Dt 20:11 - Chuj San Sebastian Bible

¹¹ Toto tzyal sc'ojl eb' 'anma 'a junc chon̈b' chi tz'och 'a junc'ojlal eyet'oc, tzex schan 'och eb' 'a yol schon̈b' cha, to 'ixta', yowlal tz'och eb' eya'malc servil.

Chuj San Mateo Bible

¹¹ Tato a eb' ay d'a jun chon̈ab' chi' sgana junc'olal, tzex schaanoch eb' d'a yol schon̈ab' chi', yovalil tzeyac' pural eb' yochcan e checab'oc.

Dt 20:11 Iomraidhean Croise

A Ch'an̈ B'ab'el Libro Yic Yab'ixal Eb' Rey 5:1

A yic 'ix yab'n win Hiram sreyl Tiro, chajtlto a Salomón 'ix 'och reyl sjelc smam, 'ix schecn cot schecb' 'a 'a, yujto swach'c'ojl sb'a win yet' David.

A Ch'an̈ Schab'il Libro Yic Yab'ixal Eb' Rey 6:22

—Ma'ay, man̈ 'a mil cham eb'. Ach tic, ¿tom tza mil cham eb' tzyamchj oj 'a owal? A eb' tic, 'ac' wa eb', 'ac' pax tas tzyu'j eb'. Tzlajw cha, tza'n meltzjoc eb' 'a syajlil, xchi Eliseo 'a win rey cha.

Salmos 120:7

A yic tzwaln 'a eb' yuj junc'ojlal cha, ax eb', a owl tznib'j eb'.

Lc 19:14

Ax eb' yit chon̈b' win cha, caw tzchichn 'och eb' 'a winac. Yuj cha, tza'n x'at chawn̈ 'oxwn̈ schecb' eb'. X'at yalnoc eb' 'ixtc 'a ewin tz'a'n yopiso winac: A wal jun winc cha, caw wal matz yal qui c'ojl tz'och win yajloc 'a qui chon̈b' chi 'on̈, xchi eb'.

Dt 20:10

A yic tzex c'och 'a sla'nil junc chon̈b' 'aj 'oj eyac' owl cha, b'ab'el, yowlal tze ya't junc e checab' yic tzc'anb'n 'ixtic: ¿Tzam e nib'j junc'ojlal, mto owal? xchi cab' 'a eb' 'anma cha.

Dt 20:12

Palta toto matz yal sc'ojl eb' tz'och eyet' 'a junc'ojlal, a owl tznib'j eb', to 'ixta', tzeyoy spatquil schon̈b' eb' cha, tzeya'n owl yet' eb'.

Josué 16:10

Palta a eb' yin̈tl Efraín, ma'ix pechx 'el eb' cananeo cajn 'a Gezer yuj eb', 'ix 'ajx pural eb' ya'n stojlb'al. Yuj cha, 'ix cann̈j eb' cananeo chi 'a scal eb'.

Josué 9:27

Xya'cn 'och eb' tzu'j c'atzitz yet' cuchj cot a 'a scal eb' israel cha, yet' pax yic yet'l xajmb'al yic Jehová, atn jun lugar sic'b'il 'el yu'uj. 'Ixta 'ix 'ajcn eb' yoch 'a jun smunljel cha.

Josué 9:8

—An̈ tic on̈, tzyaln̈j qui c'ojl tzon̈ 'och e checb'oc, xchi eb' 'a Josué. —¿Mach 'ayx yic ax tic? ¿'ajtil tzex coti? xchi Josué chi 'a eb'.

Josué 9:9

—Caw wal najt on̈ coti, yujto xcab'i to a Jehová e Diosal caw wal 'ay spoder. 'Ix cab' paxi tas 'ix sb'o 'a chon̈b' Egipto.

Jueces 1:28

Palta a yic caw xjelnb'i eb' yin̈tl Manasés cha, 'ix 'ajx pural eb' cananeo chi yoch munljoc 'a eb', ma'ix pechx 'el eb' yuj eb'.