Dt 20:8 - Chuj San Sebastian Bible

⁸ Tzlajw cha, tzyaln pax eb' syajlil eb' soldado chi 'ixtic: Toto 'ay junc ex caw tzex xiwi, mto matz techj eyuj tzeyab'i, tztac' tzex pax 'a eyatut, yic wach' ma'oj somchjoc chan̈ eb' quit soldadoil tic eyu'uj, xchi cab' eb'.

Chuj San Mateo Bible

⁸ Slajvi chi' syalanpax eb' yajalil soldado chi': Tato ayex tzex xivi, meltzajan̈ec d'a e pat, yic vach' malaj eb' schab'axq'ue sc'ool eyuuj, xcham eb'.

Dt 20:8 Iomraidhean Croise

Ex 15:15

A eb' syajlil eb' 'aj Edom, toxn̈ej 'oj sat sc'ojl eb'. Ax eb' syajlil eb' 'aj Moab, 'oj laj 'ib'xoc eb' yuj xiwlal cha. 'Ixta pax eb' cananeo, 'oj laj sc'ub'c 'el sb'a eb'.

Pr 24:10

Toto tzjaw e chab'c'ojlal 'a yic 'ayx 'och 'a somc'ojlal, may e te'nal tzyal cha.

Nm 13:31

Palta ax eb' xit' yet' cha, 'ix yaln pax eb': Ma'ay, ma'oj stac' xon ca'nec owl yet' eb' 'anma cha, yujto caw wal jeln eb' 'a quib'n̈ec, xchi eb'.

Nm 32:9

'Ix laj yil eb' jun tzo'n̈ lugar cha, masnto xc'och eb' 'a sti a niwquil a tzcuch Escol. Xlajw cha, xya'n eb' sc'ojloc eb' quit israelalec cha, sec man̈xtzac cot eb' 'a lum lum cha, atn lum tzyac' Jehová 'a eb'.

Lc 9:62

Palta xyaln pax 'a win 'ixtic: —Q'uinloc 'ay junc winc tzmunlj yet' no wacax, tzyamn st'oclab' lum no'. Tzlajw cha, tzsutmj pax 'at q'ueln win 'a spatic. Toto 'ay eb' 'ixta yaj snab'en, may jac yopiso eb' 'a yol sc'ab' Dios, xchi Jesús.

1 Co 15:33

Caw man̈ e cha 'ixtxoc paxti e b'a yuj junc 'es. Toto 'ay eb' maysch'olnil jun tzon̈ 'ec' yet'oc, 'oj juwc 'el qui wach' b'eyb'alec yuj eb'.

Dt 1:28

Ax ticnec, ¿'aj wach' tzon̈ c'ochec? A eb' quit chon̈b'ec tic, 'ix yal eb' to a 'a jun lugar cha, 'ay eb' 'anma caw jeln to 'a quib'n̈ec. Caw niwc stel eb', caw niwc pax ab' schon̈b' eb', chan̈ pax ab' ya'jt smuroal schon̈b' eb' cha. Xyiln pax ab' eb' ewin yin̈tl win Anac, atn eb' niwc ste'il, caw 'ay smay eb', atn wal yuj jun tzo'n̈ eb' cha, caw tzon̈ xiwec, xe chi.

Dt 20:9

Ax yic tzlajw yaln ewin syajlil eb' chi jun tzo'n̈ cha, tz'ajx yopiso junjn eb' tz'i'n b'ey junjn b'uln eb' soldado cha.

Dt 23:9

A yic tzex 'och 'a owl yet' eb' 'ajc'ojl yajch 'ayex, yic tzex can 'a scal c'ultac, man̈ e b'o junc tas q'uixweltac yilxi.

Apoc 21:8

Palta 'ay eb' 'anma tzcomn xiwi, 'ay eb' matz ya'ch sc'ojl 'ayin, eb' yajb'entac, eb' milm cham 'anma', eb' tzb'on 'ajmulal, eb' 'ajchum, eb' tzyal sb'a 'a jun tzo'n̈ tzalx 'och diosal, yet' eb' 'a'm 'es. A eb' cha, 'oj scha eb' spac yico', 'oj 'atcn eb' 'a scal jun c'ac' tzn̈ilchji, caln yaj yet' azufre, atn jun 'icha pama'. A jun cha, atn schab'l chamel, xchi Dios.

Apoc 3:16

Palta lajn ex 'icha junc tas ton̈j naman, may yopiso. Yuj cha, 'icha to 'oj ex in xejc can 'eli.

Jueces 7:3

A ticnec, al yab' eb' winc tic, toto 'ay mach tzxiw s'at 'a owal, tztac' cab' smeltzj 'a yatut, xchi. 'Ixta x'aj smeltzj can chab'schawinc mil eb' soldado cha, cojxn lajn̈e mil eb' xcani.