Dt 23:9 - Chuj San Sebastian Bible

⁹ A yic tzex 'och 'a owl yet' eb' 'ajc'ojl yajch 'ayex, yic tzex can 'a scal c'ultac, man̈ e b'o junc tas q'uixweltac yilxi.

Chuj San Mateo Bible

⁹ Ayic tzex b'at d'a oval yed' eb' eyajc'ool, ayic ayex ec' ta', man̈ e c'ulej tas chacb'ilel yuj Jehová.

Dt 23:9 Iomraidhean Croise

2 Cr 19:4

A Josafat cajn 'a Jerusalén, palta 'ay jun sb'eyb'al to tzxit'c 'at yil eb' schon̈ab'. Tzchaj 'at 'a Beerseba masnto 'a lum jolm witz 'a yol yic Efraín, yic tz'ijx meltzjc eb' 'a Jehová yu'uj, atn sDiosal eb' yet' smam yicham.

2 Cr 31:20

'Ixtnta xyutj Ezequías sb'on jun tzo'n̈ tic 'a smasnil yol yic Judá. A smasnil jun tzo'n̈ sb'o cha, caw wal wach', wal yel caw tojl 'a sat Jehová sDiosal.

Is 56:3

Toto 'ay junc chuc chon̈b'al tznib'j tzya'ch sb'a 'a yol sc'ab' Jehová, comnoc matz yal 'ixtic: An tic, matz in schaj 'och Jehová 'a scal eb' schon̈ab', man̈ cab' xchioc. An̈jtona junc mach 'ic'b'il 'el yitb'eym swincal yuj eb' yit 'anma'il, comnoc matz yal 'ixtic: An tic, man̈x 'a wopiso, lajn in xoj 'icha junc te te tacn̈ xo, man̈ schioc.

Lc 3:14

'Ay pax jaywn̈ eb' soldado xc'och c'anb'noc 'a 'ixtic: —An̈ xo tic on̈, ¿tas tzcutj qui b'eyb'al on̈? xchi eb' 'a 'a. —Man̈ e xib'tc eb' 'anma', man̈ eya'ch 'es 'a yib'n̈ eb', yic tzeyi'n 'ec' tas 'a eb'. Colb'iln̈ej cab' tze chaj e tojol, xchi 'a eb'.

Dt 23:10

Toto 'ay junc mach 'a e cal, tztob' yin̈til yic waynac, yowlal tz'elcn jun chi 'a spatc 'el camplamento 'a jun c'u cha.

Dt 23:8

A eb' yoxc'ajil yin̈tl eb' chi tz'alj 'a e cal, 'ayx yaln eb' yic 'a scal eb' schon̈b' Jehová.

Josué 6:18

Ax xo tic, tzeyil wal e b'a, man̈ e comn 'i'c junc tas 'ay 'a eb' 'anma tzsatl cha, yujto a jun tzo'n̈ cha, to tzsatl smasnil, man̈ e nib'c 'ochi. Toto 'ay tas 'oj eyic' 'a jun tzo'n̈ 'anma tzsatl cha, 'oj eyi' cot catb' 'a quib'n̈ec. Eyu'uj ax qui lajwec 'el qui masnil.

Jueces 20:26

Xlajw cha, ax eb' soldado israel smasnil, yet' smasnil eb' chon̈ab', 'ix 'atx eb' 'a scajnub' Dios 'a Bet-el. 'Ix 'oc' eb' 'a yojltac Jehová 'a smasnil c'u masnto xq'uic'b'i. May jac tas sc'ux eb', 'ix ya'n eb' xajmb'al tz'a'i, yet' xajmb'al yic junc'ojlal.