Dt 20:14 - Chuj San Sebastian Bible

¹⁴ Ax eb' 'ix 'ix, eb' 'unin, smasnil scajb'en noc' eb', yet' pax smasnil tas 'ay 'a yol schon̈b' eb' cha, eyic tz'aj smasnil; tztac' tze c'ux tas 'ay 'a eb', tzeyac' tzaljoc e c'ojl yet' jantcn̈ej tas tzyal sc'ojl Jehová Dios tzeyijcan 'ec' 'a eb' 'ajc'ojl cha.

Chuj San Mateo Bible

¹⁴ Axon̈ej eb' ix ix yed' eb' unin, noc' molb'etzal noc' yed' masanil tas ay d'a jun chon̈ab' chi', eyic tz'ajcani. Tzex tzalaj yed' masanil tastac ol scha sc'ol Jehová co Diosal yic scan d'a yol e c'ab', aton masanil tas ol eyic' d'a eb' ajc'ool chi'.

Dt 20:14 Iomraidhean Croise

2 Cr 20:25

Xlajw cha, 'ix 'at Josafat yet' eb' soldado ajun yet'oc, yic tz'at si'nc chan̈ eb' tastc xcan yuj eb' 'ajc'ojl xcham cha. 'Ix 'ilchj yamc'ab', pichul, yet' tas to chan̈ stojl yuj eb'. Yuj cha, til wal tas 'ix yij cot eb'. Palta 'ayt jun tzo'n̈ xo tas ma'ix tza'wni eb' yi'n coti. A jantcn̈ej tastc 'ix yij cot eb' cha, 'oxe c'u 'ix yac' eb' smolb'tzani, yujto caw niwan.

Salmos 68:12

A eb' rey caw tz'at eb' 'elc yet' soldado, ax eb' 'ix 'ix xlaj can 'a yatut, wan spojn 'ec' eb' 'ix tas x'at to'xoc can 'ec' 'a eb' 'ajc'ojl cha,

Nm 31:11

Smasnil tas 'ix yij 'ec' eb' soldado 'a eb', yet' scajb'en noc' eb' cha,

Nm 31:12

'ix yij 'at eb' 'a Moisés, 'a Eleazar cha, yet' 'a smasnil jun tzo'n̈ xo yit israelal eb', atn eb' 'aycn 'a scamplamento eb' 'a lum pan̈n 'a'lic yic Moab, 'a sla'nil sti a Jordán 'a yojltac Jericó.

Nm 31:15

'Ix yaln 'a eb' 'ixtic: —¿Tas yuj ma'ix e milcn cham jun tzo'n̈ eb' 'ix 'ix tic?

Nm 31:18

Ax smasnil eb' 'ix cob'stac, eb' 'ix mant 'a winc tzc'umej, man̈ e mil cham eb' 'ix, can cab' eb' 'ix eyet'oc.

Nm 31:9

Ax smasnil eb' 'ix 'aj Madián cha, yet' yune eb' 'ix, 'ix 'ijx 'at eb' 'icha presoal yuj eb' israel. C'uxn xyij 'ec' eb' smasnil scajb'en noc' eb' 'anma cha, yet' jantcn̈ej tas 'ay 'a eb'.

Ro 8:37

Wach'xam 'oj jawc jun tzo'n̈ tic 'a quib'n̈ec, palta caw 'oj ca'c ganar yuj jun 'ay schamc'ojlal 'ayn̈ec.

Dt 2:35

A tas 'ix quique'ejec, atn smasnil scajb'en noc' eb', yet' smasnil tas 'ay 'a jun tzo'n̈ chon̈b' 'ix laj qui satc 'el cha.

Dt 20:15

'Ixta tzeyutj smasnil chon̈b' to najt yajl 'a stz'ey 'aj 'oj e c'och cajn cha.

Josué 11:14

Smasnil eb' 'anma cajn 'a jun tzo'n̈ chon̈b' cha, c'uxn xmilx eb' yet' q'uen espada yuj eb' israel, may wal junc xyactj can eb' 'a pitznal. Ax smasnil no scajb'en noc' eb', yet' smasnil tas 'ay 'a 'a, c'uxn xyique'ej can eb' israel cha.

Josué 22:8

xyaln 'a eb' 'ixtic: A ticnec meltzjan̈c 'a 'aj 'aycn eyet'ul. Meltzjan̈c yet' e ricoal, atn no cajb'en noc', q'uen oro, q'uen plata, q'uen bronce, yet' q'uen hierro, til wal pax pichul, atn jun tzo'n̈ xeyijcan 'ec' 'a eb' 'ajc'ojol. Pojc 'ec' jun tzo'n̈ chi 'a e cal yet' eb' eyit chon̈b' 'aycn ta', xchi 'a eb'.

Josué 8:2

'Icha wal xeyutj chon̈b' Jericó yet' sreyal, 'ixta pax tzeyutj chon̈b' Hai yet' sreyal. Ax ticnec, a tas 'ay 'a jun chon̈b' cha, tztac' cab' scan 'ayx yet' smasnil scajb'en noc' eb' 'anma cha. Wach' tzotj a'n 'och stzol-l jun owl cha, tzac' sc'ub'c 'el sb'a nan̈loc eb' soldado chi 'a spatc 'el chon̈b' cha, xchi Dios.