Dt 2:4 - Chuj San Sebastian Bible

⁴ Al yab' eb' et chon̈b' jun checnb'il tic. To ata 'oj eyec' 'a yol slugar eb' yin̈tl can Esaú, atn eb' eyican to e b'a yet'oc, eb' cajn 'a yol smacb'en Seír. Caw wal 'ay xiwc'ojlal eb' 'ayex. Palta b'i'an, caw tze tan̈wj e b'a, man̈ e comn xib'tc eb'.

Chuj San Mateo Bible

⁴ Al juntzan̈ checnab'il tic d'a eb' etchon̈ab' to a d'a yol yic eb' e c'ab' eyoc ol ex ec'oc, aton eb' yin̈tilal vin̈aj Esaú, eb' cajan d'a Seir. A eb' chi' ol xiv eb' d'ayex. An̈ej jun, tze tan̈vej val e b'a,

Dt 2:4 Iomraidhean Croise

Gn 25:23

'Ix ta'w 'ixtc 'a 'ix: Chab' chon̈b'al 'aych yin̈tl 'a yol a c'ojol. A chab' chon̈b'al cha, 'oj 'och eb' 'ajc'ojlal 'a jun jun. Jun caw 'ay yip 'a yib'n̈ junx cha. A win b'ab'el 'oj can win 'a yaln̈ schecnb'il win tza'n 'unin, xchi Dios.

Gn 36:8

Yuj cha, 'ix 'at Esaú 'at scaj lum jolmctac witz yic Seir.

Ex 15:15

A eb' syajlil eb' 'aj Edom, toxn̈ej 'oj sat sc'ojl eb'. Ax eb' syajlil eb' 'aj Moab, 'oj laj 'ib'xoc eb' yuj xiwlal cha. 'Ixta pax eb' cananeo, 'oj laj sc'ub'c 'el sb'a eb'.

Ex 15:16

Mamin Jehová, xiw cab' chan̈ eb' yajl cha, sicb'oc cab' can 'el eb'. 'Icha cab' q'uen tz'ajcn eb' yuj a poder, masnto 'oj que'cn an̈ colb'iln̈ 'el 'oj tic.

Mt 5:16

'Icha junc cantil cha, 'ixta 'ex cab'i', tze ch'oxl e sacq'uinlal 'a eb' 'anma'. Tzyal 'el'chi, atn e wach' b'eyb'al tze ch'ox yil eb', sec 'oj yal eb' wach' paxti 'a qui Mam 'ayc' 'a satcha'an̈.

Lc 12:15

Xlajw cha, xyaln 'ixtc 'a eb' 'anma cha: —Caw tzeyil wal e b'a, sec may junc tas tze comn nib'j 'ochi. Man̈ yujoc to til wal tas 'ay 'ayn̈ec, tzaljc'ojlal que'c 'a yolyib'n̈q'uinl tic, xchi Jesús.

Ef 5:15

Yuj cha, caw tzeyac' cuenta e b'a yuj e b'eyb'al, man̈ 'ichaoc eb' may snab'en 'a sat Dios. 'Ay cab' e nab'en 'a sat.

Dt 2:3

Caw wal niwn xo tiempo tzex oyyec' 'a jun tzo'n̈ lum witz tic. A ticnec b'i'an, 'ixquec 'a stojlal norte.

Dt 23:7

Palta man̈ e chacl eb' edomita, yujto quicanec to qui b'a yet' eb'. An̈jtona eb' 'aj Egipto, man̈ e chacl pax eb', yujto on̈ 'e'c jun tiempoal 'a sat slum eb' cha.

A Scarta San Pablo D'a Eb' Aj Filipos 2:15

Man̈ e b'o 'ixta', sec may mach 'oj alnoc, to 'ay e mul, mto e paltail. Wach'xam 'ayx 'ec' 'a scal eb' 'anma maysch'olnil, mto eb' tu snab'en, ax xo yel yunnal ex Dios, man̈x 'a maysch'olnil 'aych 'ayx yet' eb'. 'Icha jun tzo'n̈ c'anal, caw tzictzni yilx 'a q'uic'q'uinal, 'ixta ex 'a scal eb'.

A Scarta San Pablo D'a Eb' Aj Colosas 4:5

A yic tzex paxtin yet' eb' man̈ creyenteoc 'a junjn 'ejem, caw wach'n̈j tzeyutj e b'eyb'al yil eb'.