Dt 22:8 - Chuj San Sebastian Bible

⁸ Toto 'ayx tze b'o junc eyatut pan̈n tz'aj yib'an̈, yowlal tzeya'ch smuroal sti 'eli, sec may junc eb' tz'ajx 'och 'a eyib'an̈, toq'ue 'ay junc 'anma tztelwi, mto tzchami.

Chuj San Mateo Bible

⁸ Tato ay junoc ex tze b'oq'ue junoc e pat, pan̈an tz'aj yib'an̈, tzeyaq'uec' oyan stitac d'a yib'an̈ chi' yic vach' malaj mach scot sutnajoc, schami, yic max cot d'a eyib'an̈.

Dt 22:8 Iomraidhean Croise

A Ch'an̈ Schab'l Libro Samuel 11:2

Ax x'aji 'ay jun yemc'ual, 'ix q'ue wan David chi 'a sat sch'at, 'ix q'ue 'a span̈nil yib'n̈ sdespacho b'eyc'oc. Axta 'ix yil sb'a 'a jun 'ix 'ix wan yachni yic tzsacb'tzan sb'a 'ix. Caw wal wach' yilx 'ix. Yajn̈j cha, 'ix ya'n David c'anb'xoc mach jun 'ix cha. 'Ix alx 'a 'a, to a 'ix Betsabé yisl win Eliam, 'ix yistzil win Urías hitita. 'Ix ya'n 'at David chi schecb' 'a 'ix yic tzcot 'ix ta'wc 'a winac. Ax yic xjaw 'ix, xway win yet' 'ix. 'Ix paxx 'ix 'a yatut.

Ex 22:6

Q'uinloc 'ay mach tzcomn 'a'n 'och c'ac' 'a sat slum junc xo mach, mto tz'ec' c'ac' yu'uj, ax tz'aji tz'a nan̈loc smunljel junc xo mach yu'uj. A jun tz'a'n 'ec' c'ac' cha, yowlal tztoj smasnil tas chi tz'a yuj cha.

Is 22:1

Yuj lum pan̈n 'aj tzch'oxx 'ilxoc jun tzo'n̈ tas 'a 'icha waychil, yuj cha, yalx can jun tzo'n̈ tic 'ixtic: Ex 'aj Jerusalén, ¿tas tzex 'i'ni, yuj cha, e masnil xoj tzex q'ue 'a yib'n̈ eyatut?

Jeremías 19:13

Smasnil n̈a 'a Jerusalén tic, yet' sdespacho eb' sreyl Judá, yet' pax span̈nil yib'n̈ n̈a 'a 'aj tz'ajx tz'a incienso 'a smasnil jun tzo'n̈ c'anal 'ay 'a satcha'an̈, yet' 'a 'aj tzeyac' 'ejm yal uva tzeyac' ofrendail 'a jun tzo'n̈ chuc diosal. Smasnil jun tzo'n̈ cha, yajb'entac 'oj 'ajcni, lajn 'oj 'ajcn 'icha Tofet, xchi Dios.

Ez 3:18

A yic 'oj walnc 'a junc maysch'olnil snab'en 'ixtic: Wal yel 'oj a cham yuj a mul, 'oj in chic 'a 'a. Ach xo tic, toto ma'oj al yab'i', to tzyactj can stu b'eyb'al cha, sec tzyil jacx tiempo, a jun cha 'oj cham xon yuj smul cha, palta a schamlil cha, eb'n̈ tzcan wu'uj.

Ez 3:20

An̈jtona', toto 'ay junc mach wach' xon sb'eyb'al, ax tz'aji tzjun 'el sb'eyb'al cha, an xo 'oj wa'ch syailal. Toto ach tic, ma'oj ac' sna sb'a yuj smul ax schami, a smasnil tas wach' xcob' sb'o 'a yaln̈tax cha, man̈x 'a yel'chi. Ax schamlil cha, eb'n̈ 'oj can wu'uj.

Mt 10:27

A jun tzo'n̈ tas tzwal 'ayx 'a c'ultaquil, c'uxn tzeyal-l 'a eb' 'anma'. Yet' jun tzo'n̈ xo tas tzlaj in c'ultac alc 'a e chiquin, c'uxn tzlaj eyal-l 'a yoltc caye.

Mr 2:4

Palta matz tac' yochch eb' 'a 'aj 'ayq'ui, yujto til wal 'anma'. Yuj cha, xq'ue eb' 'a span̈nil yib'n̈ jun n̈a cha, axta xyol eb' jun oln 'a stojlal 'aj 'ayc' Jesús. Xlajw cha, xya'n 'emt t'un̈n̈oc eb' win sicb'nac 'el chi yet' swaynub', 'ix 'eml 'a sat lu'um.

A Tas Sc'ulejnac Eb' Schecab' Jesús Hechos 10:9

Ax 'a junx c'u 'a chimc'ual, yic wan sc'och eb' checb' chi 'a sla'nil chon̈b' Jope cha, ax Pedro 'ix q'ue leslwoc 'a span̈nil yib'n̈ yatut win Simón cha.

Ro 14:13

Yuj cha, man̈xtzac stac' laj qui b'eyc'ojlanc qui b'a. Yel xo wach' a junx tic tzqui b'o'ec, to caw wach' tzcutjec qui b'eyb'al yil eb' quit creyenteal, sec wach' may junc eb' 'oj 'ixtxoc cujec, may junc eb' 'oj somchjc 'el snab'en 'a screyenteal.

1 Co 10:32

Wach'xam israel, mto man̈ israeloc, caw matz tac' ca'nec juwc 'el snab'en eb'. An̈jtona', yet' eb' yiglesia Dios quet'ec, matz tac' ca'nec juwc 'el snab'en eb'.

Dt 22:7

cojn e no cotc chi tzeyama, ax no snun cha, tzeyactj can 'at no'. Toto 'ixta 'oj e b'o', caw wach' eyico', 'oj najtxb'oc e q'uinal.

Dt 22:9

Man̈ eyawc junc xo tas 'a scal eyawb'en uva, yujto 'ay smay yajx yowlal 'ayex, ax tz'aji man̈x 'oj 'ajxoc e c'ux jun tzo'n̈ cha.

A Scarta San Pablo D'a Eb' Aj Filipos 1:10

Toto 'ixta', 'oj e wach' 'ojcoc 'eli, 'aja jun tzo'n̈ tastc wach' 'a sat Dios. 'Ixta to b'i'an, ax swach' tojlb'i e nab'en. Ax yic 'oj jawc Cristo, may jac e paltail 'a sat.

1 Ts 5:22

Smasnil tas maysch'olnil, caw man̈ e cha eyab'i'.

A Ch'an̈ B'ab'el Libro Samuel 9:25

Ax yic x'emx wul eb' 'a lum tzaln cha, 'ix 'och eb' 'a yol chon̈b' cha. 'Ix paxtin Samuel yet' Saúl 'a span̈nil yib'n̈ yatut.