Dt 2:34 - Chuj San Sebastian Bible

³⁴ Smasnil lum chon̈b' 'ay 'a yol slugar win cha, 'ix laj can lum 'a yol qui c'ab'ec yuj qui satnec 'eli. 'Ix laj qui milnec eb' winac, eb' 'ix 'ix yet' eb' 'unin; man̈x 'a eb' xcan 'a spitznal cujec.

Chuj San Mateo Bible

³⁴ Masanil junjun chon̈ab' d'a yol smacb'en vin̈ ix ac'jioch d'a yol co c'ab', ix co satancanel d'a juneln̈ej. Ix co milcham eb' smasanil yed' eb' ix ix yed' masanil unin. Man̈xo junoc pitzan ix can cuuj.

Dt 2:34 Iomraidhean Croise

Dt 3:6

'Ix qui satc 'el eb' 'icha 'ix cutjec win Sihón, atn win sreyl Hesbón. Xqui milc cham eb' winac, eb' 'ix 'ix, yet' pax smasnil eb' 'unin.

Dt 7:2

A yic 'oj ya'nc 'och Jehová jun tzo'n̈ nacion̈ chi 'a yol e c'ab', c'uxn tze satl eb' smasnil. May junc trato tze b'o yet' eb', man̈ 'o'ch pax e c'ojl 'a eb'.

Dt 7:26

Yuj cha, may wal junc tas yajb'il 'el 'oj stac' eyi'n 'at 'a eyatut, sec wach' ma'oj e satl pax jun xo. A jun tzo'n̈ cha, yowlal tzeyajcn 'el eb', tze satl smasnil, xchi Moisés.

Josué 10:28

A 'a jun c'u cha, ata 'ix 'och pax Josué 'a yol chon̈b' Maceda yet' eb' soldado. 'Ix satcn 'el eb' jun chon̈b' cha, smiln can eb' smasnil 'anma cajn ta', man̈x 'a xon junc xcani. 'Icha wal yutjnac Josué win sreyl chon̈b' Jericó, 'ixta pax xyutj win sreyl chon̈b' Maceda cha.

Josué 10:40

A Josué satn 'el smasnil eb' 'anma cajn 'a jun tzo'n̈ lugar cha. 'Ix satl smasnil eb' rey 'ay 'a lum jolmctac witz, eb' 'ay 'a yol yic Neguev, eb' 'ay 'a lum niwc pan̈an yet' eb' 'ay 'a lum pa'ctac. C'uxn xcham eb' smasnil yu'uj, man̈x 'a xon wal junc mach pitzn xcan 'a jun tzo'n̈ chon̈b' cha. C'uxn satl eb' smasnil 'icha yaj yaln Jehová, atn sDiosal Israel.

Josué 11:14

Smasnil eb' 'anma cajn 'a jun tzo'n̈ chon̈b' cha, c'uxn xmilx eb' yet' q'uen espada yuj eb' israel, may wal junc xyactj can eb' 'a pitznal. Ax smasnil no scajb'en noc' eb', yet' smasnil tas 'ay 'a 'a, c'uxn xyique'ej can eb' israel cha.

Josué 6:21

Xlajw cha, xlaj smilnoc can eb' soldado chi eb' 'anma cha, eb' winac, eb' 'ix 'ix, eb' quelem, eb' 'ichmtac 'anma', no wacax, no calnelu yet' no b'uru, c'uxn xlajw can 'el smasnil yuj eb'.

Josué 7:11

A eb' et chon̈b' tic to 'ix 'och smul eb', yujto ma'ix syiclj eb' tas xwala. 'Ix yel'j cot eb' tas 'ix wal to tzsatli, 'ix sc'ultac 'ij cot eb', sc'ub'n 'el eb' 'a yet'l 'aj molb'il tas yu'uj.

Josué 9:24

'Ix ta'w eb' 'a Josué 'ixtic: —'Ixta 'ix cutj qui b'a, yujto on̈ xiw 'ayex, lemb'il tzon̈ e mil chamoc, yujto xcab'i tas yaj yaln can Jehová e Diosal 'a jun schecab' atn Moisés, to a smasnil jun tzo'n̈ lugar tic, a tz'a'n eyico'oc, tze satn can 'el smasnil 'anma cajn 'a lu'um.

A Ch'an̈ B'ab'el Libro Samuel 15:3

Yuj cha, 'ixic, 'ij 'at eb' soldado et'oc, tz'at eya'n owl yet' eb' amalecita cha. Tze satl smasnil tas 'ay 'a eb'. Man̈ 'o'ch e c'ojl 'a eb'. Tze milcn cham eb' winac, eb' 'ix 'ix, eb' 'unin, eb' tz'ulc 'unn tzat 'alji, no wacax, no calnelu, no cameyo yet' pax no b'uru, xchi Samuel.