Dt 21:18 - Chuj San Sebastian Bible

¹⁸ Q'uinloc 'ay junc mach 'ay junc yunnal maysch'olnil snab'en, caw tu tas tzb'o'o. Matz chaj yab' tas tzyal smam snun, wach'xam tzmac' eb', palta man̈ yujoc cha, tzyiclj tas tzyal eb' cha.

Chuj San Mateo Bible

¹⁸ Tato ay mach ay junoc yuninal te chuc, ma te pit, max sc'anab'ajej tas syal smam snun, vach'chom smac'ji, palta an̈eja' max sc'anab'ajej.

Dt 21:18 Iomraidhean Croise

A Ch'an̈ Schab'l Libro Samuel 7:14

An 'oj woch mamb'il-l 'a 'a, ax 'oj 'och 'unnab'ilal 'ayin. Toto 'ay 'aj 'oj 'och smul, 'oj wa'ch syailal, 'icha tzyac' junc mamb'il tz'a'n 'och tz'um 'a junc yunnal,

Ex 20:12

'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.

Ex 21:15

A mach tzmac' smam snun, yowlal tzchami.

Ex 21:17

A mach tzb'aj smam snun, yowlal tzchami.

Pr 1:8

Tzyal Salomón 'ixtic: Ach wunnal, maclj wal ab' a cuynb'il tzwac'a, man̈ a patquilc can 'el a cuynb'il tzyac' pax a nun.

Pr 13:24

A mach may schamc'ojlal 'a yunnal, matz yac' cuenta yunnal cha; ax mach 'ay schamc'ojlal 'a yunnal, caw wal tzyac' cuenta yunnal chi 'a yic yune'al.

Pr 15:5

A eb' may snab'en, caw matz chaj eb' yab' tennb'il tzyac' smam 'a 'a, ax eb' tzchaj yab'i', wan sch'oxn 'el eb', chajtlto 'ay snab'en eb'.

Pr 19:18

'Ac' cuenta eb' onnal ya' sb'a cotc to eb', to ma'ay, wan a'n can 'at eb' 'a yol sc'ab' chamel.

Pr 20:20

A mach tzb'aj smam snun, 'oj 'ijxoc 'ec' sq'uinal, 'icha junc cantil tztupi.

Pr 22:15

A man̈ nab'enal 'aychn̈ej 'a eb' 'unin, ax yic tzma'x eb' yet' jixc'ab'te', tz'el jun chi 'a eb'.

Pr 28:24

A mach tz'och 'elc'l 'a smam snun, man̈ mulc jun chi snani; a jun cha, lajn snab'en 'icha eb' cojn 'elc'l tzb'o'o.

Pr 29:17

'A'c cuenta eb' eyunnal, sec 'ay e junc'ojlal yuj eb', to 'ixta', tzaljc'ojlaln̈ej eyico'.

Pr 30:11

'Ay mach tu yaln 'a smam, may xon 'aj tzyal junc wach' paxti 'a snun.

Pr 30:17

A mach tzpatquiln can 'el smam, matz yiclj xon tas tzyal snun, smoj wal yijx 'elt yol sat yuj no joj, ax no 'usj tzchin sniwnal.

Is 1:2

Ex 'aj satcha'an̈ yet' ex 'aj sat lum tic, 'ab'ec. A eb' 'anma tic, xin c'uytzej eb' 'a yic yune'al masnto x'och yip eb', palta ax x'aji, 'ix meltzj 'och eb' 'ajc'ojlal 'ayin.

Is 1:5

¿Tas yuj an̈ja e nib'n eyi' cot yailal 'a quib'an̈? ¿Tom tze nib'j an̈ja eyec' 'a yib'an̈? Nac cot nab'an tas yailal 'ix 'ec' 'a quib'n̈ec yuj Dios. Yuj cha, lajn on̈c 'icha junc 'anma to 'ay q'ue yab'il 'a sjolom, ax sniwnal 'ipn yel yip.

Jeremías 31:18

'Ix wab' wal sc'acw eb' 'aj Efraín yuj cusc'ojlal, tzyaln eb' 'ixtic: An̈ tic on̈, on̈ a cuy 'icha tz'aj scuyx junc no quelm wacx man̈ yojcoc smunlji, on̈ c'ay o'oj. 'Ij on̈ meltzjoc et'oc, scha cab' a c'ojl tzon̈ meltzji, yujto ach tic, Jehová qui Diosal ach.

Jeremías 5:23

Ax tic, caw tu e nab'en, pit ex; in eyactj cani.

Jeremías 5:3

'Ix waln 'a 'ixtic: Mamin, a wal mach tza sayq'ui, atn wal eb' 'anma caw yeln̈j tas tzyala. 'Ix a'ch wal yailal 'a yib'n̈ eb' a chon̈ab', palta may jac yel'ch 'a sat eb'. Xlaj a'ch syailal eb', palta ma'ix nachj 'el yuj eb'. Yel xo wal pit snab'en eb', 'ec'b'al stzatzl snab'en eb' 'a yib'n̈ q'uen q'ue'en. Ma'ix snib'j xon eb' xyactjcan stu b'eyb'al, xin chi.

Ez 22:7

Tzchacl eb' 'anma chi smam snun. A eb' chuc chon̈b'al cajn 'ec' 'a scal eb', caw tz'ixtx eb' yuj eb'. Tz'ixtx eb' meb'a 'unn chamnc smam yet' eb' 'ix 'ix chamnc yichmil.

Ez 24:13

Ach Jerusalén, xin nib'j ach in sacb'tzej yuj tas maysch'olnil tza b'o'o, palta ma'ix yal a c'ojl 'ix a sacb'tzej a b'a. Man̈x 'oj a b'o'i, masnto 'oj wi'l yowl in c'ojl 'a eb'an̈.

Lv 19:3

Yiclum tzeyutj e b'a junjn ex 'a e mam e nun. Tzeyiclj sc'ul 'iljelal, an Jehová e Diosal in, an tzwala.

Lv 21:9

Toto a junc yisl win ya'mal 'och sti eb' 'anma cha, tzyixtj 'el sb'a 'a 'ajmulal, a jun cha, tzyij 'el sq'uixwel smam, yowlal tz'ajx tz'a'oc.

Dt 21:19

Toto 'ixta tzyutj sb'a win 'unnab'il cha, ax eb' mamb'il cha, tzyij 'at eb' jun yunnal chi 'a sdespacho eb' yichmtac wincal chon̈ab'.

Dt 27:16

Catb'tzaxc cab' eb' may yel'ch smam snun 'a sat, xchi eb' levita. 'Ixta cab' tz'aji, 'oj xchic eb' chon̈ab'.

Dt 8:5

Nac cot nab'an, 'icha tzyutj junc mamb'il ya'n cuenta yunnal, 'ixta wal on̈ yutjec Jehová qui Diosalec.

A Ch'an̈ B'ab'el Libro Samuel 3:13

Tox 'ix wal yab'i', to 'oj wac' syailal eb' yin̈tl cha, yujto yojc xo tas smul eb' yunnal chi 'ix 'ochi; in spatquiljcan 'el eb' an Dios in tic, palta matz tenx 'och wan eb' yu'uj.