Dt 23:17 - Chuj San Sebastian Bible

¹⁷ May cab' junc winac, mto junc 'ix quit chon̈b'ec tzya'ch sb'a 'ajmulal, yuj ya'n 'och sb'a 'emmquilal 'a jun tzo'n̈ comn dios.

Chuj San Mateo Bible

¹⁷ Malajocab' junoc vin̈ vinac, ma junoc ix ix d'a co cal syac'och sb'a ajmulal yic tz'och ejmelal d'a juntzan̈ comon dios.

Dt 23:17 Iomraidhean Croise

A Ch'an̈ B'ab'el Libro Yic Yab'ixal Eb' Rey 14:24

'Ay pax eb' winc tzb'on 'ajmulal yet' eb' yit wincal yic tz'och eb' 'emmquilal 'a sdiosal. Tzb'on pax eb' jun tzo'n̈ 'ajmulal to caw yajb'entac, 'icha sb'ojnac jun tzo'n̈ nacion̈ yijnac 'el Jehová 'a 'aj c'ochnc eb'.

A Ch'an̈ B'ab'el Libro Yic Yab'ixal Eb' Rey 15:12

'Ix spechl win smasnil eb' winc tzb'on 'ajmulal yet' yit wincal 'a yol nacion̈ cha, 'ix yi'n 'el smasnil jun tzo'n̈ yechl comn dios b'ob'il yuj smam 'icham.

A Ch'an̈ B'ab'el Libro Yic Yab'ixal Eb' Rey 22:46

Spechl win ewin winc tzb'on 'ajmulal yet' yit wincal 'a yol smacb'en cha, atn ewin cannc to yuj win Asa smam Josafat chi 'a yic ya'n win reyal.

A Ch'an̈ Schab'il Libro Yic Yab'ixal Eb' Rey 23:7

An̈jtona', 'ix sma'n 'ejm lan̈chjoc yet'l yic 'ajmulal, atn 'aj smuln eb' winac, jun 'aych 'a yol yatut Jehová. A pax ta tzjal eb' 'ix 'ix te pichl yic jun comn dios tzcuch Asera.

Job 36:14

Caw quelmtac winc eb', tzlaj cham eb', q'uixweltac tz'aj eb' slajw 'eli.

Pr 2:16

Toto tza b'eylb'ej jelnal yet' wach' nab'enal, caw 'oj ach scol-l 'a yol sc'ab' 'ix 'ix 'ay yichmil, atn 'ix 'ajmul 'ix tzach montn yet' jun tzo'n̈ spaxti caw wal wach'.

Os 4:14

Palta ma'oj wac' syailal eb' 'islab'il yet' eb' 'ix 'alb'al chi yuj yajmulal cha, yujto a eb' winc chi tzch'oxn yil eb'; tzyac' ewin xajmb'al yet' eb' 'ix tzb'eylb'an 'ajmulal. Yuj cha, a jun chon̈b' may snab'en tic, 'oj juwc 'eli.

Lv 19:29

Man̈ eyixtc 'el eyisil yic tzeya'n sb'o eb' 'ajmulal 'a yatutal jun tzo'n̈ comn dios. Toto ma'ay, 'oj juwc 'el e chon̈b' yuj jun tzo'n̈ comn dios yet' pax yuj 'ajmulal.

1 Co 6:9

¿Tom mant eyojcoc, to a eb' man̈ tojloc tzyutj sb'a, may yaln eb' yic sc'och 'a yol sc'ab' Dios? Caw man̈ e cha 'ixtxoc paxti e b'a. Yujto a eb' 'oj wal tic, may xon jac yaln eb' yic sc'och 'a yol sc'ab' Dios. A eb' mant 'a yistzil tzcomn b'on 'ajmulal, yet' eb' tzyal sb'a 'a jun tzo'n̈ tzalx 'och diosal, eb' 'ayx yistzil tzb'on 'ajmulal, eb' tzyixtj sb'a yet' eb' yit wincal.

Dt 22:21

to 'ixta', tz'ijx 'at 'ix 'a sti 'el yatut smam cha, ax eb' winc smasnil 'a jun chon̈b' cha, a eb' tzjuln cham 'ix yet' q'uen q'ue'en, yujto sb'o 'ix jun niwquil mul 'a scal eb' quit chon̈ab', tzyi'n pax 'el 'ix sq'uixwel smam. 'Ixta wal tz'aj satl jun maysch'olnil 'a e cal.

Dt 22:29

To 'ixta', a win winc cha, yowlal tzyac' win cincuenta q'uen tumn plata 'a smam snun 'ix cob's cha, yujto xyixtj 'el win 'ix. Yuj cha, yowlal tz'ochcn 'ix yistloc winac, matz tac' spojn sb'a win yet' 'ix masnto chamel.

1 Ti 1:10

eb' tzb'on 'ajmulal, eb' winc tzyixtj sb'a yet' yit wincal, eb' 'elc'm 'anma', eb' 'a'm 'es, yet' eb' tz'a'n 'och 'es 'a yib'n̈ eb' yit 'anma'il. An̈jtona', yet' eb' tzchichn 'och 'a jun cuynb'il caw yel. Yuj eb' x'ajx can jun ley cha.

Jueces 19:22

Wanto wal stzalj eb' cha, 'ix jaw jun tzo'n̈ ewin 'aj chon̈b' cha, caw maysch'olnil snab'en ewinac. 'Ix 'och oyn eb' 'a spatquil te n̈a cha, syamn 'och eb' sma'n poj spuertail te'. 'Ix yaln eb' 'ixtc 'a win 'ichm winc 'ay yic te n̈a cha: —'Ac' 'elt win 'ayc' ula'il chi 'ayach. Tzqui nib'j tzquixtej, xchi ewinac.