Dt 26:12 - Chuj San Sebastian Bible

¹² A 'a junjn yoxxil ab'il, tzeya'n sdiesmoal smasnil eyawb'en 'a eb' yin̈tl Leví, 'a eb' chuc chon̈b'al 'ayc' 'a e cal, 'a eb' meb'a 'unn chamnc smam, yet' 'a eb' 'ix 'ix chamnc yichmil, sec wach' 'ay tas tzc'ux eb' 'a yol e chon̈ab',

Chuj San Mateo Bible

¹² A d'a junjun yoxil ab'il, tzeyac'an sdiezmoal masanil tas tzeyic' d'a tastac tzeyavej. Tzeyac'an d'a eb' levita, d'a eb' ch'oc chon̈ab'il ayec' d'a e cal yed' d'a eb' meb'a' unin yed' eb' ix ix chamnac yetb'eyum, yic vach' ay tas sva eb' d'a e cal.

Dt 26:12 Iomraidhean Croise

Gn 47:24

A tzyal jantc tzeyij 'a lu'um, tzeyac' 'ixm yomacn̈il 'a win rey, ax 'ixm schan̈ macn̈il, ata 'oj 'eltoc 'ixm 'in̈t 'oj eyawoc, a pax 'ixm 'oj e wa yet' eyunnal yet' smasnil mach 'ayc' eyet'oc, xchi 'a eb'.

Gn 47:26

'Ixta xyutj José ya'n 'elt jun ley cha, to a yomacn̈il sat 'awb'en, yic win rey tz'aji. 'Ixta x'ajcn jun ley chi 'a smasnil yol yic Egipto. Cojn ewin ya'mal 'och sti eb' 'anma 'a sdiosal, matz yac' yu'm slum chi 'a win rey, yujto a slum ewinac, may xon 'aj 'ochnc lum yico'oc win rey cha.

Pr 14:21

Tz'och qui mulec toto tzqui patquiljec can 'el eb' quit 'anma'il, palta caw wach' quiquec, toto tz'o'ch qui c'ojlec 'a eb' meb'a'.

Lv 27:30

A slajn̈c'ajil sat 'awb'en tzyac' lum lu'um, a jun tzo'n̈ cha, wicn̈ej yaj an Jehová in.

Nm 18:24

Yujto yic eb' yaj smasnil sdiesmoal sat 'awb'en tzyac' eb' israel 'ayin, yuj cha, tzwaln cani to may yaln eb' yic schan slum 'a eb' yit israelal cha, xchi Dios.

Dt 16:14

A 'a jun q'uin̈ cha, ata tzeyac' tzaljoc e c'ojl yet' eb' eyunnal, eb' eyisil, ewin e moso, eb' 'ix eya'mal servil, eb' levita, eb' chuc chon̈b'al, eb' meb'a 'unn chamnc xo smam, yet' eb' 'ix 'ix chamnc yichmil cajn 'a yol e chon̈b' cha.

A Ch'an̈ Carta D'a Eb' Hebreo 7:5

Tzyal 'a ley yic Moisés, to a eb' ya'mal 'och sti eb' quit chon̈b'ec 'a Dios, atn eb' yin̈tl Leví, 'ay yopiso eb' sc'ann 'el sdiesmoal smasnil tas 'a eb' quit chon̈b'ec. Wach'xam yin̈tl Abraham eb' yet' eb', yowlal xyac' eb'.

A Ch'an̈ Carta D'a Eb' Hebreo 7:9

A win Leví, chajnac sdiesmo eb' quit chon̈b'ec pecti'. Palta tztac' calnec, to a 'a'jnac sdiesmo 'a win Melquisedec, yic ya'n Abraham yico'.