Dt 20:10 - Chuj San Sebastian Bible

¹⁰ A yic tzex c'och 'a sla'nil junc chon̈b' 'aj 'oj eyac' owl cha, b'ab'el, yowlal tze ya't junc e checab' yic tzc'anb'n 'ixtic: ¿Tzam e nib'j junc'ojlal, mto owal? xchi cab' 'a eb' 'anma cha.

Chuj San Mateo Bible

¹⁰ Tato tzex c'och d'a spatictac junoc chon̈ab' yic tzeyac'an oval yed'oc, b'ab'el tzeyala': ¿E gana am junc'olal, mato oval? xe chi.

Dt 20:10 Iomraidhean Croise

Is 57:19

Yuj cha, ax waln 'a eb' 'ixtic: A eb' najt cajn 'eq'ui, yet' eb' la'n yaji, 'ay cab' sjunc'ojlal eb', yujto an wan wan̈tn eb' in chon̈b' tic, 'oj in chioc.

Zacarías 9:10

A 'oj 'a'nc lajwc 'el scaruaje eb' yic Efraín, yet' schej eb' 'aj Jerusalén, atn no tz'at 'a owal, yet' syamc'ab' eb' yic owal. A jun rey chi 'oj alnc 'el junc'ojlal 'a smasnil nacion̈, ax ya'n yajlil 'a jun sti a mar, masnto 'a junx sti a', tzchaj 'at 'a sti a Éufrates, masnto 'aj tzlajw c'och sti lum lu'um.

A Tas Sc'ulejnac Eb' Schecab' Jesús Hechos 10:36

A Dios 'a'jnac can spaxti 'ayn̈ an̈ israel on̈ tic on̈. Yaljnac 'ayn̈ on̈, to 'ay junc'ojlal yuj Jesucristo, atn Cajlilec qui masnil.

2 Co 5:18

Smasnil jun tzo'n̈ xwal tic, a Dios tzb'on 'ayn̈ec. Yuj Cristo ya'jnac Dios niwnc'ojlal 'ayn̈ec, sec junc'ojlal xoj tzon̈ can yet'oc. A 'a'jnac copiso caln 'el on̈, chajtl tz'aj eb' 'anma yoch 'a junc'ojlal yet'oc.

Ef 2:17

A Cristo xwul alnc 'el wach' 'ab'x yic junc'ojlal 'ayn̈ec qui masnil. An̈ israel on̈ tic on̈, yictax yalan̈, 'icha to la'n caj 'a Dios on̈. Ax xo, 'icha to najt to eyaj 'a stz'ey. Palta sch'ox Cristo 'ayn̈ on̈, sch'oxn pax 'ayex, chajtl tzon̈ 'aj cochc 'a junc'ojlal yet' Dios.

Dt 2:26

'Ix yaln pax Moisés 'ixtic: A yic 'ayn̈ec 'ec' 'a lum cusltac lum Cademot, ata xin chec cot jaywn̈ eb' in checb' 'a win Sihón, atn win sreyl chon̈b' Hesbón, sec tzin 'och 'a junc'ojlal yet'oc. 'Ix waln cot 'a 'ixtic:

Dt 20:11

Toto tzyal sc'ojl eb' 'anma 'a junc chon̈b' chi tz'och 'a junc'ojlal eyet'oc, tzex schan 'och eb' 'a yol schon̈b' cha, to 'ixta', yowlal tz'och eb' eya'malc servil.

Dt 20:9

Ax yic tzlajw yaln ewin syajlil eb' chi jun tzo'n̈ cha, tz'ajx yopiso junjn eb' tz'i'n b'ey junjn b'uln eb' soldado cha.

Jueces 11:12

Xlajw cha, 'ix schecn 'at Jefté jaywn̈ eb' schecb' 'a win sreyl eb' amonita, yic tz'at sc'anb'noc eb' 'ixtic: ¿Tas tza na 'a in patic, yuj cha, tzach jaw wul ac' owl wet' 'a sat in lum tic? xchi 'at 'a 'a.

Jueces 21:13

Xlajw cha, 'ix 'at yalmal mu'c yuj eb' chon̈b' 'a ewin yic Benjamín 'aycn 'at 'elc 'a sat q'uen niwquil tenm tzcuch Rimón. 'Ix 'awtx cot ewinac yic tz'och eb' 'a junc'ojlal.