Dt 26:17 - Chuj San Sebastian Bible

¹⁷ A ticnec, tox 'ix eyala, to a Jehová qui Diosalec yaji. 'Ix eya'n e ti', to 'oj eyoch tza'n yu'uj. Ax eyiclni smasnil schecnb'il, scuynb'il yet' pax sley; yuj cha, yicljec 'a smasnil tiempo.

Chuj San Mateo Bible

¹⁷ Toxo ix eyal ticnaic to a Jehová e Diosal yaji. Ix eyac'an e ti' e c'anab'ajani, e b'eyb'alan schecnab'il, sc'ayb'ub'al yed' scachnab'il.

Dt 26:17 Iomraidhean Croise

Gn 28:21

toto wach' in c'ojol, ax in meltzj pax cot 'a yatut in mam, to 'ixta', a Jehová tz'och in Diosaloc.

2 Cr 34:31

'Ix 'och lin̈n win rey 'a stz'ey jun niwquil 'oy. 'Ix sb'on pax strato yet' Jehová, chajtlto 'oj syiclc sb'eylb'an schecnb'il Jehová, scuynb'il, yet' sley. 'Oj syiclc 'a smasnil sc'ojol, 'a smasnil snab'en, ax ya'n 'och 'a yopiso 'icha yaj stz'ib'x can jun trato chi 'a ch'an̈ libro cha.

Salmos 48:14

A sDiosal Sión, atn qui Diosalec 'a jun 'ejmn̈ej. A tzon̈ 'i'nec b'ey 'a smasnil tiempo, masnto 'a slajub'.

Ex 15:2

A jun b'it tic a 'a Jehová tzcalec, yujto a qui Colmalec yaji, 'a 'aych quipoc. 'Ijx cab' chan̈ sb'i qui Diosalec, alx cab' wach' paxti 'a 'a, atn sDiosal eb' qui mam quichmec.

Ex 19:8

'Ix ta'w eb' smasnil 'ixtic: —A smasnil tas tzyac' Jehová qui b'o', 'oj qui b'o 'on̈, xchi eb'. Xlajw cha, 'ix 'atx Moisés yal 'a Jehová yuj tas xyal eb' chon̈b' cha.

Ex 20:19

'Ix yaln eb' 'a Moisés 'ixtic: —Ach tzach paxtin cab' 'ayon̈, 'oj qui yiclc tas 'oj yal Dios 'ayach, man̈xoc cab' 'ayn̈ tzpaxtini, toto ma'ay, 'oj qui cham yu'uj, xchi eb' 'anma cha.

Ex 24:7

Xlajw cha, xyi'n chan̈ jun ch'an̈ un̈ 'aj tz'ib'b'il strato Dios, 'ix yawtn ch'an̈ 'a scal eb' yit israelal. Xlajw yawtx ch'an̈, xyaln eb' chon̈b' chi 'ixtic: —Smasnil tas xyal Jehová, tzca'ch 'a qui c'ojl qui yiclni, xchi eb'.

Is 12:2

Ach qui Diosal qui Colmal aji; tzach ca'ch yipc qui c'ojol, yuj cha, matz on̈ xiw on̈. A ticnec tzon̈ b'itn 'aych Mamin Jehová, yujto achn̈ej 'aych 'och quipc on̈, tzon̈ a coln paxi, 'oj e chioc.

Is 44:5

A 'a scal eb' chuc chon̈b'al, ata 'ay eb' 'oj alnc 'ixtic: An tic yic in Jehová, 'oj xchioc, ax junc xo 'oj alnoc chajtlto yin̈tl can Jacob. 'Ay pax junc 'oj yac' tz'ib'xoc 'och 'a sc'ab' 'ixtic: Yic in n̈ej Jehová, 'oj xchioc, ax ya'n 'och sb'i Israel sjolmoc sb'i, xchi Dios.

Zacarías 13:9

A eb' 'oj can cha, 'oj wac' yab' eb' syail yic tz'elcn smaysch'olnilal eb', 'icha tz'aj yel slumal q'uen plata 'a scal c'ac', 'icha pax tz'aj sb'o q'uen oro. 'Oj lajwc cha, ax yaln sb'a eb' 'ayin, ax in ta'w 'a eb'. 'Oj walch eb' in chon̈b'oc, ax yaln eb' 'ixtic: A Jehová, atn qui Diosalec, 'oj xchic eb', xchi Dios.

A Tas Sc'ulejnac Eb' Schecab' Jesús Hechos 27:23

Yujto a 'a 'ac'wl q'uiq'ui, 'ix wul sch'ox sb'a jun yángel Dios 'ayin. Atn Dios tzwac' servil, yujto yic in.

Ro 6:13

Matz tac' ca'nec 'och qui niwnal tic 'a yol sc'ab' maysch'olnil tzqui b'onec jun tzo'n̈ tu'al. Yowlal an̈j 'a yol sc'ab' Dios tzca'c 'och qui b'a, yujto chamnc on̈c xo 'a sat, on̈ pitzwec paxi. Yuj cha, caw ca'c 'och qui niwnal tic 'a yol sc'ab' Dios, sec wach' cojxn jun tzo'n̈ tas wach' tzqui b'oc yet'oc.

2 Co 8:5

Xqui na on̈, jantc tzyac' eb', palta yel xo wal niwn xyac' eb', yujto b'ab'l xyac' sb'a eb' 'a Cajlil. Xlajw cha, xya'n pax sb'a eb' 'ayn̈ on̈, 'icha tznib'j Dios.

Dt 13:18

Yiclum tzeyutj e b'a 'a Jehová qui Diosalec, wach' cab' tzeyutj e b'eylb'an jun tzo'n̈ checnb'il wan waln can 'ayx tic. A cab' tas tojl tze b'o 'a sat Jehová.

Dt 15:5

toto wach' 'oj eyutc eyiclni, mto e b'eylb'an jun tzo'n̈ schecnb'il Jehová wan waln can 'ayx tic.

Dt 27:10

Yuj cha, yowlal 'oj eyicloc, ax e b'eylb'an jun tzo'n̈ schecnb'il yet' scuynb'il tzwalcn 'ayx tic, xchi Moisés.

Dt 29:12

Ya' sb'a yamn cajec, wach' tzeya'cn e ti eyiclni strato Jehová Dios tzb'ocn quet' ticnec.

Dt 30:16

Yuj cha, tzwalcn 'ayx ticnec to tze chamc'ojlej Jehová qui Diosalec, tzex 'och tza'n yu'uj, tzeyiclni schecnb'il, yet' scuynb'il. Toto 'ixta', wach' 'oj eyaj e b'ey 'a swach'il. Caw 'oj niwtjoc e b'isul, ax ya'n Jehová syaxilal 'a eyib'n̈ 'a sat lum lum 'oj eyico'oc cha.

Josué 22:5

Cojn jun tas tzwal 'ayex, to tzeyicljn̈ej jun tzo'n̈ checnb'il, yet' jun tzo'n̈ ley xya'cn Moisés 'ayn̈ec, atn win schecb' Jehová. Tzyal 'el'chi, to caw tze chamc'ojlej Jehová qui Diosalec, b'eylb'ejc sb'eyb'al, tzeyiclni pax schecnb'il 'a smasnil e c'ojol, yet' wal 'a smasnil e nab'en, xchi 'a eb'.

Josué 24:22

—Ax tic, mun ax xeya'ch testigoal e b'a 'ayex, chajtlto tzchaj e c'ojl eya'n servil Jehová, xchi Josué. —An̈ ton xcal on̈, xchi eb'.