Dt 2:8 - Chuj San Sebastian Bible

⁸ Xlajw cha, on̈ 'elc can 'a sb'el span̈nil sti a Jordán, on̈ 'e'c 'a Elat yet' 'a Esión-guéber. Xlajw cha, on̈ 'e'tec 'a yol slugar eb' quicanec, atn eb' yin̈tl Esaú, eb' cajn 'a lum yic Seír. Ata xcoyc qui b'a, on̈ 'ochc pax 'a b'e tz'ec' 'a cusltac lum yic Moab.

Chuj San Mateo Bible

⁸ Icha chi' aj co cotn̈ej d'a stitac sluum eb' co c'ab' coc, aton eb' yin̈tilal vin̈aj Esaú cajan d'a Seir. On̈ cotcan d'a b'e tz'ec' d'a Arabá, scot d'a Elat yed' d'a Ezión-geber. Co meltzajpax d'a b'e tz'ec' d'a tz'inan lum d'a yol yic Moab.

Dt 2:8 Iomraidhean Croise

Gn 25:23

'Ix ta'w 'ixtc 'a 'ix: Chab' chon̈b'al 'aych yin̈tl 'a yol a c'ojol. A chab' chon̈b'al cha, 'oj 'och eb' 'ajc'ojlal 'a jun jun. Jun caw 'ay yip 'a yib'n̈ junx cha. A win b'ab'el 'oj can win 'a yaln̈ schecnb'il win tza'n 'unin, xchi Dios.

A Ch'an̈ B'ab'el Libro Yic Yab'ixal Eb' Rey 9:26

Ya'jnac pax rey Salomón b'o jun tzo'n̈ barco 'a Ezión-geber, jun 'ayc' 'a stz'ey Elot 'a sti a Chac Mar, 'a lum lum yic Edom.

A Ch'an̈ Schab'il Libro Yic Yab'ixal Eb' Rey 14:22

A yic chamnc xo smam cha, xyi'n pax 'ec' chon̈b' Elot, sb'on pax chan̈ jun 'ejm xo, 'ix 'ochx can yico'oc Judá.

A Ch'an̈ Schab'il Libro Yic Yab'ixal Eb' Rey 16:6

An̈jtona', a yic jun tiempoal cha, a sreyl chon̈b' Edom a 'ix 'a'n ganar chon̈b' Elot, yic tz'ochcn yet' Edom cha; 'ix yi'n 'el eb' 'aj Judá cajn ta', ax eb' 'aj Edom cha, a eb' 'ix c'ochcn cajn ta'.

Nm 21:4

'Ix 'elx eb' israel 'a yich lum witz Hor, 'ix 'ec' eb' 'a jun b'e tz'ec' 'a a Chac Mar. Najt 'ix 'ec' yoy sb'a eb', yujto ma'ix chax 'ec' eb' 'a yol smacb'en Edom. A yic 'aych eb' 'a yol b'e, ata 'ix jaw schab'c'ojlal eb'.

Dt 1:1

A 'a jun libro tic tz'ib'b'il can jun tzo'n̈ paxti 'ix yal Moisés 'a eb' israel yic 'ayc' eb' 'a lum cusltac lum 'a sla'nil xo sti a Jordán 'a stojlal 'aj tzq'uel c'u 'a lum tzcuch Arabá. Ata 'ay lum 'a yojltac a Chac Mar, 'a snan̈l jun tzo'n̈ chon̈b' tic, atn Parán, Tofel, Labán, Hazerot yet' Dizahab.

Jueces 11:18

Xlajw cha, on̈ laj oyy 'ec' 'a lum cusltac lu'um. C'uxn xcoymtej sti slum eb' 'aj Edom yet' lum yic eb' 'aj Moab, masnto on̈ jaw 'a stojlal 'aj tzq'uel c'u 'a Moab cha. Axta 'on̈ 'och wa'an, on̈ can 'a sc'axpil 'ec' sti a Arnón, ma'on̈ c'axw 'e't 'a 'a. Yujto ata tz'el yich smacb'en Moab.