Dt 23:5 - Chuj San Sebastian Bible

⁵ Palta ax Jehová qui Diosalec, ma'ix schaj yab' tas 'ix yal Balaam. A scatb' cha, 'ix meltzj 'och qui wach'loquec yuj Jehová, yujto caw 'ay schamc'ojlal 'ayn̈ec.

Chuj San Mateo Bible

⁵ Axo Jehová co Diosal, maj schalaj yab' tas ix yal vin̈aj Balaam chi', yuj chi' a catab' ijan ix yalcan vin̈ chi' d'a quib'an̈, vach' lolonel ix aj yalancan vin̈, yujto te xajan on̈ yuj Jehová co Diosal.

Dt 23:5 Iomraidhean Croise

A Ch'an̈ Schab'l Libro Samuel 16:12

Lemb'il 'oj in yil cot Jehová yet' in cusc'ojlal tic, ax 'oj 'ajoc, to 'oj yac' swach'c'ojlal 'a wib'n̈ yuj tas tzalx 'ayn tic, xchi.

Nehemías 13:2

yujto may tas 'ix yac' eb' c'uxxoc, ma'ix yac' eb' 'u'xoc yal yuj eb' quit israelal. A yic eb' to 'ix yac' eb' tumn 'a Balaam yic tzcatb'tzax can eb' yu'uj. (Palta ax qui Diosalec, a 'ix 'a'n meltzjoc 'och jun catb' chi 'a wach' paxti'al).

Salmos 73:1

Caw yel wach' snab'en Dios 'a 'ayn̈ an̈ israel on̈c tic, yet' 'a eb' to tojl yaj snab'en.

Pr 26:2

A junc catb' paxti tzalx 'a to may yu'uj, matz 'och yopiso. Lajn 'icha wal junc no tz'unun ton̈j tzjen̈n 'eq'ui, mto 'icha junc no pechul matz 'och wa'an.

Jeremías 31:3

A 'a yaln̈taxi 'ix in ch'ox in b'a 'ayex, 'ix waln 'ixtic: Ex israel, chamc'ojlb'ilx wuj 'a smasnil tiempo, yuj cha, caw tz'o'chn̈ej in c'ojl 'ayex.

Ez 16:8

In 'ec' pax 'a stz'ey jun 'ejm xo, xwilni to stiempoal xo yoch 'a nupnel. Yuj cha, ax in potil, a xin potb't 'a yib'an̈, 'ixta x'aj yoch spichul, 'ix macchj 'el sq'uixwelal. 'Ix wa'n in trato yet'oc to tzwique'ej an Jehová in.

Miqueas 6:5

Ex in chon̈ab', nac cot tas snajnac win Balac sreyl Moab 'a yib'n̈ eb' e mam eyichm cha, yet' pax tas yutjnac spacn win Balaam yunnal Beor. Nac cot paxi, tas 'ajnc yec' eb' 'a snan̈l Sitim yet' Gilgal, tze nan coti tas wutjnac in coln eb' an Jehová in tic, xchi Dios.

Malaquías 1:2

A Jehová a tzaln 'ixtc 'a chon̈b' Israel: An tic, caw tzex in chamc'ojlej. Palta ax xo tic', 'in 'ixtc wal tzeyutj ta'wc e b'a 'ayin: ¿Tas wal tzcutj cojcan 'eli, toto tzon̈ a chamc'ojlej? xe chi. An Jehová in, an tzwal 'ixtc 'ayex: Wach'xam yu'tac sb'a Esaú yet' Jacob, palta an xin chamc'ojlej Jacob,

Nm 22:35

Palta 'ix ta'w jun yángel Jehová chi 'ixtc 'a Balaam: —Tztac' cab' a 'at yet' jun tzo'n̈ 'anma tic, palta cojn tas 'oj wac' ala', a chi 'oj ala', xchi. Yuj cha, 'ix 'at Balaam yet' eb' schecb' win Balac cha.

Nm 22:5

Yuj cha, 'ix 'at ya'nc win Balac cot jun win 'ay tas tztac' yu'uj, atn Balaam, win yunnal Beor. Ata cajn win 'a jun lugar tzcuch Petor, 'a sla'nil sti a Éufrates 'a yol smacb'en Amav. 'Ix ya'n 'at Balac jun tzo'n̈ schecb' 'a Balaam cha, yic tz'at yalnc eb' 'a 'ixtic: A 'a Egipto, ata 'ix cot jun chon̈b'al eb' 'anma', ax ticnec 'ix b'ut'j 'ejm eb' 'a sat in lu'um, 'ix jaw eb' 'a in tz'ey.

Nm 24:9

Lajn 'icha junc no león pun̈n 'ejm swayi: Toc 'ay mach tztac' stzuntzni. Alx cab' wach' paxti 'a yib'n̈ mach tzaln wach' paxti 'a eb' israel, ax mach tzaln tu paxti 'a yib'n̈ eb', catb'tzax cab' cani, xchi Balaam.

Ro 11:28

A eb' wit israelal cha, 'ajc'ojl yajch eb' 'a Dios, yujto matz ya'ch eb' sc'ojl 'a jun wach' 'ab'x yic colnb'il. 'Ixta tz'aj eb', sec ax xo tztac' e colchji. Palta an̈ja schamc'ojlan Dios eb', yujto a si'jnac can 'el smam yichm eb'.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

2 Co 4:17

A jun tzo'n̈ tas tzjaw 'a quib'n̈ on̈, may jac yel'ch 'a qui sat on̈, 'e'lb'an̈j yeq'ui. Palta yu'uj, 'oj qui cha jun caw niwn yel'ch on̈. A jun cha, man̈ jantcoc swach'il, 'ayc'n̈ej 'a jun 'ejmn̈ej.

Dt 2:29

'icha on̈ yutj eb' yin̈tl Esaú on̈ schan 'e't 'a sat slu'um, atn eb' cajn 'a lum Seír, yet' eb' moabita cajn 'a lum Ar. 'Ixtan̈ej 'oj caj qui b'ey'ti, masnto 'oj que'cn 'a yojl a Jordán, ax qui c'och 'a lum lum tzyac' Jehová qui Diosal quico'oc on̈, xin chi 'a 'a.

Dt 33:3

A Jehová caw 'ay schamc'ojlal 'a eb' schon̈ab', a eb' yicxo yaji, 'ayc' eb' 'a yol sc'ab'. A eb' cha, tz'och eb' 'emmquilal 'a 'a, tzyiclni pax eb' schecnb'il.

Dt 4:37

A eb' qui mam quichmec 'a pecti', caw chamc'ojlb'il eb' yu'uj. Yuj cha, on̈ si'nec 'elt an̈ec yin̈tl on̈ec eb' tic, on̈ scolnec pax 'elt 'a Egipto yet' spoder.

Josué 24:10

Palta an xo, ma'ex wac' scatb'tzoc can Balaam cha, palta to 'ix yalcn wach' paxti 'a eyib'an̈. 'Ixta wal ex wutj ex in coln can 'eli.