Dt 25:1 - Chuj San Sebastian Bible

¹ Toto 'ay chawn̈oc 'anma tzyac' owal, yowlal tz'at eb' sb'oyaj sb'a 'a sat eb' juez; a jun may smul cha, a tzcolchj cani, ax jun 'ay smul cha, tzcann̈j 'a yib'an̈.

Chuj San Mateo Bible

¹ Tato ay chavan̈oc anima syac' oval, yovalil sb'at eb' d'a yichan̈ eb' yajal, yic sb'o yaj yoval eb' chi'.

Dt 25:1 Iomraidhean Croise

A Ch'an̈ Schab'l Libro Samuel 23:3

A Jehová qui Diosalec an̈ israel on̈c tic, atn qui colmalec paxi, tox 'ix yal 'ayn 'ixtic: A mach 'ay wel'ch 'a 'a, tzya'n yajlil 'a scal 'anma 'a stojlal,

A Ch'an̈ B'ab'el Libro Yic Yab'ixal Eb' Rey 8:32

a 'a satcha'an̈, ata tza chaj ab' tas yaj jun cha, tza b'onyaj 'a stojlal; tza'n 'och yailal 'a yib'n̈ mach tz'och smul cha, tza b'onyaj pax mach may smul, a tzyal wal tas yilxi.

Ex 22:9

Q'uinloc 'ay mach tzyalch junc tas yico'oc, 'icha junc wacax, calnelu, b'uru, pichul mto junc xo tas tzsati, tzyaln jun chi yico'oc junc cha, a eb' chawn̈ cha, tz'ijx 'at eb' 'a sat eb' juez. A mach tz'a'n 'es, yowlal cha'ejm tzyutj sjeln jun chi 'a mach 'ay yico'.

Pr 17:15

Toto tz'ajx niwnc'ojlal mach 'ay smul, mto tz'ajx 'och yailal 'a yib'n̈ junc may smul, a wal chab' tic, caw wal matz nib'j Jehová.

Is 1:17

Cuyc e b'a e b'on swach'il, a cab' stojlal tze sayq'ui, colwjan̈c 'a eb' 'anma tz'ixtxi, b'oc yaj eb' meb'a 'unin, colwjan̈c 'a eb' 'ix 'ix chamnc yichmil, xchi Dios.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Is 11:4

'Oj sb'oyaj eb' meb'a 'a stojlal, 'oj colwjc yet' eb' 'anma 'emmquilal yeq'ui. Cojn ton̈j 'oj yala', ax yochcn syailal eb' tu tzlaj yutc sb'a. Cojn ton̈j 'oj yala', ax scham eb' tzb'on maysch'olnil.

Is 5:20

'Oltac wal eb' tzcob' alnoc to a tas tu', a chi tzyal eb' wach'il, ax tas wach', a chi tzyal eb' tu'al; a sacq'uinal, a chi q'uic'q'uinl 'a eb', ax q'uic'q'uinal, a chi sacq'uinl 'a eb'. A tas chi', 'icha to c'a tzyab' eb', ax tas c'a, a chi tzyal eb' chi'al.

Is 5:23

A eb' yajal, yuj tumin tzyaln eb' to a junc tz'och smul, may smul yaln eb', ax junc may smul cha, matz b'o yaj eb' 'a stojlal.

Lm 3:35

mto tz'ijx 'ec' junc tas 'a junc mach to a Dios 'a'jnac 'a 'a, atn jun Dios to Cojxn Niwn Yel'chi.

Lm 3:36

Caw man̈ wach'c tzyil Dios, toto matz b'eyc'ojlax eb' 'anma 'a stojlal.

Ez 44:24

An̈jtona', toto 'ay mach 'ay yowal, a eb' 'oj b'onc yaj jun owl cha, 'icha wal yaln sleyl 'aycn wu'uj. 'Oj syiclc eb' smasnil in checnb'il yic jun tzo'n̈ q'uin̈ wic yaji, yet' pax sleyl sc'ul 'iljelal.

Habacuc 1:13

Ach tic, caw wal matz chaj a c'ojl tas tu', matz a nib'j el jun tzo'n̈ qui maysch'olnilal an̈ 'anman̈ tic on̈. ¿Tas pax yuj ton̈j tzach 'och q'ueln 'a eb' 'anma maysch'olnil tic jun? 'In a eb' 'anma wach' to wal 'a yib'n̈ eb', 'a eb' wan satx 'el yuj eb'.

Habacuc 1:4

Man̈x 'a ley, man̈xtzac b'oyaj eb' 'anma 'a swach'il. A eb' wach' sb'eyb'al, caw tzcan eb' 'a yaln̈ yuj eb' tu sb'eyb'al. Tzjelmtej 'och eb' tojlal 'a maysch'olnilal, xin chi.

Malaquías 3:18

Atta 'oj nachjoc 'el eyuj ax tic, chajtlto chuc spac yic eb' wach' sb'eyb'al tzin 'a'n servil, chuc pax spac yic eb' maysch'olnil sb'eyb'al matz in 'a'n servil, xchi Dios.

Mt 3:10

A jun niwn yailal 'oj jawc cha, lajn 'icha junc winc lista yaj yet' sch'acb' 'a yich te 'awb'ente'. Jantcn̈ej te maysch'olnil sat tzyac'a, c'uxn tzu'l win smasnil, ax sjuln can 'at win 'a yib'n̈ c'ac'.

Dt 17:11

'Icha wal tzyutj eb' yaln cha, 'ixta tzeyutj eya'n 'ejm jun ley cha, may wal jac tze jel-l 'a 'a.

Dt 24:22

Nac coti, chajtlto an̈ec tic, on̈ 'e'c mosoal 'a Egipto; yuj cha, tzwaln can 'ayex, to tzeyiclj smasnil jun tzo'n̈ checnb'il tic.