Dt 2:37 - Chuj San Sebastian Bible

³⁷ 'Ay jaye xo chon̈b' ma'ix qui satc 'eli, atn eb' lum tic: lum schon̈b' eb' amonita, smasnil pax lum chon̈b' 'ay 'a sti a niwquil a Jaboc, eb' lum chon̈b' 'ay 'a lum jolmctac witz, yet' smasnil jun tzo'n̈ xo lugar 'ix yal Jehová to matz qui satc 'eli, cojxn eb' xcan cujec.

Chuj San Mateo Bible

³⁷ Palta a on̈ tic, maj on̈ ochlaj d'a schon̈ab' eb' amonita ay d'a tzalquixtac, ma pax d'a sti' a' Jaboc, icha val ix yutej yalan Jehová d'ayon̈.

Dt 2:37 Iomraidhean Croise

Gn 32:22

A 'a yic jun 'ac'wl cha, xq'ue wan win Jacob, xya'n b'ab'ljoc win eb' 'ix yistzil schawn̈il, yet' eb' 'ix ya'mal servil eb' 'ix, yet' pax eb' yunnal yuxlchwan̈il, yet' smasnil tas 'ay 'a 'a, 'ix 'e't eb' 'a a a tzcuch Jaboc.

Nm 21:24

Palta ax eb' israel cha, scol sb'a eb'. 'Ix ya'n ganar eb' slajw 'el eb' amorreo cha. Yuj cha, 'ix smacn can 'ec' eb' israel yico'oc slum eb', atn lum tzcot 'a sti a niwquil a Arnón masnto tzjaw lum 'a sti a a tzcuch Jaboc, atn a tz'ec' 'a smon̈jon eb' amonita. A jun lum cha, caw wal wach' yaj smacn eb'.

Dt 2:19

Palta a yic tze chan e b'a yet' eb' amonita, man̈ e tzuntzc eb', yujto yin̈tl pax Lot eb'. May xon jac slum eb' 'oj wac' 'ayex, to an wa'jnac lum yico'oc eb', xchi.

Dt 2:5

Man̈ e comn milc cham eb', yujto a lum slum eb' cha, may xon jac lum 'oj wac' eyico'oc. A eb' lum jolmctac witz 'ay 'a yol yic Seír, yic eb' yin̈tl Esaú yaj lu'um. An 'ix wac' lum 'a eb'.

Dt 2:9

Yuj cha, xyaln Jehová 'ayn 'ixtic: Man̈ e tzuntzc eb' moabita yujto yin̈tl can Lot eb', may xon jac slum eb' 'oj wac' 'ayex. To an xwac' smasnil lum Ar 'a eb'.

Dt 3:16

Ax 'a eb' yin̈tl Rubén yet' eb' yin̈tl Gad, ata xwac' lum 'ay 'a snan̈l Galaad yet' a niwquil a Arnón. Ata tz'ec' smon̈jonal lum 'a spacl lum ch'olan, masnto tzc'och 'a sti a Jaboc, atn a 'aych smon̈jonoc eb' amonita.

Josué 12:2

A jun rey b'ab'l 'emnc cha, atn win Sihón sreyl eb' amorreo cajn 'a chon̈b' Hesbón. A smacb'en 'aj xyac' yajlil, tz'eln̈j yich 'a chon̈b' Aroer, jun 'ay 'a sti a a tzcuch Arnón, tz'ec' 'a spacl snan̈l lum span̈nil sti a Jaboc, atn a 'aych smon̈jonoc lum slum eb' yin̈tl Amón, (tzyal 'el'chi atn nan̈loc lum yic Galaad).

Jueces 11:15

'Ix 'at yalnc eb' 'ixtc 'a winac: —A Jefté 'ixtc wal tzyutj yalni: An̈ israel on̈ tic on̈, may slum eb' moabita tzquij 'eq'ui, may pax yic eb' amonita quijnac 'eq'ui.

Jueces 11:22

'Ix quique'ej lum tzcot 'a sti 'a niwquil a Arnón, masnto tzc'och lum 'a sti a Jaboc, tzcot lum 'a lum cusltac lu'um, masnto tzjaw lum 'a sti a Jordán.