Dt 20:1 - Chuj San Sebastian Bible

¹ A yic tzex 'el eyac' owl yet' junc chon̈b' 'ajc'ojl yajch 'ayex, toto 'ec'b'al sb'isl soldado eb' chi 'a yib'n̈ eb' eyic ax tic, til wal schej eb', til wal scaruaje eb' yic owal, palta man̈ ex xiw xon yuj eb', yujto a Jehová qui Diosalec a 'aych eyet'oc, atn jun on̈ 'i'nec 'elt 'a Egipto.

Chuj San Mateo Bible

¹ Ayic tzex b'at oval, man̈ ex xiv d'a eb' eyajc'ool chi. Vach'chom tzeyila' to ec'to sb'isul eb' d'ayex, nivanpax sb'isul noc' schej eb' yed' scarruaje eb' yic oval yed' soldado eb', man̈ ex xivoc yujto a Jehová co Diosal ic'jinac on̈ elta d'a Egipto, a' ol och eyed'oc.

Dt 20:1 Iomraidhean Croise

Gn 26:3

A ticnec, wach' ajcn 'a jun lum tic. 'Aynn̈ej 'ec' et'oc, ax wa'n pax in yaxilal 'ayach. A smasnil jun lum tic, 'oj wac' 'ayach, yet' 'a smasnil en̈til, sec tz'el'ch smasnil tas waljnac can 'a a mam, atn Abraham.

2 Cr 14:10

Xlajw cha, 'ix 'elt rey Asa yic tzchan sb'a yet'oc, axta xc'och yet' eb' soldado yac' owl yet' Zera chi 'a lum pan̈n 'a'lic Sefata, 'a sla'nil Maresa cha.

2 Cr 14:11

'Ix yaln sb'a Asa 'a Jehová sDiosal, xyaln 'ixtic: Mamin Jehová, ach tic caw lajnn̈ej tzotj a colwj 'a mach tec'an yet' 'a mach may wal ste'nal. Yuj wal cha, colwjan̈ quet' ach Jehová qui Diosal on̈, yujto 'ix ca'ch wal qui c'ojl 'ayach. A yet' a poder tzon̈ jaw cac' owl yet' jun tzo'n̈ soldado tic. Mamin Jehová, ach tic qui Diosal ach on̈, ch'oxo chajtlto may junc mach tztac' ste'wtzan sb'a 'a a sat, xchi.

2 Cr 20:12

Ach qui Diosal on̈, 'el cab' 'a a c'ojl a'n 'och yailal 'a yib'n̈ eb'. Yujto an̈ tic on̈, may wal quip yic tzqui te'wtzan qui b'a 'a sat eb' soldado caw niwn sb'isl cha, atn eb' tznib'j tzyac' owl quet' on̈. Man̈ cojcoc tas 'oj cutc qui b'a on̈, yuj cha, a wal 'aych tzca'ch qui nab'en, xchi win rey 'a Dios.

2 Cr 20:15

'Ix yaln Jahaziel chi 'ixtic: Sictac tzex 'aj eyab'n e masnil ex 'aj Judá, yet' e masnil ex cajn 'a Jerusalén, yet' ach rey Josafat. 'Ixtc 'ix yutj Jehová yalni: Man̈ ex xiwoc, man̈ eyec xiw e b'a 'a yojltac jun tzo'n̈ soldado caw niwn sb'isl cha, yujto a jun owl cha, man̈ eyico'oc, wic an Dios in tic.

Salmos 118:6

A 'ayc' wet'oc, yuj cha, matz in xiw yuj tas tzin yutj eb' wit 'anma'il.

Salmos 20:7

'Ay jun tzo'n̈ eb', a scaruaje eb' yet' schej eb' yic owal a tzya'ch eb' yipc sc'ojol. A eb' cha, tz'el yip yoc eb', tztelw can 'ejm eb'. Palta an̈ec xo pax tic, a Jehová qui Diosalec, a tzca'c 'och yipc qui c'ojol, yuj cha, te'tec' cajec, lin̈n on̈c cha'an̈, xchi win rey cha.

Salmos 23:4

Wach'xam tzin 'ec' 'a junc lugar 'aj caw q'uic'q'uinal, 'a 'aj 'ay smay in chami, palta matz in xiw yuj junc tas, yujto 'aych 'ec' wet'oc. 'Icha junc 'ilm calnelu tztan̈wj scalnelu yet' sc'ococh yet' pax sjixc'ab'te', 'ixta tzin otj in a tan̈wni.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 46:7

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 46:8

Cotn̈ec, wul 'iltec wal satjub'tacl x'aj slajw 'el eb' chon̈b' 'a sat lum tic.

Ex 20:2

An ton Jehová e Diosal in, an ex wij 'elt 'a yol yic Egipto 'a 'ajtil 'ayx 'och mosoal, 'aj man̈ eyico'oc e b'a.

Is 31:1

'Oltac wal ex tz'at e sayc' scolwal Egipto. A eb' soldado yet' schej, yet' scaruaje to caw niwn sb'isul, a chi tzeya'ch yipc e c'ojol, palta matz ex q'ue q'ueln jac 'a Jehová, atn jun Dios To Cojxni.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Is 43:2

A yic 'oj eyec' 'a yojl a mar, mto yic 'oj e c'axb'toc a niwc a tzb'eyi, ma'oj e jic' a'. A yic 'oj eyec' 'a scal c'ac', ma'oj e tz'a'i, yujto 'ayn 'ec' eyet' ta'.

Is 7:14

Yuj cha, caw a Dios 'oj ch'oxnc eyil junc senya cha: 'Ay jun cob's 'ix, 'oj pitzwc chan̈ jun 'unn 'a 'ix. 'Oj 'aljoc jun swinc 'unin, ax ya'n sb'ic Emanuel.

Jeremías 16:14

Palta an Jehová in, an tzwala: A ticnec, a yic tzlocn eb' 'anma in b'i, tzyal eb' 'ixtic: Wal 'a sb'i Jehová 'ix 'i'n 'elt eb' israel 'a Egipto, xchi eb'.

Zacarías 10:5

'Oj ste'cn 'ejm eb' smasnil eb' 'ajc'ojl yajch 'a 'a, 'icha tzyutj eb' soldado ste'n chan̈ b'i'ch 'a yol caye. 'Oj yac' ganar eb' owal, yujto 'ayn 'och yet' eb'. A eb' soldado 'ay q'ue 'a yib'n̈ chej, 'oj can eb' 'a yaln̈ yuj eb'.

Nm 10:9

Toto 'ay junc 'ajc'ojl tzjaw wul yac' owl eyet' 'a sat e lu'um, ax xo tic, yowlal tzex 'el eyac' owl yet'oc. Caw ji'lti tzeyutj eyutz'n q'uen trompeta cha, sec wach' an Jehová e Diosal in tic, 'oj ex in na coti, ax ex in coln 'el 'a eb' 'ajc'ojl tz'ajch 'ayx cha.

Nm 23:21

A 'a scal eb' israel, atn eb' yin̈tl Jacob, may cusc'ojlal yet' yailal tz'ilchj 'a scal eb', yujto a Jehová sDiosal eb'. A 'ayc'n̈ej yet' eb', a syajlil eb' yaji.

Ro 8:31

Yuj jun tzo'n̈ tzwal tic, caw man̈x 'a tas tzqui nac ticnec. Caw 'aych Dios quet'ec. Yuj cha, ¿tom 'ay junc mach tztac' ya'n ganar ya'n owl quet'ec?

Dt 1:29

Yuj cha, xwaln 'ayx 'ixtic: Man̈ e comn xib'tc e b'a yuj jun tzo'n̈ cha.

Dt 2:7

A Jehová qui Diosalec, a 'ix 'a'n swach'c'ojlal 'a yib'n̈ smasnil tas xqui b'o'ec. A 'a yol chawinc ab'il tic, caw wal tan̈b'iln̈ec yu'uj. A yic on̈ b'eyc cot 'a lum cusltac lu'um, may tas 'ix yac' palta 'ayn̈ec.

Dt 20:2

Ax yic tzc'och yorail yoch owl cha, ax win ya'mal 'och sti eb' 'anma 'a Dios, a win 'oj jucb'tzanc eb' e soldado cha,

Dt 20:3

ax yaln win 'ixtic: Ex wit chon̈ab', 'ab'tec tas 'oj wala': A ticnec 'oj ca'c owl yet' eb' 'ajc'ojl yajch 'ayn̈ec, may cab' qui chab'c'ojlalec, man̈ on̈ xiwec, man̈ on̈ 'ib'xoc cha'an̈, man̈ qui xib'tquec qui b'a,

Dt 31:6

Caw te'n tzeyutj e b'a. Man̈ ex xiwoc. Man̈ e xib'tc e b'a yic 'oj e chanc e b'a yet' eb' 'ajc'ojl yajch 'ayx cha. Yujto a Jehová qui Diosalec, a 'aych eyet'oc, ma'oj ex yactc can e ch'ocoj, xchi Moisés cha.

Dt 31:8

A Jehová 'oj b'ab'ljoc o'oj, caw 'ayc'n̈ej et'oc. Man̈ a na to tzach yactj can a ch'ocoj. Yuj cha, man̈ ach xiwoc, man̈ ach meltzjoc 'a a patic, xchi Moisés.

Dt 7:1

'Ix yaln pax Moisés 'ixtic: A Jehová qui Diosalec, a 'oj eyi'n 'och 'a sat lum lum 'oj yac' 'ayx cha. A pax 'oj 'i'noc 'el uque niwc chon̈b'al eb' 'anma caw 'ay yip 'a eyojltac: Atn eb' hitita, eb' gergeseo, eb' amorreo, eb' cananeo, eb' ferezeo, eb' aveo yet' eb' jebuseo.

Dt 7:18

Palta man̈ ex xiwoc; tze na coti tas yutjnac Jehová win sreyl Egipto yet' eb' 'anma cha.

Dt 7:21

Yuj cha, man̈ ex xiw xon 'a eb' 'anma cha, yujto a Jehová qui Diosalec, a 'ayc' 'a e cal, caw niwquil spoder, caw wal 'ay smay.

Dt 9:3

Yuj cha, yowlal tzeyojquej 'el ticnec, to a Jehová qui Diosalec, a 'oj b'ab'ljoc eyu'uj, 'icha wal junc c'ac' tzn̈uswji. A 'oj satnc 'el eb' 'anma chi 'a eyojltac. Ax xo tic, 'oj e pechl eb', ax e satn 'el eb' muc'uc, 'icha wal 'ix yutj Jehová yaln 'ayn̈ec.

Josué 1:5

May xon wal junc mach 'oj techjoc ya'n owl et'oc yujto 'aynn̈ej 'ec' et' 'icha xwac' yet' win Moisés. May wal b'a'n̈ 'oj ach waccan a ch'ocoj.

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.

Josué 11:9

A Josué 'ix syiclj sb'on smasnil tas xyal Jehová. 'Ix smac' wecchjoc schej eb' 'ajc'ojl cha, sn̈usn pax eb' scaruaje eb' yic owal.

Jueces 6:12

'Ix sch'oxn sb'a jun yángel Jehová chi 'a winac, 'ix yaln 'a 'ixtic: —Ach winc jeln a'n owal, a Jehová 'aych et'oc, man̈ 'ach xiwoc, xchi.

Jueces 6:16

Palta xyaln pax Jehová 'ixtc 'a 'a: —'Oj stac' o'oj, yujto an 'ayn 'och et'oc. 'Icha tz'aj yem junc winc to may mach tzcolni, 'ixta 'oj 'aj eb' madianita chi yem o'oj, xchi.

A Ch'an̈ B'ab'el Libro Samuel 17:32

'Ix yaln David 'ixtc 'a 'a: —May cab' ex tzex xiw yuj win filisteo cha, yujto an a checb' in tic, an 'oj 'at wac' owl yet' winac, xchi David cha.