Dt 23:18 - Chuj San Sebastian Bible

¹⁸ A q'uen tumn tzchaj eb' 'ix, mto eb' winc 'a spatquil yajmulal, man̈ e cha yac' eb' q'uen 'a junc 'aj ya'jnac eb' sti ya'n 'a Jehová Dios, yujto a jun b'eyb'al cha, caw yajb'il 'el yuj Dios.

Chuj San Mateo Bible

¹⁸ A q'uen tumin syac' ganar junoc ix ix, ma junoc vin̈ vinac d'a spatic yajmulal, man̈ e cha yac' q'uen eb' b'aj syac' sti' yac'an d'a Jehová, yujto a jun b'eyb'al chi' te chacb'ilel yuuj.

Dt 23:18 Iomraidhean Croise

A Ch'an̈ B'ab'el Libro Yic Yab'ixal Eb' Rey 14:24

'Ay pax eb' winc tzb'on 'ajmulal yet' eb' yit wincal yic tz'och eb' 'emmquilal 'a sdiosal. Tzb'on pax eb' jun tzo'n̈ 'ajmulal to caw yajb'entac, 'icha sb'ojnac jun tzo'n̈ nacion̈ yijnac 'el Jehová 'a 'aj c'ochnc eb'.

Salmos 22:16

'Ay nan̈l eb' 'anma maysch'olnil, 'ix 'och oyn eb' 'ayn 'icha no tz'i', 'ix yoln eb' in c'ab' yet' pax woc.

Pr 26:11

'Icha no tz'i tzxeji, tzcha le'n pax no xej cha, 'ixta eb' may snab'en, tzcha meltzj can pax 'at eb' 'a stu nab'enal.

Is 61:8

A Jehová a tzaln 'ixtic: A tojlal a chi tzin nib'ej, chacb'il 'el eb' 'elc'm wu'uj yet' eb' milm cham 'anma'. Caw yel 'oj wac' 'el'choc tas tzwala, to 'oj wac' spac eyico', ax in b'on pax in trato eyet' 'a jun 'ejmn̈ej.

Ez 16:33

A eb' 'ix 'ajmul 'ix, tzchaj eb' 'ix stojol, palta ax jun cha, a tztojn eb' winc tzmuln yet'oc, sec tzann̈j 'aj tzlaj cot eb', tzc'och eb' mulnc yet'oc.

Lv 18:22

May cab' mach tzb'on 'ajmulal yet' yit wincal, 'icha tzb'o yet' 'ix 'ix. A jun cha, caw wal yajb'entac.

Lv 19:29

Man̈ eyixtc 'el eyisil yic tzeya'n sb'o eb' 'ajmulal 'a yatutal jun tzo'n̈ comn dios. Toto ma'ay, 'oj juwc 'el e chon̈b' yuj jun tzo'n̈ comn dios yet' pax yuj 'ajmulal.

Lv 20:13

Toto 'ay junc winc tzb'on 'ajmulal yet' yit wincal, 'icha tzyutj sb'a yet' junc 'ix 'ix, yowlal tzcham eb' schawn̈il. Mun a eb' tzyij cot chaml 'a yib'an̈, yujto a tas tzb'o eb' cha, yel xo yajb'entac.

Lv 7:16

Palta toto a junc xajmb'al cha, tz'ajx yuj ya'n 'el'choc junc mach sti', mto ton̈j tz'el 'a sc'ojl tzyac'a, a jun tzo'n̈ cha, tztac' schix to 'a junx c'u.

Miqueas 1:7

Caw choc' 'oj wutc can jun tzo'n̈ yechel, c'uxn 'oj in satl jun tzo'n̈ comn dios cha. Smasnil jun tzo'n̈ yelwnub'l yol yet'l eb' comn dios cha, 'oj in n̈uscn tz'a'oc. Yujto a yet' q'uen tumn yic 'ajmulal 'ajxnac b'o'oc, yuj cha, a jantc to ma'oj tz'a'oc, 'oj c'anxoc pax jun 'ejm xo 'a 'ajmulal, xchi Dios.

Habacuc 1:13

Ach tic, caw wal matz chaj a c'ojl tas tu', matz a nib'j el jun tzo'n̈ qui maysch'olnilal an̈ 'anman̈ tic on̈. ¿Tas pax yuj ton̈j tzach 'och q'ueln 'a eb' 'anma maysch'olnil tic jun? 'In a eb' 'anma wach' to wal 'a yib'n̈ eb', 'a eb' wan satx 'el yuj eb'.

Malaquías 1:14

An tic Rey in niwn wel'chi, smoj xiw smasnil nacion̈ 'ayin. A eb' tzta'wj sti ya'n junc scalnelu xajmb'al-l 'ayin, no may spaltail, ax tz'aji, tzjeln eb', ax junc no 'ay spaltail tzyac' eb' 'ayin, a jun tzb'o eb' cha, caw wal catb'tzab'il, xchi Jehová tztac' yuj smasnil.

Mt 7:6

A spaxti Dios, yicn̈ej yaji, lajn 'icha jun tzo'n̈ q'uen ton̈ perla sb'i, caw chan̈ stojol. Yuj cha, matz tac' ca'nec 'a eb' toxn may jac yel'ch Dios 'a sat. Yujto 'a eb' cha, lajn eb' 'icha jun tzo'n̈ tz'i tzcot 'ayon̈, tzon̈ schini. 'Ay pax eb' lajn 'icha jun tzo'n̈ no chitam, ton̈j tztec' 'ejm tas tzcac' 'a 'a.

Dt 12:6

A 'a jun lugar cha, ata 'oj 'at e n̈ustz'a e xajmb'al, atn no noc' caw wach' 'a sat Jehová. Tzeyij 'at e diesmo, e colwal to ta'wb'il eyu'uj, yet' eyofrenda ton̈j tz'el 'a e c'ojl eya'ni. An̈jtona pax no sb'ab'l 'une e wacax yet' e calnelu, yowlal tzeyij 'at 'a jun lugar cha.

Dt 22:21

to 'ixta', tz'ijx 'at 'ix 'a sti 'el yatut smam cha, ax eb' winc smasnil 'a jun chon̈b' cha, a eb' tzjuln cham 'ix yet' q'uen q'ue'en, yujto sb'o 'ix jun niwquil mul 'a scal eb' quit chon̈ab', tzyi'n pax 'el 'ix sq'uixwel smam. 'Ixta wal tz'aj satl jun maysch'olnil 'a e cal.

Dt 23:21

A yic tzeya'n e ti eya'n junc tas 'a Jehová Dios, matz 'ec' cab' tiempo eya'ni. Toto ma'ay 'oj sc'anb'c 'ayex, ax yoch jun chi e muloc.

A Scarta San Pablo D'a Eb' Aj Filipos 3:2

Caw tzeyil wal e b'a 'a jun tzo'n̈ eb' 'anma tu snab'en. Caw maysch'olnil tzyutj sb'a eb', yujto tznib'j eb' tzpol-l jac stz'umal e niwnal. A sb'eyb'al eb' cha, lajn 'icha no tz'i', caw yajb'entac tzyutj sb'a eb'.

A Schab'il Carta San Pedro 2:22

'Ay jun paxti yel, a tzaln 'ixtic: A no tz'i', tzlajw xej no', tzle'n pax no xej chi jun 'ejm xo. Yet' no chitam, tzlajwn̈ej sb'icx no', tz'atx no 'a scal b'i'ch muc'uc, tzb'alb'i'chan pax sb'a no', xchi. 'Icha e no cha, 'ixta eb' tic, yujto tzya'x 'at sb'a eb' 'a scal maysch'olnil jun 'ejm xo.

Apoc 22:15

Palta 'ay pax jun tzo'n̈ eb' ma'oj stac' yochi. Atn eb' tu snab'en, 'icha junc tz'i', yet' eb' 'ajchum, eb' tzb'on 'ajmulal, eb' milm cham 'anma', eb' tzyal sb'a 'a jun tzo'n̈ yechl tzalx 'och diosal, yet' jantcn̈ej eb' 'aych snab'en 'a jun tzo'n̈ 'es, tzlaj yalnc pax eb' 'es cha. Atn eb' tic, ma'oj stac' yochi.