Dt 21:16 - Chuj San Sebastian Bible

¹⁶ a yic tzc'och stiempoal spojn 'ec' win tas 'ay 'a 'a, yic tzya'n 'a eb' yunnal cha, matz tac' ya'n win smacl yic b'ab'l 'unnab'ilal 'a win yune 'ix caw tzchamc'ojlej win cha, yujto a jun tzb'o cha, caw man̈ wach'oc. A win yune 'ix chacb'il 'el cha, caw yel a win b'ab'l 'unn yaji.

Chuj San Mateo Bible

¹⁶ ayic sc'och sc'ual spojanec' stastac vin̈, syac'an vin̈ d'a eb' yuninal, max yal-laj yoch yune' ix xajanab'il chi' b'ab'el uninal. Q'uinaloc icha b'ab'el unin syutej vin̈, chuc sc'ulej vin̈ d'a vin̈ sb'ab'el unin yic ix chacb'ilel chi', yujto a vin̈ chi' yel b'ab'el unin yaj vin̈.

Dt 21:16 Iomraidhean Croise

Gn 25:31

Palta xyaln Jacob 'ixtic: Toto tza ta'wj can a macl yic b'ab'l 'unnab'ilal 'ayin, toto 'ixta', tzwac' tas tza c'uxu, xchi Jacob cha.

1 Cr 26:10

A eb' yunnal Hosa atn yin̈tl Merari: a Simri, a yajl yaji, wach'xam man̈oc b'ab'l 'unnab'il yaji, palta a smam a 'ix 'a'n 'och yajlil.

2 Cr 21:3

A smam eb' cha, til wal q'uen oro, yet' q'uen plata 'ix siyj 'a eb', yet' jun tzo'n̈ xo tas to chan̈ stojol. 'Ix ya'n pax jun tzo'n̈ chon̈b' caw wach' yajch smuroal 'a yol yic Judá 'a eb', palta a jun 'opiso yic reyal, 'ix yac' 'a Joram, yujto a b'ab'l 'unnab'il yaji.

Ro 8:29

Yictax pecti', yojc xon Dios to yic on̈ec. At xo ta si'jnacn̈ec can 'eli, sec wach' caw lajn tzon̈ 'ajc yet' Yunnal. 'Ixta 'on̈ yutjec Dios, sec wach' ax Yunnal, a tz'och qui b'ab'l 'u'tacoquec qui masnil.

Dt 21:15

Q'uinloc 'ay junc winc chawn̈ yistzil, palta jun wal 'ix tzchamc'ojlej winac, ax junc xo 'ix ma'ay. Toto tz'alj yune eb' 'ix schawn̈il, ax tz'aji a 'ix matz chamc'ojlej win cha, a 'ix tzb'ab'l 'alj yico',

Dt 21:17

Yuj cha, yowlal tzchaj win mamb'il chi jun yunnal chi sb'ab'l 'unnaloc, cha'ejm tzyutj win ya'n smacl jun yunnal chi 'a tas 'ay 'a 'a, yujto caw sb'ab'l 'unnal yaji; 'ay yaln win yic schan smasnil smacl yic sb'ab'l 'unnab'ilal cha.

A Scarta San Pablo D'a Eb' Aj Filipos 4:8

Ax ticnec ex wu'tac, ex wanab', caw ca'c 'och qui nab'en 'a jantcn̈ej tas yel, 'a jun tzo'n̈ smoj 'ay yel'ch 'a qui satec, 'a jantcn̈ej tas tojol, 'a jun tzo'n̈ may spaltail, 'a jantcn̈ej tas wach', 'a jun tzo'n̈ niwn yel'chi. An̈jtona', yet' 'a jantcn̈ej tas wach' 'a sat Dios, yet' 'a jun tzo'n̈ 'aj smoj yalx wach' paxti', ata tzca'c pax 'och qui nab'en.