Dt 2:7 - Chuj San Sebastian Bible

⁷ A Jehová qui Diosalec, a 'ix 'a'n swach'c'ojlal 'a yib'n̈ smasnil tas xqui b'o'ec. A 'a yol chawinc ab'il tic, caw wal tan̈b'iln̈ec yu'uj. A yic on̈ b'eyc cot 'a lum cusltac lu'um, may tas 'ix yac' palta 'ayn̈ec.

Chuj San Mateo Bible

⁷ A Jehová co Diosal chi' yac'nac val svach'c'olal d'a quib'an̈ d'a masanil tas co c'ulej. A d'a jun 40 ab'il tic, ayn̈ejoch qued'oc, tzon̈ stan̈vejn̈ej b'aj tzon̈ ec' d'a jun nivan tz'inan luum tic. Malaj b'aj ix yac' palta tas d'ayon̈ yuuj.

Dt 2:7 Iomraidhean Croise

Gn 12:2

A en̈til, a 'oj 'och niwc chon̈b'al wu'uj. 'Oj in ch'ox in wach'c'ojlal 'ayach. Yel xo wal 'oj a b'inaxi, o'oj ax schan eb' 'anma yaxilal.

Gn 24:35

'Ix sch'ox Jehová swach'c'ojlal 'a yib'n̈ win in patron̈ cha, caw wal rico win si'mb'il. 'Ay scalnelu, 'ay swacax, 'ay scameyo, 'ay sb'uru, caw 'ay q'uen oro yet' plata 'a 'a, 'ay pax ewin schecab', yet' eb' 'ix schecab'.

Gn 26:12

A 'a yic jun ab'il cha, x'aww trigo win Isaac 'a jun lugar cha, caw wal wach' 'ix 'aj smunljel, niwn tas 'ix smolo, yujto a Jehová, a x'a'n syaxilal 'a yib'an̈.

Gn 30:27

Xyaln win Labán 'a win 'ixtic: —Ma'ay, tzin tew 'ayach to wach'n̈j aj wet'oc, yujto x'ajx wojcoc 'eli, to ojn̈ej yuj cha, 'ay syaxilal Jehová 'a wib'an̈.

Gn 39:3

'Ix nachj 'el yuj win patron̈ cha, to caw 'aych Jehová yet' win quelm cha, yuj cha, wach' tz'el'ch smasnil tas tzb'o winac.

Gn 39:5

Atax yic xya'n 'och win Potifar José yilmalc smasnil tas 'ay 'a yatut cha, xya'n Jehová syaxilal 'a yib'n̈ smasnil tastc 'ay 'a yatut yet' 'a smunljel winac.

Nehemías 9:21

'Ix ac' tas tzc'ux eb' 'a lum cusltac lum 'a chawinc ab'il. May junc tas xyac' palta 'a eb', may 'aj x'ichmax spichl eb', may 'aj xmal yoc eb' sb'eyi.

Job 23:10

Palta yojtac chajtl yilx in b'eyb'al. A yic 'oj lajwc wajx prowal yu'uj, ax in b'ocn 'icha q'uen oro tz'ec' 'a scal c'ac'.

Salmos 1:6

A Jehová a tztan̈wni eb' tojl sb'eyb'al, palta ax pax eb' tu sb'eyb'al, wan s'atcn eb' 'a syailal.

Salmos 107:4

'Ay eb' quit chon̈b'ec xlaj satc' 'a lum cusltac lum sch'ocoj, ma'ix 'ilchj sb'e eb' 'aj xlaj 'ati, yic tzc'och cajn eb' 'a junc chon̈ab'.

Salmos 31:7

A 'a chamc'ojlal a tz'i'n cot tzaljc'ojlal 'ayin. 'In tzel in cusc'ojlal, ojc pax in somc'ojlal.

Salmos 90:17

Mamin Jehová, qui Diosal ach on̈, a cab' a wach'c'ojlal a chi 'ayc' 'a quib'n̈ on̈. 'Ac' yic' yip qui munljel on̈ Mamin, najtl cab' tzyac' qui munljel tic on̈.

Ex 16:35

A eb' israel cha, chawinc ab'il sc'ux eb' maná, masnto 'ix jaw eb' 'a smon̈jonal lum Canaán.

Jeremías 2:2

'Ixic, 'at al yab' eb' 'aj Jerusalén, to an Jehová in, an tzwal 'a eb' 'ixtic: Tzin na cot wal eyiclumal 'ayin, yic ex wi'n 'och wico'oc, caw tzin e chamc'ojlej, 'icha junc cob's 'ix tot xnupni, caw 'ay schamc'ojlal 'a yichmil, 'ixta ex. 'Ochnc ex tza'n wuj 'a lum cusltac lu'um, atn lum lum may xon 'aj tz'awxi.

Os 13:5

Caw wach' wutjnac in tan̈wni eb' 'a lum cusltac lu'um, 'a 'aj caw 'ay c'ac'.

Am 2:10

Palta ax tic, wijnac 'elt eb' e mam eyichm 'a Egipto, chawinc ab'il wijnac b'ey eb' 'a lum cusltac lu'um, yuj wa'n slum eb' amorreo chi 'a eb'.

Nm 1:1

A 'a b'ab'l c'u yic schab'l 'ujl yoch schab'l ab'il yelt eb' israel 'a Egipto, 'ix paxtin Jehová 'a Moisés 'a yol Mantiado 'aj tzchaj sb'a Dios yet' eb' 'anma', yic 'ayx 'ec' eb' 'a lum cusltac lum yic Sinaí. 'Ix yaln 'a 'ixtic:

Nm 14:33

Ax eb' eyunnal tic, 'icha to 'ilj calnelun̈ej 'oj sb'o eb' chawinc ab'il 'a lum cusltac lum tic. A eb' 'oj tupn lajwc e tenmtacl x'och 'ayin, masnto 'oj lajwc e chamcn ax tic 'a lum cusltac lum tic.

Nm 14:34

Yujto chawinc c'u xit' eyil 'elt lum lum cha, yuj cha, chawinc ab'il 'oj 'och yailal 'a eyib'an̈. Tzyal 'el'chi, junjn ab'il 'a junjn c'u, sec 'oj eyojcoc 'eli, to 'ay smay e meltzj 'och 'ayin.

Nm 22:12

Yuj cha, 'ix yaln Dios 'a 'ixtic: —Man̈ ach 'at yet' jun tzo'n̈ winc cha, matz tac' a catb'tzan jun tzo'n̈ 'anma cha, yujto an tzwac' in wach'c'ojlal 'a yib'n̈ eb', xchi Dios.

Nm 32:13

Yuj cha, xcot yowl sc'ojl Jehová 'a quib'n̈ec, chawinc ab'il on̈ oyyec 'ec' 'a lum cusltac lum yu'uj, masnto 'ix satl eb' 'anma chi smasnil, man̈x 'a xon junc eb' xcani, yujto ma'ix syiclj eb' tas xyal Jehová.

Lc 22:35

'Ix yaln Jesús 'a eb' scuywum 'ixtic: —Tze na coti, yic in checn ex 'at 'a jun 'el, may e pa, e cartel, yet' e xan̈b' eyijnac 'ati. ¿Tom 'ay tas ya'jnac palta 'ayx ta'? xchi 'a eb'. 'Ix ta'w eb' 'ixtc 'a 'a: —Ma'ay, caw may tas, xchi eb'.

Jn 10:27

A eb' wico', tzya'ch eb' schicn 'ayin. An xo tic, wojc eb'. 'Icha e no calnelu tz'och tza'n yuj yilmal, 'ixta tz'ajch tza'n eb' wu'uj.

Dt 1:19

'Ix yaln pax Moisés 'ixtic: A yic on̈ cotc pax 'a lum yich witz Sinaí, 'ix qui tojlb'tzanc cot qui b'a 'a lum jolmctac witz yic eb' amorreo, yuj qui yiclni tas 'ix yal Jehová qui Diosalec. On̈ b'eyc cot 'a lum niwquil cusltac lu'um, lum caw 'ay smay, masnto on̈ jawc 'a Cades-barnea. A jun tic, xquilc qui masnil.

Dt 1:46

Yuj ton wal cha, najtl tiempo on̈ canc 'a yol smacb'en lum Cades, xchi Moisés.

Dt 2:14

Yictax on̈ cotc 'a lum Cades-barnea masnto on̈ 'e'tec 'a yojl a Zéred, ata xtz'acw 38 ab'il qui cotec. A 'a yic jun tiempoal cha, lajwnacx scham eb' winc to smoj yoch soldadoil yic queltec 'a Egipto, ata x'el'ch jun sti Jehová ya'jnac.

Dt 2:6

Tze c'an e man tas tze c'ux 'a eb', tze tojn eyal tzeyu'j 'a eb', xchi Dios.

Dt 29:4

Palta mantzac yac' Jehová eyojcoc 'eli, mantzac yac' pax nachjoc 'el eyu'uj tas wal tzyal 'el'ch jun tzo'n̈ tic.

Dt 29:5

Chawinc ab'il ex wij b'ey 'a lum cusltac lu'um, palta ma'ix lajw 'el e pichul yet' pax e xan̈ab'.

Josué 5:6

Yujto chawinc ab'il 'ix b'eyc' eb' 'a lum cusltac lu'um, ax smasnil ewin quelmtac stiempoal xo yoch soldadoil, a eb' cha, caw pit xyutj sb'a eb'. Yuj cha, xya'n can Jehová sti', to ma'oj yil eb' 'anma chi lum lum 'aj ya'jnac sti ya'n 'a smam yichm eb', atn lum til wal syaxil sat.