Dt 20:5 - Chuj San Sebastian Bible

⁵ Ax eb' syajlil eb' soldado cha, 'oj yal eb' 'ixtic: Toto 'ay junc ex 'a qui calc tic tot xe b'o junc eyatut, mantzac e caj xon jab'oc, tztac' e pax 'a eyatut cha. Toto ma'ay, ch'olb'j tzex cham 'a owal, ax 'oj 'ajoc chucx mach 'oj cajnc eyatut cha.

Chuj San Mateo Bible

⁵ Slajvi chi', syalan eb' yajalil eb' soldado icha tic: Tato ay junoc ex toto ix e b'oq'ue e pat, manto ex ochlaj d'a yool, meltzajan̈ec, q'uinaloc tzex cham d'a scal oval tic, ch'ocxo mach scajnajcan d'a yol e pat chi'.

Dt 20:5 Iomraidhean Croise

Nehemías 12:27

A yic 'ix c'och sc'ul yajx can 'och smuroal Jerusalén 'a yol sc'ab' Dios, 'ix 'awtx cot eb' levita 'a smasnil lugar 'a 'ajtil cajn eb'. 'Ix jaw eb' 'a Jerusalén yuj jun q'uin̈ cha, yet' yuj yalx wach' paxti', tzb'itnax b'it 'a tzaljc'ojlal yet' platillo, arpa yet' lira.

Salmos 30:1

Mamin Jehová tzach in b'itnej yet' in wach' paxti', yujto ach in a sic'q'ue wan 'a scal in yailal; ma'ix a nib'j in sb'uch eb' 'ajc'ojl yajch 'ayin.

Nm 31:14

Palta 'ix cot yowl Moisés 'a eb' yajl yaj 'a junjn mil soldado, yet' 'a eb' yajl yaj 'a junjn ciente eb' xit' 'a owl cha.

Nm 31:48

Xlajw cha, ax eb' yajl yaj 'a junjn mil mto 'a junjn ciente soldado cha, 'ix c'och eb' 'a Moisés.

Dt 1:15

Yuj cha, xin si'n 'elt 'a scal junjn 'in̈tal, eb' winc to jelan, eb' 'ay snab'en si'mb'il, 'ix wa'n yopiso eb' yic tz'och eb' eyajliloc. 'Ay eb' xwa'ch yopiso 'a yib'n̈ jun mil, 'ay eb' 'a yib'n̈ jun ciente, 'ay eb' 'a yib'n̈ cincuenta, 'ay eb' 'a yib'n̈ lajn̈wa'an̈, 'ay pax eb' x'och yajlil 'a yib'n̈ junjn 'in̈tal eb' quit chon̈b'ec.

Dt 16:18

Tzeya'ch eb' juez yet' eb' yajl 'a junjn chon̈b' 'oj yac' Jehová Dios 'a junjn 'in̈tal, sec a eb' tzb'onyaj eb' 'anma 'a stojlal.

Dt 20:6

Toto 'ay junc ex tot xeyawj eyuva 'a sat e lu'um, mantzac eyac' tzaljoc e c'ojl yet' e munljel cha, tztac' e pax 'a eyatut. Toto ma'ay ch'olb'j tzex cham 'a owal, ax 'oj 'ajoc, chucx mach 'oj molnoc chan̈ sat eyuva cha.

A Ch'an̈ B'ab'el Libro Samuel 17:18

Tze'n 'at pax lajn̈ec no queso tic 'a win scapitan̈il eb' soldado cha. Tzelni toto wach' sc'ojl eco o'tac cha. Tzlajw cha, tze'n cot junc tas tzch'oxni, toto yel wach' sc'ojl eco, xchi.