Dt 22:21 - Chuj San Sebastian Bible

²¹ to 'ixta', tz'ijx 'at 'ix 'a sti 'el yatut smam cha, ax eb' winc smasnil 'a jun chon̈b' cha, a eb' tzjuln cham 'ix yet' q'uen q'ue'en, yujto sb'o 'ix jun niwquil mul 'a scal eb' quit chon̈ab', tzyi'n pax 'el 'ix sq'uixwel smam. 'Ixta wal tz'aj satl jun maysch'olnil 'a e cal.

Chuj San Mateo Bible

²¹ tz'ic'jiel ix d'a sti' spat smam, sjulq'uenajcham ix yuj masanil eb' vin̈ vinac ay d'a jun chon̈ab' chi', yujto ix yac'och jun nivan mul ix d'a e cal, syac'anpax q'uixvelal smam ix. Icha chi' tz'aj satel juntzan̈ chucal chi' d'a e cal.

Dt 22:21 Iomraidhean Croise

Gn 38:24

'Oxe xo am 'ujal, x'at alxoc 'ixtc 'a win Judá cha: —A 'ix alb' Tamar, 'ay am junc winc sc'umj 'ix, yuj cha, to yet'x 'ix yune ticnec, xchi eb' 'a winac. —'Ijec 'el 'ix 'a sti 'el chon̈ab', tzlajw cha, tze n̈usntz'a 'ix, xchi winac.

Lv 19:29

Man̈ eyixtc 'el eyisil yic tzeya'n sb'o eb' 'ajmulal 'a yatutal jun tzo'n̈ comn dios. Toto ma'ay, 'oj juwc 'el e chon̈b' yuj jun tzo'n̈ comn dios yet' pax yuj 'ajmulal.

Lv 20:2

Al jun tzo'n̈ checnb'il tic yab' eb' et israelal to an tzwal 'ixtic: Tzann̈j ex ax tic, mto chuc chon̈b'al cajn 'ec' 'a e cal, toto tzyac' junc yunnal xajmb'al-l 'a jun comn dios tzcuch Moloc, yowlal tzcham jun 'anma cha. A eb' chon̈ab', a eb' tzjuln cham yet' q'uen q'ue'en.

Lv 21:9

Toto a junc yisl win ya'mal 'och sti eb' 'anma cha, tzyixtj 'el sb'a 'a 'ajmulal, a jun cha, tzyij 'el sq'uixwel smam, yowlal tz'ajx tz'a'oc.

Lv 24:23

'Icha wal xyutj Dios yalni, 'ixta pax xyutj Moisés yaln jun tzo'n̈ paxti chi 'a eb' yit israelal. Yuj cha, 'ix yi'n 'el eb' chon̈b' chi jun winc 'ix b'ajwj 'a Dios chi 'a sti 'el camplamento, axta sjul cham eb' yet' q'uen q'ue'en. 'Ix syiclj eb' sb'on 'icha 'ix yutj Jehová yaln 'a Moisés cha.

Dt 13:10

A jun 'ixta snab'en cha, julc cham yet' q'uen q'ue'en, yujto tznib'j tzex yij 'el 'a stz'ey Jehová qui Diosalec, atn jun on̈ 'i'nec 'elt 'a Egipto 'a 'aj 'ayn̈ec 'och mosoal.

Dt 13:5

Ax jun tzyalch sb'a schecb'oc Dios, mto waychnum cha, yowlal tzmilx chamoc, yujto a tz'a'n e c'ojloc yic tzeyi'n 'el e nab'en 'a Jehová qui Diosalec, atn jun on̈ 'i'nec 'elt 'a Egipto 'a 'aj 'ayn̈ec 'och mosoal. A jun 'anma cha, tzmilx chamoc, sec tzsatl jun maysch'olnil chi 'a e cal, yujto tznib'j tzex yij 'el 'a sb'eyb'al Jehová 'ix yalcn 'ayex.

Dt 13:6

Q'uinloc 'ay junc mach tzex c'ultac 'i'n 'at eyac' 'ejm e b'a a jun tzo'n̈ tzalx 'och diosal, atn sdiosal eb' chon̈b' oyn 'och 'a sla'nil, mto 'a snajtil 'el sti lum e lum cha, atn jun tzo'n̈ man̈ yojcoc eb' qui mam qui nun 'a pecti', man̈ e cha eyab' 'a 'a. Wach'xam a junc eyu'tac, junc eyunnal, junc eyisil, mto eyistzil chamc'ojlb'il eyu'uj, mto junc e wach'c'ojl caw wach' eyaj yet'oc, man̈ 'o'ch e c'ojl 'a 'a, man̈ junn̈joc tzeyutj e nab'en yet'oc, man̈ e c'ub'c 'eli.

Dt 17:5

a jun winc cha, mto junc 'ix tzb'on jun maysch'olnil cha, yowlal tzeyij 'el 'a sti 'el chon̈ab', axta tze julcn cham yet' q'uen q'ue'en.

Dt 17:7

A eb' testigo cha, a eb' tzb'ab'l jul q'uenan jun 'ay smul cha. 'Ixta b'i'an, tzjul q'uenan eb' chon̈b' chi smasnil, sec 'ixta 'oj 'aj yel jun maysch'olnil chi 'a e cal.

Dt 19:19

Toto 'es, to 'ixta', a 'a yib'n̈ jun 'a'm 'es cha, ata tz'ochcni, 'icha tas tznib'j ya'ch 'a yib'n̈ jun yit 'anmal cha, sec 'ixta tz'aj slajw 'ejm jun 'es chi 'a e cal.

Dt 21:21

Ax smasnil eb' winc 'a jun chon̈b' cha, tzjul cham eb' jun 'anma chi yet' q'uen q'ue'en. 'Ixta 'oj eyutc e satn 'el jun maysch'olnil chi 'ayc' 'a yol e chon̈ab'. A yic 'oj yab'nc eb' 'anma jun 'ab'x cha, 'oj xiw chan̈ eb'.

Dt 22:22

Toto 'ay junc winc tz'ilchj eyu'uj, to wan smuln yet' junc 'ix 'ix 'ay yichmil, tojln̈ej scham eb' schawn̈il. 'Ixta wal 'oj 'aj satl jun maysch'olnil chi 'a e cal.

Dt 22:24

to 'ixta', tz'ijx 'at eb' schawn̈il 'a yojltac despacho 'a jun chon̈b' cha, ata tzjulx cham eb' yet' q'uen q'ue'en. Tzcham 'ix cob's cha, yujto yol chon̈b' 'ayc' 'ix, ma'ix 'el yaw 'ix. An̈jtona win winc cha, tzcham winac yujto xyixtj win 'ix 'ix wan yoch yistloc win yit wincal win cha. 'Ixta tzeyutj e satn 'el maysch'olnil 'ayc 'a e cal.

Jueces 19:23

'Ix yaln win 'aj n̈a chi 'ixtc 'a eb': —¡Caw ma'ay, ex wit 'anma'il! ¡Tzin tew wal 'ayex, man̈ e nalb'oc e b'on maysch'olnil yet' jun winc 'ayc' ula'il 'ayn tic!

Jueces 20:10

Ax pax 'a junjn lajn̈wan̈ 'a junjn 'in̈tal, tzcan 'a yib'n̈ eb' sayn tas tzqui c'ux an̈ soldado on̈c tic; an̈ xo qui masnil, tzon̈ 'at ca'c spac 'a eb' 'aj Gabaa yuj jun maysch'olnil sb'o eb' cha, xchi eb'.

Jueces 20:5

Ax 'a jun 'ac'wl cha, 'ix syamn sb'a eb' winc cajn 'a jun chon̈b' cha. Xyoyn sb'a eb' 'a spatquil te n̈a 'aj 'ayn 'ec' cha, yic tzin smiln cham eb' yalni. Ax x'aji, 'ix yixtn eb' 'ix wistzil cha, masnto xcham 'ix yuj eb'.

Jueces 20:6

Xlajw cha, xin me'n q'ue wan sniwnal 'ix, xin cotc poln 'ati. 'Ix wa't 'a smasnil yol qui macb'enec tic, sec wach' tzeyil e masnil tas jun mul caw wal maysch'olnil tic.