Dt 22:9 - Chuj San Sebastian Bible

⁹ Man̈ eyawc junc xo tas 'a scal eyawb'en uva, yujto 'ay smay yajx yowlal 'ayex, ax tz'aji man̈x 'oj 'ajxoc e c'ux jun tzo'n̈ cha.

Chuj San Mateo Bible

⁹ Man̈ eyavej juntzan̈ocxo tas d'a scal b'aj avab'il eyuva, talaj tz'ac'ji yovalil d'ayex, axo tz'aji malaj junoc macan̈ schaji e lo sat.

Dt 22:9 Iomraidhean Croise

Lv 19:19

Yicljec jun tzo'n̈ in checnb'il tic. Man̈ e cha tajnoc no e cajb'en noc' yet' junc xo no chuc noc'al. Man̈ e calc eyin̈t tzeyawj 'a lum lu'um. Man̈ eya'ch te pichl chucchc yilx sch'alil.

Mt 6:24

May junc mach tztac' ya'n servil chawn̈oc spatron̈, yujto 'ay jun 'aj 'oj chichnc 'ochi, ax jun 'oj schamc'ojloc, mto 'ay junc 'aj 'oj ya'ch snab'en, ax junc may yel'ch 'a sat. Yuj cha, matz tac' ca'nec servil Dios, tzca'nec pax 'och qui nab'en 'a q'uen tumin.

Mt 9:16

Q'uinloc 'ay junc 'ichm pichl tzolchji, ¿tom 'ay junc mach tz'a'n 'och junc 'a't nip sniploc? Yujto a jun 'a't nip cha, caw tzpotzi, tzwach' to'n jat jun 'ichm pichl cha.

Ro 11:6

Yuj wal swach'c'ojlal cha, si'n can 'el eb', man̈ yujoc junc tas tzb'o eb'. Q'uinloc yuj tas tzb'o eb', si'n 'el eb', to 'ixta', man̈ yujoc swach'c'ojlal Dios tzcolchj eb'.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

2 Co 11:3

Palta tzin xiwi, toq'ue 'icha 'ajnc 'ix Eva yixtx paxti yuj sjelnal jun ya'jnac 'och sb'a chanil, toq'ue 'ixta tzex 'aj eyixtx paxti jun xo. Lemb'il yuj cha, ax eyi'n 'el e nab'en 'a Cristo. Lemb'il man̈x tojloc 'oj eyutc e b'a 'icha tznib'ej.

Dt 22:8

Toto 'ayx tze b'o junc eyatut pan̈n tz'aj yib'an̈, yowlal tzeya'ch smuroal sti 'eli, sec may junc eb' tz'ajx 'och 'a eyib'an̈, toq'ue 'ay junc 'anma tztelwi, mto tzchami.

Santiago 3:10

Junn̈j qui ti tzqui c'anlb'ej caln wach' paxti 'a Dios, tzqui c'anlb'an pax 'a maysch'olnil. Palta ex wu'tac, ex wanab', caw man̈ smojc qui b'onec 'ixta'.