Dt 26:13 - Chuj San Sebastian Bible

¹³ tzeyaln junjn ex 'a yojltac Jehová Dios 'ixtic: Tox xin pojcn 'el 'a watut 'a tas ec yaj 'a smasnil tas xwij chan̈ 'a sat lum lu'um. Tox xin pojcn pax 'el yic eb' yin̈tl Leví, yic eb' chuc chon̈b'al 'ayc' 'a qui cal on̈, yic eb' meb'a 'unn chamnc smam, yet' yic eb' 'ix 'ix chamnc yichmil. Xin yiclj smasnil tas aljnac 'ayin, may junc a checnb'il tz'at satc'ojlal wu'uj, yic matz in yiclej.

Chuj San Mateo Bible

¹³ Junjunex tzeyal d'a yichan̈ Jehová co Diosal icha tic: Toxo ix vic'canel d'a in pat masanil tas to ic yaji, aton d'a tas ix vic' d'a in munlajel d'a sat lum luum tic. Toxo ix vic'paxel yic eb' levita yed' yic eb' ch'oc chon̈ab'il ayec' d'a co cal, eb' meb'a' unin yed' eb' ix ix chamnac yetb'eyum. Toxo ix in c'anab'ajej masanil tas ix ala', malaj junoc a checnab'il tic sb'at satc'olal vuuj. Malaj junoc to max in c'anab'ajej.

Dt 26:13 Iomraidhean Croise

Salmos 119:139

Caw tztac in c'ojl wiln 'och eb' 'ajc'ojl yajch 'ayin, yujto may yel'ch a paxti 'a eb'.

Salmos 119:141

'Emmquilal 'anma 'in, toc 'ay jac wel'chi, palta ma'ix wac' sat in c'ojl 'a a checnb'il.

Salmos 119:153

'Ilt in cot 'a scal in yailal, tzin a colni, yujto ma'ix wac' sat in c'ojl 'a jun tzo'n̈ a cuynb'il tic.

Salmos 119:176

In satc' 'icha tzyac' junc no calnelu tzsatq'ui, ach xo in a sayq'ui. In 'ilchj o'oj, yuj cha, matz wac' sat in c'ojl 'a jun tzo'n̈ a checnb'il tic.

Salmos 119:93

May b'a'n̈ 'oj sat in c'ojl 'a jun tzo'n̈ a checnb'il tic; yujn̈ej eb', 'ay in q'uinl o'oj.

Salmos 26:6

Mamin Jehová tzin b'icl in c'ab', yic tzin ch'oxn 'eli to may in mul, 'ixta to b'i'an ax in c'och 'a stz'ey yet'l a xajmb'al.

Pr 3:1

Ach wunnal, man̈ ac' sat a c'ojl 'a jun tzo'n̈ in cuynb'il tic, molcn jun tzo'n̈ in checnb'il tic 'a a nab'en,

A Tas Sc'ulejnac Eb' Schecab' Jesús Hechos 24:16

Yuj cha, caw tzwac' cuenta in b'a yet' in nab'en, sec matz 'och in mul 'a Dios, sec matz 'och pax in mul 'a eb' wit 'anma'il.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

2 Co 11:31

A Dios, atn Smam Cajlil Jesús, smasnil tiempo smoj tzalx wach' paxti 'a 'a. A 'ojtnac, chajtlto caw yel tzwala.

Dt 14:29

Sec a yic 'oj c'och eb' levita 'ayex, eb' may xon slum 'oj scha eyet'oc, mto eb' chuc chon̈b'al cajn 'a e cal, mto eb' meb'a 'unn chamnc smam, yet' eb' 'ix 'ix chamnc yichmil, atn jun tzo'n̈ e diesmo chi 'oj sc'ux eb', sec b'ut'n sc'ojl eb' eyet'oc. 'Ixta 'oj yutc Jehová qui Diosalec ya'n yaxilal 'a eyib'n̈ yet' tas tze b'o cha, xchi Moisés.

Dt 26:12

A 'a junjn yoxxil ab'il, tzeya'n sdiesmoal smasnil eyawb'en 'a eb' yin̈tl Leví, 'a eb' chuc chon̈b'al 'ayc' 'a e cal, 'a eb' meb'a 'unn chamnc smam, yet' 'a eb' 'ix 'ix chamnc yichmil, sec wach' 'ay tas tzc'ux eb' 'a yol e chon̈ab',

Dt 26:14

May jac tas xin c'ux 'a jun tzo'n̈ tic yic 'ayn 'och 'a cusc'ojlal yuj chamel, yet' 'a yic man̈ wach'c waj in sacb'tzan in b'a. May pax tas xwaltj 'a eb' chamnac. Ach Jehová in Diosal, xin yiclj smasnil tas 'ix ala.

1 Ts 2:10

Yic 'ayn̈ 'ec' ta 'on̈, caw wach' qui b'eyb'al on̈. Tojl cutjnac pax qui nab'en 'ayx ax creyente ex quet' on̈. May jac maysch'olnil 'ec' qui sayjnac ta 'on̈. Eyojtac to 'ixta 'ec' cutjnac qui b'a ta 'on̈. An̈jtona pax Dios, yojtac.