lum tic.

Jeremías 28:6

—Yel toni, comnoc tzb'o Jehová jun cha. Comnoc wal tzb'o 'icha jun tzo'n̈ paxti tzal cha. Comnoc tzyijx meltzjoc jun tzo'n̈ syamc'ab'il yatut 'ijxnac 'at 'a Babilonia, yet' pax smasnil eb' 'anma yamchjnac can 'ati.

Ez 14:4

Al 'a eb' to an Jehová in, an tzwal 'ixtc 'a eb': Tzann̈j junc 'a eb' israel to tzyac' 'ejm sb'a 'a jun tzo'n̈ yechl comn dios, a maysch'olnil 'aj 'aych snab'en, tzlajw cha, tzcob' jawc sc'anb'c sb'a 'a junc in checab', an Jehová Yajl in, an tzwala to a yailal 'oj wac' spacc 'a junc 'anma cha, yujto niwn yechl sdiosal cha.

Ez 7:20

Yujto 'ay jun tzo'n̈ chi 'ay 'a eb', xlaj sb'an̈n sb'a eb' yet'oc, ax yet' jun tzo'n̈ chi sb'o eb' yechl jun tzo'n̈ comn dios yajb'entac. Yuj cha, 'icha xoj c'alem, 'ixta 'oj wutcan jun tzo'n̈ q'uen chi yil eb'.

Dn 11:31

Ax eb' soldado cha, caw 'oj yixtc 'el eb' jun scajnub' Dios, yet' jun tzo'n̈ cuartel jun yaj yet'oc. 'Oj yi'ch wan eb' yajx jun tzo'n̈ xajmb'al tz'ajx 'a junjn c'u. Ax tas yajb'il yuj Dios, a 'oj ya'ch eb' 'a yol scajnub' Dios cha, sec tzjuw 'el yu'uj.

Dn 9:11

An̈ tic on̈, xqui ten tas xyal a checnb'il, ma'ix qui chaj cab' tas xala. Yuj wal qui mul cha, xjaw jun tzo'n̈ yailal tic 'a quib'n̈ on̈, atn jun tzo'n̈ tz'ib'b'il can 'a ch'an̈ libro yuj a checb' Moisés.

Lv 19:4

An tzwala to man̈ eya'ch e nab'en 'a jun tzo'n̈ yechel, man̈ e b'o chan̈ q'uen q'uen e diosaloc.

Lv 26:1

'Ix yaln pax Jehová 'a Moisés 'ixtic: Man̈ e b'o jun tzo'n̈ yechl e diosaloc. Man̈ e lin̈chan̈ q'uen q'uen 'aj tzeyal e b'a 'a yol e chon̈ab'. Man̈ e jos q'uen q'uen 'aj tz'ib'x 'och yechl eb' comn dios, man̈ eyac' 'ejm e b'a 'a jun tzo'n̈ cha, yujto an Jehová in, e Diosal waji.

Nm 5:22

Atn wal jun yailal chi 'oj jawc 'a eb'an̈, yic 'oj o'nc 'ejm jun a a 'et'jnac yailal tic, 'oj schic win 'a 'ix. Ax sta'w 'ix 'ix chi 'ixtic: B'o cab' 'ixta', xchi 'ix.

Mt 24:15

Palta 'ay jun win yajb'il yuj Dios, a 'oj 'a'nc juwc 'el jun tzo'n̈ tas. A Daniel win schecb' Dios pecti', a aljnac can yuj jun cha. A mach tz'iln jun 'ab'x tic, nachj cab' 'el yu'uj. A yic 'oj eyilnc jun chi 'a yol yatut Dios,

Mt 6:13

Man̈ on̈ a cha 'ejmc yuj maysch'olnil on̈. Tzon̈ a coln can pax 'el 'a yol sc'ab' win syajlil maysch'olnil on̈. [Yujto smasnil tiempo cojn ach yajl ach. Caw niwn a poder, caw niwn el'chi. B'o cab' 'ixta', xe chi.]

1 Co 14:16

Q'uinloc 'ay junc ex ticnec, tzeyal wach' paxti 'a Dios 'a junc chuc ti'al. Toto 'ixta', an̈j yet' e pixn tzeyala. Ax eb' 'ayc' eyet'oc, matz nachj 'el yuj eb' tas chi tzeyala. Yuj cha, a yic tzeyaln yuj diosal 'a Dios, matz tac' jun tzleslwi eb' eyet'oc.

Dt 27:14

A eb' yin̈tl Leví, caw 'ip 'oj yal eb' jun tzo'n̈ paxti tic 'ixtc 'a eb' yit chon̈b' chi smasnil:

Dt 29:17

'Ay 'ajtil xlaj quilc jun tzo'n̈ yechl comn dios, jun tzo'n̈ to yajb'il yuj Jehová, atn jun tzo'n̈ b'ob'il yet' te te', yet' q'uen q'ue'en, yet' plata, yet' oro. Atn 'a jun tzo'n̈ chi tzyal sb'a eb' 'anma cajn ta'.

Dt 4:25

A yic 'ayx eyunnal, mto eyiechicn 'a sat lum lum 'aj 'oj e c'och cajn cha, 'ayt laj ex xeya'ch e b'a man̈ nab'enal, tze b'on junc yechl junc tas e diosaloc. Toto 'ixta tzeyutej, caw tz'och e mul 'a Jehová Dios, tzeyi'n cot yowl sc'ojl 'a eyib'an̈.

Dt 5:8

Man̈ e b'o yechl junc tas e diosaloc, wach'xam junc tas 'ay 'a satcha'an̈, mto junc tas 'ay 'a sat lu'um, mto junc tas 'ay 'a yojl a mar.

Dt 7:25

A sdiosal eb' 'anma cha, c'uxn tze n̈ustz'a'oc, palta man̈ eyi'cn q'uen oro yet' q'uen plata 'aych 'a 'a. Man̈ e nib'c' 'ochi. To ma'ay, a jun chi 'oj 'och e mulc 'a Jehová, ax e juw 'el yu'uj.

Jueces 17:4

A yic xya'n meltzjoc Micaía q'uen tumn chi 'a snun, ax snun chi 'ix a'n chab' ciente q'uen tumn 'a jun win b'om plata, yic tzb'on junc yechl to tzeyb'il, to tz'ajx 'och plata 'a 'a. Xlajw cha, x'ajx 'och 'a yol yatut Micaía.

A Ch'an̈ B'ab'el Libro Samuel 26:19

Tzin tew 'aych ach wajlil, to tza chaj ab' tas 'oj wal an a checb' in tic: Toto a Jehová ach 'a'n 'och 'ajc'ojlal 'ayin, comnoc tz'el 'a sc'ojl schan junc ofrenda; palta toto yicn̈ej 'anma jun tic, ya' cab' Jehová scatb' 'a yib'an̈. Yujto in spechl eb' 'a lum lum to yic Jehová yaji, 'icha to tzin spechcn 'at eb' wac' servil jun tzo'n̈ comn dios.