Dt 24:1 - Chuj San Sebastian Bible

¹ Toto 'ay junc winc tznupn yet' junc 'ix 'ix, tzlajw cha, ax 'a spatquil xo, tzyiln sb'a winac, to 'ay tas palta 'a 'ix, yuj cha, man̈xtzac snib'j win tzcan 'ix yet'oc. Tzpojn sb'a win yet' 'ix, palta yowlal tzyac' win yun̈al yic pojjb'al 'a 'ix. Tzlajw cha, tzyi'n can 'elt win 'ix 'a yol yatut.

Chuj San Mateo Bible

¹ Tato ay junoc vin̈ vinac syic'laj sb'a yed' junoc ix ix, axo tz'ec' jab'oc tiempo, ay tas syab' vin̈ d'a spatic ix, man̈xalaj sgana vin̈ d'a ix, syal spucan sb'a eb', palta yovalil syac' yumal yic puclajb'ail vin̈ d'a ix, slajvi chi' tz'elta ix d'a yol spat vin̈ chi'.

Dt 24:1 Iomraidhean Croise

Ex 21:10

Toto a win spatron̈ 'ix chi tz'i'n yistziloc, ax tz'aji, tzyi'n pax win junc xo 'ix, matz tac' scann̈j 'ix b'ab'l chi 'ixta'. Yowlal tzyac' win tas tzc'ux 'ix, spichl 'ix, 'ay pax yaln 'ix yic 'a winac, yujto yichmil 'ix winac.

Is 50:1

A Jehová a tzaln 'ixtc 'a schon̈ab': Ex Israel, ¿tzam e na to an pechjnacx 'el 'icha junc winc tzpechl yistzil? Toto 'ixta' ¿'ajtil 'ay yun̈al pojjb'al 'a in cal eyet'oc? ¿Tzam e na'a to an tzex in chon̈b't yuj in b'oc yic tzex 'och mosoal? Ax tic yuj e mul eyijx 'at 'icha presoal, yuj e maysch'olnilal ex in pechn 'eli.

Jeremías 3:1

'Ix yaln pax Jehová 'ixtic: Q'uinloc 'ay junc winc tzpoj sb'a yet' yistzil, ax 'ix 'ix cha, tzyij 'ix junc xo winac. Tzlajw cha, tzpojn pax sb'a 'ix yet' junx win cha. Ax win yijnac 'ix 'a b'ab'l cha, man̈xtzac stac' yi'n sb'a win yet' 'ix. Toto tzyij sb'a eb' jun 'ejm xo, caw tzjuw 'el lum lum tic 'a in sat yuj jun cha. An Jehová in, an tzwala, to ax israel ex tic, 'in 'ixta xeyutj e b'a. In eyactjcani, ax 'a jun tzo'n̈ comn dios to chamc'ojlb'il eyu'uj, ata ex 'och tzac'an. Ax ticnec, tzcob' e nib'n tzex meltzj cot pax 'ayn jun 'ejm xo.

Jeremías 3:8

'Ix yil eb' 'aj Judá cha, chajtlto yuj yajmulal eb' israel xin pojn in b'a yet' eb', 'ix in pechn can 'el eb'. Palta an̈jtona pax eb' 'aj Judá cha, caw may jac xiwc'ojlal eb', locn eb' xb'on 'ajmulal chi jun xo.

Malaquías 2:16

A Jehová qui Diosalec tztac' yuj smasnil, an̈ israel on̈c tic, a tzaln 'ixtic: Caw tze tan̈wj wal e b'a, 'a'c 'el'choc e ti eya'jnac 'a eyistzil. Yujto an tic, caw tzin chacl eb' tzpoj sb'a yet' yistzil, caw wal tz'och e mul 'a eb' 'ix, toto 'ixta tzeyutj e b'a, xchi Dios.

Nm 5:12

Al jun tzo'n̈ tic 'a eb' et israelal: To an Jehová in, an tzwala, toto 'ay junc winc tzna'a, to tzmuln yistzil 'a yol sc'ab',

Nm 5:28

Palta toto may smul 'ix, may xon 'oj 'aj 'ix, 'oj stac' yaljn̈ej yune 'ix.

Mt 1:19

A José cha, caw tojl snab'en, palta ma'ix snib'j tzchecltej 'el 'ix 'a scal eb' 'anma'. Ton̈j snib'j tzsatcn 'ejm jun strato eb' chi 'a c'ultaquil.

Lc 16:18

Toto 'ay junc winc tzpoj sb'a yet' yistzil, tzyi'n win junc xo 'ix, a jun winc cha, tz'och 'ajmulal. Toto 'ay pax junc winc tz'i'n junc 'ix spojjnac sb'a yet' yichmil cha, tz'och pax win 'ajmulal.

Dt 21:15

Q'uinloc 'ay junc winc chawn̈ yistzil, palta jun wal 'ix tzchamc'ojlej winac, ax junc xo 'ix ma'ay. Toto tz'alj yune eb' 'ix schawn̈il, ax tz'aji a 'ix matz chamc'ojlej win cha, a 'ix tzb'ab'l 'alj yico',

Dt 22:13

Toto 'ay junc winc tzyij sb'a yet' junc 'ix 'ix, yic tz'och yistloc, palta ax yic tzlajw yi'n win 'ix, tzchacn sb'a win yet' 'ix, man̈x 'a schamc'ojlal win 'a 'ix,

Dt 22:19

Tzya'n eb' yac' win multa, jun ciente q'uen tumn plata tzyac' winac, ax q'uen tumn cha, a eb' smam 'ix chi tzchani, yujto tzyal winac, to 'ayx smul 'ix cob's 'ix cha. Man̈ yujoc cha, tztac' spojn sb'a win yet' 'ix, palta tzcann̈j pax 'ix yistloc winac, masnto chamel.

Dt 22:29

To 'ixta', a win winc cha, yowlal tzyac' win cincuenta q'uen tumn plata 'a smam snun 'ix cob's cha, yujto xyixtj 'el win 'ix. Yuj cha, yowlal tz'ochcn 'ix yistloc winac, matz tac' spojn sb'a win yet' 'ix masnto chamel.

Dt 24:2

A yic tox spoj sb'a 'ix yet' win cha, tztac' snupn pax 'ix yet' junc xo winac.

Dt 24:3

Palta toto a pax junx win cha, man̈xtzac snib'j win tzlaj sb'a yet' 'ix, tzya'n pax win yun̈al yic pojjb'al 'a 'ix, tzpechn 'el win 'ix 'a yol yatut, mto tzcham pax winac.